1 Ma ugbua o wee ruo na mgbe Nifaị kwuworo okwu ndị a, lee, e nwere ndị nwoke ndị bụ ndị-ikpe, ndị bụ kwa ndị otu nzuzo nke Gadiantọn, ma iwe were ha, ma ha tipụtara mkpu megide ya, na-asị ndị ahụ: Gịnị mere unu ejideghị nwoke a ma kpọta ya, ka e wee ma ya ikpe dịka mmebi-iwu nke o meworo siri dị?

2 Gịnị mere unu jiri na-ahụ nwoke nke a, ma na-anụ ka ọ na-ekwugide ndị a na imegide iwu anyị?

3 N’ihi na lee, Nifaị agwawo ha okwu gbasara iru-inyi nke iwu ha; e, ọtụtụ ihe ka Nifaị kwuru nke a na-enweghị ike ide-ede; ma ọdịghị ihe o kwuru nke megidere iwu-nsọ nile nke Chineke.

4 Ma ndị-ikpe ahụ weere ya iwe n’ihi na ọ ^agwara ha okwu kwere nghọta gbasara ọrụ-nzuzo ha nile nke ọchịchịrị; otu o sila dị, ha anwaghị-anwa ibịtụ aka nke onwe ha nʼarụ ya, n’ihi na ha tụrụ egwu ndị ahụ eleghị anya ha etipụ mkpu megide ha.

5 Ya mere ha tikuru ndị ahụ, na-asị: Gịnị mere unu jiri kwe nwoke a ka o kwugide anyị? N’ihi na lee ọ mara ndị a nile ikpe, ọbụna ruo na mbibi; e, ma kwa na nnukwu obodo-ukwu anyị ndị a a ga-anapụ anyị ha, nke bụ na ọdịghị kwa ebe anyị ga-enwe nʼime ha.

6 Ma ugbua anyị matara na nke a agaghị-ekwe omume, n’ihi na lee, anyị siri ike, ma obodo-ukwu anyị nile dị ukwuu, ya mere ndị-iro anyị agaghị enwe ike imeri anyị.

7 Ma o wee ruo na otu a ka ha siri kpalite ndị ahụ iwe iwe megide Nifaị, ma palite ndọrọ-ndọrọ nʼetiti ha; n’ihi na e nwere ụfọdụ ndị tipụrụ mkpu: Hapụ nwoke a ka ọ nọdụrụ onwe ya, n’ihi na ọ bụ ezigbo nwoke, ma ihe ndị ahụ ọ na-ekwu ga-emezurịrị ma ọbụghị na anyị chegharịrị;

8 E, lee, ikpe nile ahụ ga-abịakwasị anyị ndị nke ọ gbaworo ama ha nye anyị; n’ihi anyị matara na ọ gbaara anyị ama ezi-okwu gbasara ajọọ-omume anyị nile. Ma lee ha dị ọtụtụ, ma ọ ^amatara nke-ọma ihe nile nke ga-adakwasị anyị dịka ọ matara maka ajọọ-omume anyị nile;

9 E, ma lee, ọ bụrụ na ọ bụghị onye-amụma ọ garaghị agba-ama gbasara ihe ndị ahụ.

10 Ma o wee ruo na ndị ahụ chọrọ ibibi Nifaị ka a manyere n’ihi ịtụ-egwu ha, nke mere na ha ebitụghị aka ha nʼarụ ya; ya mere o malitekwara ọzọ ịgwa ha okwu, ebe ọ hụrụ na ya e nwetawo nkwado nʼanya ụfọdụ, nke mere na ndị nke fọdụrụ nʼime ha tụrụ egwu.

11 Ya mere a kwagidere ya ikwuru ha ọzọ na-asị: Lee, ụmụnne m nwoke, unu agụbeghị na Chineke nyere otu onye ike, ọbụna Moses, itikwasị nʼelu mmiri nile nke ^aOsimiri Uhie ahụ, ma ha gbasasịrị nʼebe a nʼebe nke ọzọ, nke mere na ndị Israel, ndị bụụrụ ndị nna anyị ha, gafere nʼelu ala-akọrọ, ma mmiri nile ahụ kpuchikwasịrị ndị-agha nile nke ndị Ijipt ma lochapụ ha?

12 Ma ugbua lee, ọbụrụ na Chineke nyere nwoke a ike dị otu a, mgbe ahụ gịnị mere unu jiri na-arụ ụka nʼetiti unu nʼonwe unu, ma sị na ọdịghị ike o nyeworo m nke m ga-eji mata gbasara ikpe-ikpe nile nke ga-abịakwasị unu ma ọbụghị na unu chegharịrị?

13 Mana, lee, ọbụghị nanị na unu na-agọnarị okwu m nile, kama unu na-agọnarị kwa okwu nile nke ndị nna anyị ha kwuworo, na kwa okwu nile nke e kwuworo site nʼọnụ nwoke a, Moses, onye nwere ike dị otu a e nyere ya, e, okwu ndị ahụ nke o kwuworo gbasara ọbịbịa nke Mesaịa ahụ.

14 E, ọ gbaghị ama na Ọkpara nke Chineke ga-abịa? Ma dịka o ^abulitere agwọ-ọla-bras ahụ nʼime ọzara ahụ, ọbụna otu ahụ ka a ga-ebulite ya elu bụ onye ga-abịa.

15 Ma ka ha ra bụ ndị ga-elekwasị agwọ ahụ anya ^aga-adị ndụ, ọbụna otu ahụ ka ha ra bụ ndị ga-elekwasị Ọkpara nke Chineke anya nʼokwukwe, nwee mụọ nke nchegharị, ^bga-adị ndụ, ọbụna ruo na ndụ nke ahụ dị mgbe ebighi-ebi.

16 Ma ugbua lee, Moses nanị agbaghị ama maka ihe ndị a, kama ^andị-amụma nile dị nsọ kwa, site nʼụbọchị ya nile ọbụna ruo nʼụbọchị nile nke Abraham.

17 E, ma lee, ^aAbraham hụrụ maka ọbịbịa ya, ma o jupụtara nʼoke ọn̄ụ ma ọ n̄ụrịrị ọn̄ụ.

18 E, ma lee a sị m unu, na Abraham nanị amataghị maka ihe ndị a, kama ^aha dị ọtụtụ tutu ụbọchị nile nke Abraham ndị a kpọrọ site ^bnʼusoro nke Chineke; e, ọbụna nʼụdị usoro nke Ọkpara ya; ma nke a ka e wee gosị ya ndị ahụ, nnukwu ọtụtụ puku afọ tutu obibịa ya, ka ọbụna mgbapụta ga-abịakwasị ha.

19 Ma ugbua ọ ga-adị m mma ka unu mata, na ọbụna site nʼụbọchị nile nke Abraham e nwewo ọtụtụ ndị-amụma ndị gbaworo ama ihe ndị a; e, lee, onye-amụma ^aZinọs gbara ama nʼenweghị-egwu; n’ihi nke e jiri gbuo ya.

20 Ma lee, ^aZinọk kwa, na Izaịas kwa, na ^bAịsaịa kwa, na ^cJeremaịa, (Jeremaịa ebe ọ bụ otu onye-amụma ahụ nke gbara ama maka mbibi nke ^dJerusalem) ma ugbua anyị matara na Jerusalem e bibiri ya dịka okwu nile nke Jeremaịa siri dị. O mgbe ahụ gịnị mere Ọkpara nke Chineke agaghị abia, dịka ibu-amụma ya siri dị?

21 Ma ugbua, unu ga-aru ụka na ebibiri ^aJerusalem? Unu ga-asị na ^bụmụ nke Zedekaịa egbụghị ha, ha nile ewezuga ^cMiulek? E, ma unu ahụghị na mkpụrụ-afọ nke Zedekaịa anyị na ha nọ, ma a chụpụrụ ha site nʼala nke Jerusalem? Mana lee, nke a abụghị ihe nile—

22 Nna anyị Lihaị, a chụpụrụ ya site na Jerusalem n’ihi na ọ gbara-ama maka ihe ndị a. Nifaị kwa gbara-ama maka ihe ndị a, na kwa ọ fọdụrụ ntakịrị ka o bụrụ ndị nna anyị nile, ọbụna gbadata ruo oge nke a, e, ha agbawo-ama maka ^aọbịbịa nke Kraịst, ma ha elepụwo anya, ma ha an̄ụrịwo ọn̄ụ nʼụbọchị ya nke ga-abịa.

23 Ma lee, ọ bụ Chineke, ma ọ nọnyere ha, ma o gosipụtara ha onwe ya, nke mere na a gbapụtara ha site na ya; ma ha nyere ya otuto, n’ihi ihe ahụ nke ga-abịa.

24 Ma ugbua, ebe m hụrụ na unu matara ihe ndị a ma unu agaghị agọnarị ha ma ọbụghị na unu ga-ekwu okwu ụgha, ya mere na nke a unu emewo mmehie, n’ihi na unu ajụwo ihe ndị a nile, na-agbanyeghị ọtụtụ ihe ndị were-anya nke unu nataworo; e, ọbụna unu anatawo ^aihe nile, ma ihe ndị dị nʼelu-igwe, ma ihe nile nke dị nʼụwa, dịka ihe aka-ebe na ha bụ ezi-okwu.

25 Mana lee, unu ajụwo ezi-okwu ahụ, ma ^anupu-isi megide Chineke unu dị nsọ; ma ọbụna nʼoge nke a, kama ịkpadoro onwe unu ^bakụ nʼelu-igwe, ebe ana-enweghị ihe na-ere ure, na ebe ana-enweghị ihe ga-abịa nke na-adịghị ọcha, unu na-atụkọtalitere onwe unu iwe ọkụ maka ụbọchị nke ^cikpe.

26 E, ọbụna nʼoge nke a unu na-acha, n’ihi igbu-mmadụ unu nile na ^aịkwa-iko unu na ajọọ-omume, maka mbibi mgbe nile na-adigide; e, ma ọbụghị na unu chegharịrị ọ ga-abịakwute unu ọsọ-ọsọ.

27 E, lee ọ nọ ugbua ọbụna nʼọnụ-ụzọ unu nile; e, baruo nụ nʼoche-ikpe, ma chọọ; ma lee, onye-ikpe unu e gbuwo ya, ma o ^adịna nʼime ọbara ya; ma e gbuwo ya site nʼaka ^bnwanne ya nwoke, onye na-achọ ịnọdụ nʼoche-ikpe ahụ.

28 Ma lee, ha abụọ bụ ndị otu ihe nzuzo unu, nke onye ^amalitere ya bụ Gadiantọn na ajọọ-onye ahụ onye na-achọ ibibi mkpụrụ-obi nile nke ndị mmadụ.