1. Erio egaika engaki aborokigwa ba Yeso bagochaka kogenda na korandia ebinto biria baigwete na korora, na kobatisa ase erieta ria Yeso, erio naende egaika engaki aborokigwa bagocha amo na kobwatana ase amasabo na kweng’ata.

2. Na Yeso akaba okweorokia ase bare ekiagera bare gosaba ase Tata ase erieta riaye; Naboigo Yeso agacha nagotenena ase egati yabo na goteba ase bare ng’a keria moganetie inwe nimbe inkobaa?

3. Erio bakamotebia ng’a: Omonene totebie ekanisa torabe tokorangeria ekiagera ogwatananeka nkoreo egati ya abanto igoro ya amang’ana aya.

4. Erio Omonene akabatebia ng’a: Ekeene, ekeene nabatebirie, ninki gekogera abanto bakwemurungania ase engencho ya amang’ana aya?

5. Tibanya gosoma amariko, ng’a goika moire erieta ria Yeso Kristo ase more, erio ririe erieta riane? Ase erieta eri imorangerigwe ase ekero kiomoerio;

6. Na onde bwonsi orabogorie erieta riane, nakoremereria, goika omoerio, oyo nakonyeke ekero kiomoerio.

7. Aseigo kende gionsi mogokora goika mogekore ase erieta riane; aseigo goika moroke ekanisa ase erieta riane; na goika morangerie Tata ase erieta riane na nabe ogosesenia ekanisa ase erieta riane.

8. Inaki erarokwe ekanisa yane onye terikiri ase erieta riane? Gose onye ekanisa ekorokwa ase erieta ria Musa’ nyeroke boigo Musa’ na onye ekanisa ekorokwa ase erieta ri’omonto boigo yeroke erieta ri’omonto na onye ekorokwa erieta riane nigo ere eyane ekiagera baagachirwe ase enchiri yane.

9. Ekeene nabatebirie ng’a inwe nigo moagachire ase enchiri yane; aseigo goika mosabe kende gionsi ase erieta riane; onye mokoboria ase erieta ria Tata, igoro yekanisa, na onye ekoba ase erieta riane Omonene nabaigwe.

10. Na onye ekanisa yaagachire ase enchiri yane aseigo Omonene goika aorokie emeremo yaye.

11. Na onye teagachirie ase enchiri yane na koagachwa ase omonto gose igoro ase ogokora kwebirecha, ekeene nabatebirie nigo babwate omogoko ase chinkoro chiabo ase egeka egeke, na ekero kiomoerio, mbarutwe ase omorero, oyio batarwe aroro.

12. Ase amokoro abo bakaba bagotunyana amakoro abo, na asengencho ya amakoro abo aragere batugutwe; aseigo inyora amang’ana aria nabatebirie.

13. Rigereria nabaire enchiri yane, na eye nero enchiri nabaine – – Ng’a nigo nachete ense ase okobua gwa Tata, ekiagera nere ontomete.

14. Na Tata nigo antomete erinde inyare kobekwa ase omosaraba igoro; erio inyare koreta abanto bonsi asende, buna nabegetwe igoro ase omosaraba naboigo Omonene nabeke abanto aba igoro nagotenena asende, na kogambigwa ogokora kwabo nakoba okuya gose nakoba okobe –

15. Na ase engencho eye nabeire inkobekwa igoro ase omote; aseigo koreng’ana nechinguru chia Tata nimbe inkobareta abanto ang’e nainche, erinde banyare kogambigwa koreng’ana nogokora kwabo.

16. Erio neike engaki ase oria onde bwense oraangame ase erieta riane arabe ogoichoria na kararemererie goika omoerio, ere nimobare koba otari nabobe ase Tata ekero kierituko indatenene koyegambia ense.

17. Na oria otegenetie goika omoerio, oyo nabe okorutwa ase omorero, korwa abwe atanyare koirana naende, asengencho yekeene kia Nyasae.

18. Na aya naro amang’ana aeire abanto asengencho eye oyaikeranirie amang’ana aya arure. Na takong’ainereria, korende goika ayaikeranie amang’ana aye.

19. Na kende tikeri ekebe kerasoe ase obonda bwaigoro; kende tikeri kerasoe gotatiga baria basibirie chianga chiabo namanyinga ane, na ase okwegena kwabo nakoangama ebibe biabo bionsi, na kwegena goika omoerio.

20. Na aya naro amachiko: Angama inwe chinsinyo chiense, na inchwo asende nakobatiswa ase erieta riane, erinde nario morasibigwe, n’Omoika Omochenu nario moratenene asende motari na kemoa.

21. Ekeene, ekeene, nabatebirie, eye nero enchiri yane, na mwamanyire amang’ana mobwenerete gokora ase akanisa yane; ekiagera mwarorire emeremo ingokora nainwe boigo mobe mokoyekora;

22. Aseigo, onye mokoyakora aya mwabeire mogosesenigwa, inamobe mokoimokererigwa igoro.

23. Rika ebinto mwabeire mokorora na koigwa, gotatiga biria bioka bikanire.

24. Rika emeremo ya abanto aba, echio chirabe, nonya chiabeire chikorikwa, nonya nchiria kanya chire.

25. Aseigo rigereria, isiko y’ebitabu ebi biarikirwe, na biria birabe bikorikwa, abanto aba mbabe bakogambigwa, na ase engencho yabo emeremo yabo nebe ekworokigwa ase abanto.

26. Na rigereria, ebinto ebinge biarikirwe amo na Tata; aseigo isiko yebitabu ebio birarikwe mbibeke ense goika egambigwe.

27. Inee timomanyeti ng’a nigo moragambigwe ase abanto aba koreng’ana nekina ararwe ase more ekio kerabe egechenu aseigo mbanto ki more? Ekeene nabatebirie buna inde.

28. Nabono nkogenda inde ase Tata. Na ekeene nabatebirie kende gionsi morasabe Tata ase erieta riane ekio imoegwe.

29. Aseigo saba ing’amoegwe; tura imoigorerwe rigia imonyore, ekiagera ase oria ogosaba nkoegwa are na oria ogotura nkoigorerwa are.

30. Rigereria omogoko one nomonene na nigo oichire asengencho yaino naboigo ekegori eke nonya Tata nigo agogete, nonya namaraika ase engencho yaino na onde tari osirire.

31. Nigo nagania momanye ng’a nigo ingokwana ase abare moyo bono ase ekegori eke; na onde tagosira na ime ase bare nigo inde nomogoko omonene.

32. Korende nigo nkogechigwa ase engencho yekegori gia kane ekiagera bairetwe obosibwa n’oria ore omwana bw’obosaria ekiagera nigo barangore ase chibesa chiria obobosu na abaibi baranyare koiba erio nimbe inkobatarera nakoirania emeremo yabo ase emetwe yabo.

33. Erio ekero Yeso akora amang’ana aya akabatebia abarokigwa baye, soa ase enchera engote ekiagera enchera engote nero ekoraa goika ase obogima, na enchera engare nigo ekoraa goika ase amakweri ekiagera nabange bakoyeeta goika obotuko.