Kapitulo 30
Maibilangto dagiti namalbaliw a Gentil kadagiti natulagan a tao—Adunto a Lamanita ken Hudio ti mamati iti balikas ket agbalinda a makaay-ayo—Maisublinto manen ti Israel ket madadaelto dagiti nadangkes. Agarup 559–545 B.C.
1 Ket ita kitaenyo, patpatgek a kakabsatko, agsaoak kadakayo; ta siak, ni Nephi, diak ipalubos nga ipagpagarupyo a nalinlintegkayonto ngem dagiti Gentil. Ta kitaen, malaksid no tungpalenyo dagiti bilin ti Dios maungawkayonto met amin; ken gapu kadagiti balikas a nasaon saanyo ipapan a maminpinsan a nadadael dagiti Gentil.
2 Ta kitaen, ibagak kadakayo no kasano ti kaadu dagiti agbabawi a Gentil kasta met ti kaadu dagiti anatulagan a tao ti Apo; ket kas ti kaadu bdagiti Hudio a saan nga agbabawi kasta met dagiti mapagtalaw; agsipud ta saan a makitulag ti Apo malaksid kadagiti cagbabawi ken mamati iti Anakna, nga isu ti Nasantuan ti Israel.
3 Ket ita, ipadtok ti adu pay maipanggep kadagiti Hudio ken dagiti Gentil. Ta kalpasan ti iruruar ti libro a nasaokon, ken maisurat kadagiti Gentil, ken naselioan manen iti Apo, adunto ti amamati kadagiti balikas a naisurat; ket bisuda ti mangidanonto kadagiti natda iti kaputotantayo.
4 Ket kalpasanna maammuanto dagiti natda iti kaputotantayo ti maipanggep kadatayo, no kasano ti ipapanawtayo manipud iti Jerusalem, ken kasta pay a kaputotan ida dagiti Hudio.
5 Ket maipakdaarto ti ebanghelio ni Jesucristo akadakuada; gapuna, maisublinto bida iti cpannakaammo kadagiti lalaki a kapuonanda, ken iti pay pannakaammo ken ni Jesucristo, nga adda idi kadagiti lalaki a kapuonanna.
6 Ket kalpasanna agrag-odanto; agsipud ta maammuandanto a bendision kadakuada manipud iti ima ti Dios; ket mangruginto a maregreg kadagiti matada dagiti siksik iti kasipngetan; ket saan nga aglabas ti adu a kaputotan kadakuada, malaksid no agbalinda a natarnaw ken amakaay-ayo a tattao.
7 Ket mapasamakto a mangruginto met a mamati ken ni Cristo adagiti Hudio a naiwaraswaras; ket bmangruginto met nga aguummongdanto iti rabaw ti daga; ket kas iti kaadu ti mamatinto ken ni Cristo ti agbalinto met a makaay-ayo a tattao.
8 Ket mapasamakto a rugianto ti Apo a Dios ti aramidna iti amin a pagilian, puli, pagsasao, ken tattao, a mangipatungpal iti pannakaisubli dagiti taona iti daga.
9 Ken sililinteg ti aApo a Dios a bmangukomto kadagiti nakurapay, ken mamabalaw nga addaan iti panagpapatas dagiti cnaemma iti daga. Ket saplitennanto ti daga iti panaplit nga agtaud iti ngiwatna; ket tinto sang-awna ti panggudasna kadagiti nadangkes.
10 Ta napardasto ti yaay ti akanito a mangparnuayto ti Apo a Dios iti naindaklan a bpannakabingay dagiti tattao, ket dadaelennanto dagiti nadangkes; ket cisalakannanto dagiti taona, wen, nupay pudno a nasken a ddadaelenna dagiti nadangkes iti apuy.
11 Ket tinto akinalinteg ti ibarikes iti lomona, ket ti kinapudno ti barikes ti siketna.
12 aKet kalpasanna makipagnaedto ti lobo iti karnero; ket makikaiddanto ti leopardo iti urbon a kalding, ken dagiti urbon ti baka, ken dagiti urbon ti leon, ken naamo a dinguen, agkaykaysadanto; ket bassit nga ubingto ti mangiturong kadakuada.
13 Ket agkapanganto dagiti baka ken oso; agkakaiddanto dagiti urbonda; ket manganto ti leon iti garami a kas iti baka.
14 Ket makiay-ayamto ti agsussuso nga ubing iti abut ti nagita nga uleg, ken ipanto ti naipusing nga ubing ti imana iti umok ti nagita nga uleg.
15 Saandanto a mangdangran wenno mangdadael iti amin a nasantuan a bantayko; ta mapnonto ti daga iti pannakaammo iti Apo a kas iti pananglapunos ti danum iti baybay.
16 Gapuna, maammuanto dagiti bambanag iti aamin a pagilian; wen, bmaipakaammonto amin a bambanag kadagiti annak ti tattao.
17 Awan ti ania man a limed a saanto a amaipalgak; awan ti aramid iti kasipngetan a saanto a maipakita iti lawag; ken awan ti naselioan iti daga a saanto a mawayawayaan.
18 Gapuna, maipalgakto iti dayta nga aldaw ti amin a bambanag a naipalgaken kadagiti annak ti tattao; ken ti bileg ni Satanas kadagiti puso dagiti annak ti tattao ket aawanton, iti atiddog a panawen. Ket ita, patpatgek a kakabsatko, igibuskon ti panagsaritak.