1 Te mii are e nooria ^aItaia, are natin Amoti, are e ^bkaineti iai nakon Iuta ma Ierutarem:

2 Ao e na koro bukina ni boong aika kaitira, ao ^amaungan ana ^bauti te Uea e na kateaki iaon taubukin taian ^cmaunga, ao e na karietataki riki nakon taian tabuki, ao a na mwananga aaba ni kabane nako iai.

3 Ao a na mwaiti aomata aika a na nako ao a na kangai, Nakomai, bwa ti na tamwarakea ana maunga te Uea, nakon ana tabo ni maeka Atuan Iakobwa; ao e na reireinira kawaina, ao ti na ^anakonako iaon kawaina; bwa e na taekinaki te ^btua mai Tion, ao ana taeka te Uea mai Ierutarem.

4 Ao e na ^amotikitaeka i buakoia aaba nako, ao e na takuiia aika mwaiti: ao a na onea aia kabaang nakon bwaai ni keniken, ao aia kainiwai nakon bwaai ni koro aroka—te aba teuana e na aki manga tabekarake ana kabaang ni kaaitaraa te aba teuana, ke ni kan manga reireinia te buaka riki.

5 O te bata are Iakobwa, nakomai bwa ti na nakonako i nanon ootan te Uea; eng, nakomai, bwa ko a tia ni ^amwaninga nako, temanna ma temanna nakon kawaina aika bubuaka.

6 Ngaia ae O te Uea, ko a tia ni kitania am botanaomata, te bata are Iakobwa, bwa a tia ni ^akanoaki mai mainiku ao a ongeaba nakoia taan tabunea n aroia ^bI-Biritia, ao a ^ckakukureiia irouia natiia ianena.

7 A on abaia n taian koora ma tirewa, ao akea tokin kaubwaia; ao e on naba abaia n taian aoti, ao akea tokin aia kaa ni buaka.

8 A on naba abaia n taian ^abouananti; ao a tataroi bwaai ake a karaoi n oin baia ake a bon tia ni karaoaki n oin tabonibaia.

9 Ao te aomata ae tau arona e aki ^abobaraaki, ao te aomata ae korakora e aki karinanoa, mangaia ae tai kabwara ana bure.

10 O ngkami aika kam buakaka, rinnako i nanon te bwa ao ^akarabaingkami ni bubun te tano, bwa makan te Uea ma mimitongin Ueana e na oroingkami.

11 Ao e na koro bukina bwa a na karinanoaki aomata ake a nakonako ma te kamoamoa i mataia, ao aia kainikatonga aomata e na kabwaouaki rikaaki, ao e na karietataki te Uea n ti ngaia n te bong anne.

12 Bwa e a kaan roko ana ^abong aia Uea Taanga ni Buaka iaoia aaba ni kabane, eng, iaoia aomata ni kabane; eng, iaoia aika ^bkamoamoa ma ni kainikatonga, ao iaoia aomata aika kamoa ni kabane, ao a na kamangoraki.

13 Eng, ao e na roko ana bong te Uea iaoia tiiran Rebanon ni kabane, bwa e korakora te kamoamoa irouia, ao iaoia naba oke i Batian ni kabane.

14 Ao iaon taian maunga aika rietata ni kabane, ao taian tabuki ni kabane, ao iaon aaba ni kabane ake a kamoamoa, ao iaoia aomata ni kabane;

15 Ao iaon taua aika rietata ni kabane, ao iaon taian oo ni kabane;

16 Ao iaoia taian kaibuke ni kabane i ^amarawa, ao iaon kaibuken Taretiti, ao iaon tamnei aika kakukurei ni kabane.

17 Ao a na kamoamoa te aomata, e na kabwaouaki rikaaki ao e na karinanoaki karietataia aomata; ao bon te Uea n ti ngaia ae e na karietataki n te ^abong anne.

18 Ao bouananti e na kamaunai ni kabane.

19 Ao a na nako nakon bwangabwangan taian bwaa, ma nanganangan te aonaba, bwa maakan te Uea e na roko iaoia ao mimitongin Ueana e na oroia n te tai are e teirake iai ni ioioa te aonaba n te aro ae kakamaku.

20 N te bong arei ao te aomata e na ^akarenakoi ana bouananti aika tirewa ma ana bouananti aika koora are e a tia ni karaoi bwa e na taromauri, nakoia manin aan tano ma manin te bong.

21 A na nako nako marenan taian bwa, ao i taubukin taian bwa aika kateketeke, bwa maakan te Uea e na roko iaoia ao uean mimitongina e na oroi ngkami, n te tai are e na teirake n ioioia te aonaba n te aro ae kakamaku.

22 ^aToki mai iroun te aomata, are e reke ikena man bwairina; bwa e na baireaki maia taekana?