1 Pea ʻi he ʻaho ko iá ʻe piki ʻa e fefine ʻe toko fitú ki he tangata ʻe toko taha, ʻo nau pehē: Te mau kai ʻa ʻemau mā ʻamautolu pē, pea kofu ʻaki ʻa homau ngaahi kofu ʻomautolu pē; kae kehe ke ui ʻa kimautolu ʻi ho hingoá koeʻuhi ke toʻo atu ai ʻa homau ^amanukiá.

2 ʻI he ʻaho ko iá ʻe fakaʻofoʻofa mo nāunauʻia ʻa e ^avaʻa ʻo e ʻEikí; ʻe lelei lahi mo matamatalelei ʻa e fua ʻo e fonuá kiate kinautolu ʻo e fale ʻo ʻIsileli kuo hao mei he fakaʻauhá.

3 Pea ʻe hoko ʻo pehē, ko kinautolu ʻoku toe ʻi Saioné, pea mo ia ʻoku ʻi Selūsalemá, ʻe ui ʻa kinautolu ko e māʻoniʻoni, ʻa kinautolu kotoa pē kuo tohi ʻi he kakai moʻui ʻo Selūsalemá—

4 ^aʻO ka ʻosi ^bfufulu ʻe he ʻEikí ʻa e ʻuli ʻo e ngaahi ʻofefine ʻo Saioné, pea fakamaʻa mo e halaia ʻo Selūsalemá mei he lotolotonga ʻo iá ʻaki ʻa ʻene fakamaau mālohí pea ʻi he laumālie ʻo e ^cvela.

5 Pea ʻe fakatupu ʻe he ʻEikí ʻi he nofoʻanga kotoa ʻo e moʻunga ʻo Saioné, pea mo kinautolu kotoa pē ʻoku haʻu ki aí, ʻa e ^aʻao ʻo e ʻahuʻi afi ʻi he ʻaho, pea mo e maama ʻo e afi ulo ngingila ʻi he pō; koeʻuhi ʻe hoko ʻa e meʻa kotoa pē ʻo e nāunau ʻo Saioné ko e maluʻi.

6 Pea ʻe ʻi ai ha tāpanekale ko e fakamalumaluʻanga mei he vela ʻo e ʻahó, pea ko ha ^ahūfangaʻanga, mo ha maluʻanga mei he afaá pea mei he ʻuhá.