Ŋwed Jarom

1 Idahaemi sese, ami, Jarom, ŋwet ikɔ ifaŋ nte asaŋade ye ibet ete mi, Enos, ete yak enim mbuk emana nnyin.

2 Ndien ke ntak emi mme usan emi edide mkpri, ye ke ntak emi ewetde mme ŋkpɔ emi enɔ ufɔn nditɔ eka nnyin mme Lamanite, ke ntre, ana edi nte ke ami ŋwet ekpri; edi ndiwetke mme ŋkpɔ emi ami ntiŋde nte prophet, ye mme eriyarare mi. Koro nso ke ami ndiwet ŋkaŋ se mme ete mi ewetde? Ndi mmɔ ikiyarakede uduak erinyaŋa? Ami ndɔhɔ mbufo nte, Iŋ; ndien emi ekem mi.

3 Sese, edi akpan akpan ete enam ediwak ke ufɔt mbon emi, ke ntak isɔŋesit mmɔ, ye inan utɔŋ mmɔ, ye nnan esit mmɔ, ye nsɔŋ-itɔŋ mmɔ; edi, Abasi enyene mbɔm ata eti eti abaŋa mmɔ, ndien ikwɔkke mmɔ kaŋa isio ke iso isɔŋ.

4 Ndien ediwak edu ke ufɔt nnyin emi enyenede ediwak eriyarare, koro kpukpru mmɔ isɔŋke ibuot. Ndien ke adaŋa nte ediwak emi misɔŋke ibuot enyuŋ enyenede mbuɔtidem, esaŋa ye Edisana Spirit, emi anamde eriyarare ɔnɔ nditɔ owo, nte mbuɔtidem mmɔ edide.

5 Ndien idahaemi, sese, isua ikie-iba ama ebe efep, ndien ikɔt Nephi ema ekop odudu ke isɔŋ. Mmɔ ekpeme ndinim ibet Moses ye usen sabbath ke edisana enɔ Jehovah. Ndien mmɔ ibiatke; ŋko mmɔ isuŋike. Ndien mme mbet obio ema esɔŋ ata eti eti.

6 Ndien mmɔ ema esuana eti eti ke iso isɔŋ, ye mme Lamanite nko. Ndien mmɔ ema ewak ata eti eti ekan mmɔ eke mme Nephite; ndien mmɔ ema uwot-owo enyuŋ ewɔŋ iyip mme unam.

7 Ndien edikem ete mmɔ edi ediwak ini edituaha ye nnyin, mme Nephite, ndiŋwana ekɔŋ. Edi ndidem nnyin ye mme ada usuŋ nnyin ekedi mkpɔsɔŋ owo ke mbuɔtidem ke Jehovah; ndien mmɔ ema ekpep mme owo mme usuŋ Jehovah; ke ntre, nnyin ida ŋka-ŋka ye mme Lamanite inyuŋ ibin mmɔ isio ifep ke mme isɔŋ nnyin, ndien itɔŋɔ ndisɔŋɔ mme obio nnyin, mme ebiet inyene nnyin ekededi.

8 Ndien nnyin itɔt ata eti eti, ndien isuana ke iso isɔŋ, ndien inyene gold ata eti eti, ndien ke silver, ndien ke mme ŋkpɔ uto, ndien ke ediye ubɔk-utom eto, ke mme ufɔk, ndien ke ŋkpɔ utom, ndien ye ke ukwak ndien copper, ndien brass ndien okpoho, ndinam kpukpru utɔ ŋkpɔ utom eke kpukpru oruk nditibi isɔŋ, ndien mme ŋkpɔ ekɔŋ—iŋ, ɔsɔb-inua idaŋ, ndien odip-idaŋ, ndien eduat, ndien usam, ndien kpukpru mbeŋ-idem ekɔŋ.

9 Ndien koro ikibeŋede idem ndisobo ye mme Lamanite, mmɔ ikekanke nnyin. Edi ema esɔŋɔ ikɔ Jehovah, emi enye eketiŋde ɔnɔ ete nnyin, ete: Adaŋa nte mbufo edinimde ibet mi mbufo eyeforo ke isɔŋ.

10 Ndien edikem ete mme prophet Jehovah ema etiŋ ikɔ ye ikɔt Nephi, nte asaŋade ye ikɔ Abasi, ete ke edieke mmɔ minimke ibet, edi eduɔ eduk ke ndudue, eyesobo mmɔ esio ke iso isɔŋ.

11 Ke ntre, mme prophet, ye mme oku, ye mme andikpep, ema esin ifik enam utom, enɔ mme owo item ye anyan ime ete esin ifik; ekpep mbet Moses, ye ntak emi ekenɔde enye; ebeŋe mmɔ ete yak ebeŋe idem ebet Messiah, enyuŋ ebuɔtidem ke enye emi edidide nte enye ama edidi. Ndien ke utɔ usuŋ emi ke mmɔ ekekpep mmɔ.

12 Ndien edikem ete ke ndinam ntre mmɔ ekpeme mmɔ ebaŋa nsobo ke iso isɔŋ; koro mmɔ ema emia esit mmɔ ye ikɔ, obubere mmɔ kpukpru ini ebaŋa erikabare esit.

13 Ndien edikem ete isua ikie iba ye edip ye duop ye itiaita ama ebe efep—ke utɔ usuŋ mme ekɔŋ, ye mme eneni, ye mme ɔkpɔsɔŋ eneni, ke ufaŋ anyan ini.

14 Ndien ami, Jarom, ŋwetke aba, koro mme usan edi mkpri. Edi sese, nditɔ eka mi, mbufo emekeme ndika ke mme usan Nephi eken; koro sese, ke mmɔ ke emiŋ mme ŋwed ekɔŋ nnyin, nte asaŋade ye mme ŋwed ndidem, mme mmɔ emi mmɔ ekenamde ete ewet.

15 Ndien ami nyak mme usan emi nsin ke ubɔk eyen mi Omni, man enim mmɔ nte asaŋade ye ibet mme ete mi.