1 Ao ngkai e a koro bukina bwa ana botanaomata Nibwaai a bon okiri oin abaia n te kauabwi ma onoua n ririki, ni kabane te aomata ma ana utu, ana nanai ao ana ikota ni man, ana aoti ma ana kao, ao bwaai ni kabane ake bon aia bwai.

2 Ao e a koro bukina bwa a tuai ni bane ni kanaki kanaia; ngaia are a uoti kanaia ni kabane ake a tuai ni kang, ae aekan nako te wiita, ao aia koora, ao aia tirewa, ao aia bwai ni kabane aika a kakaawaki, ao a okira oin abaia ma aia bwai nako, i meang ao maiaki, n te aba are nako meang ao n te aba are e nako maiaki.

3 Ao a bon anganiia kamwarua ake a tia ni karaoa te berita ae tabu bwa a na kawakina te rau n te aba, ake a kan tiku n riki bwa Reimwanaite, aaba, n aron mwaitia, bwa aonga ni karekei, man oin korakoraia maiuia; ao ikai are e a kamatoa te rau n te aba ni kabuta.

4 Ao a manga moanna naba n rikirake aroia ao a matoatoa; ao e bane te kauabwi ma onoua ao itiua n ririki, ao bon iai te baireaki raoi ae korakora n te aba; ao a bon karaoa aia tua n aron te aro ni boraoi ao te motiraoi.

5 Ao ngkai ai bon aakea te bwai n te aba are e tutukiia aomata bwa a na rikirake aroia n aki toki, ma ti ngkana a bwaka n riaoan te tua.

6 Ao ngkai bon Kikitonaai, ao te tia moti, Ratonati, ma taani kairiiri ake a tia n rineaki, ake a tia ni kamatoa te rau ae korakora aei iaon te aba.

7 Ao e a koro bukina bwa a bon mwaiti kaawa ake a manga kateaki, ao a mwaiti kaawa aika a karaoaki uruakiia.

8 Ao a mwaiti kawai aika a na bati n totouaki aika a manga karaoaki, ao a mwaiti kawai aika a karaoaki, aika a kaineti man te kaawa ae bubura teuana nakon te kaawa ae bubura teuana, ao man te aba teuana nakon te aba teuana, ao man te tabo teuana nakon te tabo teuana.

9 Ao ngaia are e a toki te kauabwi ma waniua n ririki, ao e reitinako te rau irouia aomata.

10 Ma e a koro bukina bwa n te kauabwi ma ruaiwa n ririki ao bon iai kakauntaeka tabeua i buakoia aomata; ao iai tabemwaang a tabekakirake n te ^akainikatonga ao te kamoamoa ibukin kaubwaia ae rianako, eng, n te aro are e a korakora bwainikirinaia aomata.

11 Bwa a bon mwaiti taan kabobwai n te aba, ao taan reirei te tua, ao taan mwakuri.

12 Ao aomata a moanna ni kinaaki man aia karinan n aia mwakuri, n aron ^akaubwaia ao aanga n reireia; eng, iai ake akea te bwai ae a ataia ibukin kainnanoia, ao iai ake a karekea te reirei ae bati ibukin kaubwaia.

13 Tabemwaang a tabekakirake n te kainikatonga, ao tabemwaang e korakora te nanorinanoia irouia; iai tabemwaang a kabooa te taetae n aki akaaka ma te taetae n aki akaaka ao iai ake a butimaei taetae n aki akaaka ma aekan waaki ni ^abwainikirinaki ao karawawata n aekaia nako, ao a aki manga tanrikaaki n ^btaetae n aki akaaka, ma a bon nanorinano ao a raraoma imatan te Atua.

14 Ao ngaia are e a rikirake te kakaokoroaki ni kabuta te aba, n te aro are te ekaretia e a maenako; eng, n te aro are n te katenibwi n ririki ao te ekaretia e a maenako n te aba ni kabuta ma ti i buakoia Reimwanaite tabemwaang ake a tia n rairaki nakon te onimaki ni koaua; ao a bon aki kan kitanna, bwa a bon nene, ao a teimatoa, ao aki kona ni kamwaingaki, ao a kukurei ma te ^abotumwaaka ni kabane ni kawakina ana tua te Uea.

15 Ngkai a riki ni buakaka aomata ibukin aei—iai mwaakan Tatan ae korakora, ni kakiriweia aomata bwa a na karaoi aekan buakaka nako, ma ni kaonia n te kainikatonga, ni kariria bwa a na ukoukora te mwaaka ao te kan tautaeka, ma te kaubwai, ao bwain te aonaba aika akea maneia.

16 Ao ngaia are Tatan e kairia nako nanoia aomata bwa a na karaoi aekan buakaka nako; mangaia are bon ti tabeua aia ririki ni kukurei i nanon te rau.

17 Ao mangaia are, ni moan waakinan te katenibwi n ririki—ao aomata a bon kairiraki i nanon te tai ae maan n ana ^akariiri te riaboro nakon taabo nako ake e kan kairiia nako iai, bwa a na karaoa te bwai ae e buakaka are e tangiriia bwa a riai ni karaoi—are ngaia are ni moan aei ae te katenibwi n ririki, a bon mena i nanon te aro ni buakaka ae koro arona.

18 Ngkai a bon aki karaoa te bure i nanon te ^aaki atatai, bwa a bon ataa nanon te Atua ni kaineti mangaia, bwa e a bon tia n reireinaki nakoia; mangaia are a boni ^bkaitaraa te Atua n oin nanoia.

19 Ao ngkai aio bon i nanon ana bong ni maiu Ratonati, are natin Ratonati, bwa Ratonati e bon kaaina ana kaintekateka tamana ao e bon tautaekaniia aomata n te ririki arei.

20 Ao bon iai mwaane ake a ^akarekea te kairiiri mai karawa ao a kamwanangaaki, bwa a na tei i buakoia aomata ni kabuta te aba, ni kabwarabwara ma n ninikoria ni kakoaua ibukin aia bure ma buakakaia te botanaomata, ma ni kakoaua nakoia taekan te kabomwi are e na karaoia te Uea ibukiia ana botanaomata, ke n taeka riki tabeua, mangautin Kristo; ao a bon ninikoria ni kakoaua ibukin ^bmatena ao karawawatakina.

21 Ngkai a bon mwaiti aomata ake a korakora uniia ibukiia naake a kakoauai bwaai aikai; ao e a moamoa riki uniia mataniwia taan moti, ao ^anaake bon ibonga aika rietata ao taan reirei te tua; eng, ni kabane taan reirei te tua a bon rang n un irouia naake a kakoaua ibukin bwaai aikai.

22 Ngkai bon akea te tia reirei te tua ke te tia moti ke te ibonga ae rietata ae iai mwaakana ni kabuakaka temanna nakon te tiringaki ma ti ngkana e tiainaaki tiringakina iroun te kowana n te aba.

23 Ngkai a bon mwaiti ake a kakoaua ibukin bwaai aika a kaineti ma Kristo ake a ninikoria ni kaotioti, ao a uotaki nako man tiringaki n te aro ni karaba irouia taan moti, ao te atatai ibukin mateia e bon aki ataaki iroun te kowana n te aba ni karokoa mwiin mateia.

24 Ngkai nooria, aio e bon kaaitara tuan te aba, ae e na kona te aomata n tiringaki ma ti ngkana iai te mwaaka ibukin aei mai iroun te kowana n te aba—

25 Ngaia are e a roko te tangitang nakon te aba are Taraemera, nakon te kowana n te aba, ibukiia taan moti ake a kabuakakaia ana burabeti te Uea bwa a na tiringaki, n te aro ae e aki kaineti ma te tua.

26 Ngkai e a koro bukina bwa a bon anaaki man uotaki nako matan te tia moti, bwa a na motikaki taekaia n te bure are a tia ni karaoia, n aron te ^atua are a tia n anga aomata.

27 Ngkai e a koro bukina bwa taan moti akekei a bon mwaiti raoraoia ma aia koraki; ao nikiraia aomata, eng, angiia ni kabane taan reirei te tua ao ibonga aika rietata, a bon ikoikotaki man reitaki ma aia koraki taan moti ake a na motikaki taekaia ni kaineti ma te tua

28 Ao a bon karaoa te ^aberita imarenaia, eng, te berita are a anganaki mai irouia aia bakatibu, are bon te berita are a anganaki ao e karaoaki mai iroun te ^briaboro, bwa a na ikotaki ni kaaitarai raoiroi ni kabane.

29 Mangaia are a bon ikotaki ni kaaitaraia ana botanaomata te Uea, ma ni karaoa te berita bwa a na tiringia, ma ni kamaiuia ake a kuneaki ni bure n tiriaomata mai i nanon bain te motiraoi, are e na bon karaoaki n aron te tua.

30 Ao a bon rawa n ira nanon tuan ma inaomatan abaia; ao a karaoa te berita ae e tabu imarenaia bwa a na kamauna te kowana, ma ni karekea te ^auea ae e na uea ni kabutaa te aba, ao bwa te aba e na manga aki oki n inaomata ma e na mena i aan aia babaire uea.