1 Ausening, O ami chon Gentile, me ausening ngeni ekkewe kapasen Jises Kraist, ewe Noun ewe Kot mi manau, minne i a fen annuku ngeniei pwe upwe kapas usumi, pun, nengeni a annuku ngeniei pwe upwe makketiw, a apasa:

2 Oupwe kun, ami chon Gentile meinisin, seni ami kewe eereni mi ngaw; me aier seni ami kewe foffor mi ngaw, seni ami chofona me nikatupotup, me seni ami angangen nisou, me seni ami angangen anieput mi monomon, me ami fen ngeni niosun anu muan, me seni ami nii manau, me ami mwokutukutun pris, me ami nonowo, me ami anini, me seni ami fofforungaw me anieput meinisin, me feito rei, me oupwe papatais non itei, pwe oupwe tongeni angei omusomusen ami kewe tipis, me oupwe ureno ren ewe Ngun mi Fel, pwe oupwe tongeni anneanong nein nei kewe aramas ir ekkewe seni ewe imwen Israel.