1 Cunan yalishca jipa chunga shuj quilla chunga iscun huatapi, quillapaj chunga punllapi, ricushca carca Lamanitacunapaj macanajuj runacuna Ammoníah alpaman chayamunajujta.

2 Riqui, llactaca cutinbash shayachishca carca, Moroni churashca carca macanajuj runacunata llactapaj manñacunapi, paicuna shayachirca muyundi alpahuan jarcanacunata Lamanitacunapaj flechacuna, rumicunamandapash huacaichiringapa; imashpa riqui, paicuna macanajurca rumicunahuan, flechacunahuanbash.

3 Riqui, nircani Ammoníah llacta cutin shayachishca carca. Nini cangunaman, ari, cai carca asha pushtu cutin shayachishca; shuj viaje Lamanitacuna tucuchishca carca llactapuracunapaj na ali ruraicunamanda, cutinbash mishanalla canga yarca.

4 Ashtahuangari riqui, jatunbacha paicunapaj umachi tucui carca; riqui, Nefitacuna muyundi alpahuan jarcanacunata shayachishca carca, imacuna jatunbacha carca Lamanitacunapa paicunapaj rumicunahuan, flechacunahuanbash paicunata pigaita na usharca chayachingapa, paicunapaj jahuaman shamuitapash na usharca ashtahuangari yaicuna pushtutalla.

5 Cunan cai punllapi Lamanitacunapaj capitán yali mandajca ninandapacha manllarishca carca, Nefitacunapaj yachaimanda paicuna ali seguro cangapa pushtucunata ruranapi.

6 Cunan Lamanitacunapaj pushaj yashca carca ashtacapacha paicuna caimanda, ari, paicuna yashca carca privilegiado canata paicunapaman shamungapa imashna punda rurashca laya; ari, prepararishcapash carca escudocunahuan, pecho jirrucunahuan; preparashcapash carca cara churajunacunahuan, ari, ali tapa churajunacunahuan paicunapaj churajuna illa caita taparingapa.

7 Shina prepararishca caimanda paicuna yarca fangalla yalinata paicunapaj huauquicunata huatai tucushcashnapaj yugoman apangapa, nacashpa huañuchingapa, llaquinayaita huañuchingapa paicunapaj munashcashna.

8 Ashtahuangari riqui, paicunapaj manllarihuan ricurca, prepararishca carca paicunata chasquingapa, Lehipaj huahuacunapi imaurapash na ricushca layapi. Cunan prepararishca carca Lamanitacunahuan macanajungapa, Moronipaj imashna ricuchisha layata catishpa.

9 Yalishca jipa Lamanitacuna, nacashpa Amalickíahcuna, ninandapacha manllarishca carca imashna paicuna macanajungapa prepararishcata.

10 Cunan, Amalickíah jatun mandaj Nefi alpaman urai chayamushca cashpaca, paipaj macanajuj runacunapaj umapi, Lamanitacunata macanajuchinman carca Nefitacunahuan Ammoníah llactapi; riqui, paipaj llactapuracunapaj yahuar imapash cachun yarca.

11 Ashtahuangari riqui, Amalickíah paillata na macanajungapa shamurca. Riqui, paipaj capitán yali mandajcuna Nefitacunahuan Ammoníah llactapi macanajungapa manllarca, imashpa Moroni Nefitacunahuan ruranacunata shuj layaman tigrachishca carca, shinashpa Lamanitacuna manllarishca carca paicunapaj pacajuna pushtucunamanda paicunapaj jahuamanbash na shamui usharca.

12 Chaimanda jarcarishpa jichushca pambaman rirca, paicuna causana pambata japishpa Noépaj alpaman purishpa rirca, chai ashtahuan ali pushtu canga yashpa Nefitacunapaj contra shamungapa.

13 Paicuna na yacharca Moroni shinllichishca cashcata, nacashpa ali seguro canacunata shayachishca carca, tucui llactacunapi muyundi alpacunapi; chaimanda, paicuna purishpa rirca Noépaj alpaman shinlli rurashunbacha yaihuan; ari, paicunapaj capitán yali mandajcuna ñaupashpa shamurca jurarcapash llactapaj llactapuracunata tucuchingapa.

14 Ashtahuangari riqui, paicunapaj manllaripa, Noépaj llacta punda na shinlli cashca pushtu, cunan, Moronimanda, shinlli tigrashca carca, ari, Ammoníah alpata yali shinlli.

15 Cunan, riqui, cai carca Moronipi jatun yachai; pai yashca carca Ammoníah llactamanda manllarishca canata; punda Noépaj llacta na shinlli pushtu alpa carca, chaimanda caiman purishpa ringa macanajungapa; shina carca paipaj yuyashca laya.

16 Riqui, Moroni Lehita ajllarca capitán yali mandaj cachun chai llacta runacunapaj jahuapi; chai Lehillata carca pimi Lamanitacunahuan macanajurca pugru pambapi Sidón jatun yacu indi llujshij ladopi.

17 Cunan riqui yalishca jipa, imaura Lamanitacuna tupashpa Lehi llactata mandajta paicuna cutin manllarishca carca; paicuna ninandapacha manllarca Lehita; ashtahuangari paicunapaj capitán yali mandajcuna jurashca carca llactata macanajui callaringapa; chaimanda, paicunapaj macanajuj runacunata aparca.

18 Cunan riqui, Lamanitacuna na yaicui usharca paicunapaj ali seguro jarcanacunaman nimaijan ñanda ashtahuangari yaicunatalla, jatunbacha jarcanacunata shayachishcamanda, ucu ucu utujuta muyundi allashca carca, yaicunatalla na allashca carca.

19 Shina Nefitacuna preparashca carca tucuchingapa tucui munajcunata jarcashcata vitsiashpa shuj ñanda yaicungapa munajpica, rumicuna, flechacuna pigashpa.

20 Shina paicuna preparashca carca, ari, paicunapaj racu runacunahuan, paicunapaj espadacunahuan, paicunapaj huaracacunahuan, paicunapaj ali seguro canacunaman tucui yaicungapa munajcunata huañuchingapa; shina paicuna preparashca carca paipuracuna Lamanitacunamanda huacaichiringapa.

21 Yalishca jipa Lamanitacunapaj capitánguna paicunapaj macanajuj runacunata aparca yaicuna pushtu ñaupaman, Nefitacunahuan macanajui callarirca, paicunapaj seguro cana pushtuman yaicungapa; ashtahuangari riqui, huaquinbi huaquinbi calpachi tucurca, shinashpa huañuchi tucurca manllanai huañuchihuan.

22 Cunan imaura paicuna yachashpa yaicunata Nefitacunapaj jahuapi ushaita na charinacashpa, paicuna allai callarirca alpa pircacunata shuj yalinata chari ushangapa paicunapaj macanajuj runacunapa, pacta caita charishpa macanajungapa; ashtahuangari riqui, cai munaicunapi apai tucurca rumicunahuan, flechacunahuan imacunata pigarca paicunapaman; paicunapaj utujucunata jundachina randi alpahuan jarcashcacunata allashpa, caicuna jundachishca carca huañushcacunahuan, chugrishca cuerpocunahuanbash.

23 Shina Nefitacuna tucui ushaita charirca paicunata napacha ricunayachijcunapaj jahuapi; shina Lamanitacuna Nefitacunata tucuchingapa munarca imaura paicunapaj capitán yali mandajcuna tucuilla huañungacaman; ari, huaranga Lamanitacuna yali huañurca; caishu ladomangari, na tiarca Nefitacunapaj shujlla almallapash huañushca.

24 Tiarca picha chunga chugrishcacuna, Lamanitacunapaj flechacuna chayachinalla cashcamanda yaicuna pungupi, ashtahuangari paicunata huacaichirca paicunapaj escudocuna, paicunapaj pecho jirrucuna, paicunapaj uma jirrucuna, shinashpa paicuna chugrichishca carca paicuna changacunata, tauca ali chugrichishca carca.

25 Yalishca jipa, Lamanitacuna ricushca cashpa paicunapaj capitán yali mandajcuna tucuilla huañushca cashcata paicuna calparca jichushca pambaman. Yalishca jipa Nefipaj alpaman tigrarca, paicunapaj jatun mandaj, Amalickíahman villangapa, pimi carca shuj Nefita nacirishcamanda, paicuna jatun chingachishcacunamanda.

26 Yalishca jipa pai ninandapacha fiñashca carca paipaj llactapuracunahuan, Nefitacunapaj jahuapi paipaj munashcata na charishcamanda; paicunata huatai tucushcashnapaj yugoman na curishcamanda.

27 Ari, pai ninandapacha fiñashca carca, Diosta llaquichirca, Moronitapash, juramentota rurarca paipaj yahuarta ufiangapa; caita Moroni Diospaj rurachunbacha saquishcacunata alichishcamanda paipaj llactapuracuna ali seguro cachun preparashcamanda.

28 Yalishca jipa, cutishuj ladoman, Nefipaj llactapuracuna Apunchij paicunapaj Diosta pagui nirca, pipash na charin ushaihuan paicunapaj napacha ricunayachijcunapaj maquicunamanda cacharichishcamanda.

29 Shina chunga iscun huata ricushpa chasquichijcunapaj reinado tucurirca Nefipaj llactapuracunapaj jahuapi.

30 Ari, catilla sumaj causai tiarca paicunapurapi, ninandapacha ali mirarca iglesiapi paicuna uyaimanda, utsia ruraimanda imacuna Diospaj achil shimiman curca, imata villashca carca Helamán, Shiblón, Coriantón, Ammón paipaj huauquicunapash, ari, tucui maijanguna ajllai tucushca carca Diospaj achil ordenhuan, bautizarishca cashcapash arrepentimientopa, llactapuracunaman yachachichun cachashcapash.