1 Ma sa oo ina le toe o mai sa Lamanā e tau seia mavae le isi sefulu o tausaga. Ma faauta, sa ou galueaina o’u tagata, o sa Nifaē, i le sauniuniga o o latou laueleele ma a latou auupega mo le taimi o taua.

2 Ma sa oo ina fetalai mai le Alii ia te au: Alaga atu i lenei nuu—Ia outou salamo, ma o mai ia te au, ma papatiso, ma toe atiae la’u ekalesia, ona faasaoina lea o outou.

3 Ma sa ou alaga i lenei nuu, ae sa lē aoga; ma sa latou le iloa o le Alii na faasaoina i latou, ma tuu mai ia te i latou se avanoa e salamo ai. Ma faauta sa latou faamaaa o latou loto e faasaga i le Alii lo latou Atua.

4 Ma sa oo ina ua mavae atu lenei sefulu tausaga, ma ua atoa ai le tolu selau ma le onosefulu o tausaga talu le afio mai o Keriso, sa auina mai e le tupu o sa Lamanā se tusi ia te au, lea sa faailoa mai ai ia te au o loo latou sauniuni e toe o mai e faasaga tau mai ia te i matou.

5 Ma sa oo ina ou faatonu atu i lo’u nuu ia latou potopoto faatasi i latou lava i le laueleele o Tuufua, i se aai sa i tuaoi, tafatafa ane o le ala lauitiiti lea sa tau atu i le laueleele i saute.

6 Ma o iina na matou faamautu i ai a matou autau, ina ia mafai ona matou taofia o autau a sa Lamanā, ina ia le mafai ona latou maua o se tasi o o matou laueleele; o lea na matou ati ai olo faatasi ma a matou au uma e tetee atu ia te i latou.

7 Ma sa oo i le tausaga e tolu selau onosefulu ma le tasi, sa oo ina o ifo sa Lamanā i le aai o Tuufua e faasagatau mai ia te i matou; ma sa oo ina matou faatoilaloina i latou i le tausaga lena, sa oo ai ina latou toe foi atu i o latou lava laueleele.

8 Ma i le tausaga e tolu selau onosefulu ma le lua, sa latou toe o ifo ai i lalo e tau. Ma sa matou toe faatoilaloina foi i latou, ma fasiotia se aofaiga tele o i latou, ma sa lafo o latou tagata oti i le sami.

9 Ma o lenei, ona o lenei mea sili na faia e lo’u nuu, o sa Nifaē, sa amata ona latou ^amitamitavale i lo latou lava malosi, ma amata ona latou tauto i luma o le lagi o le a latou tauia le toto o o latou uso o e na fasiotia e o latou fili.

10 Ma sa latou tauto i le lagi, ma i le nofoalii foi o le Atua, ^ao le a latou o a’e e tau faasaga i o latou fili, ma vavae ese i latou mai luga o le laueleele.

11 Ma o a’u, o Mamona, sa ou matua musu lava mai i lena taimi e oo mai i luma e avea ma taitaiau ma se ta’ita’i o lenei nuu, ona o lo latou amioleaga ma a latou mea inosia.

12 Faauta, e ui i lo latou amioleaga, sa ou taitaiina i latou, sa ou taitaia i latou i le tele o taimi i le taua, ma sa ou alofa ia te i latou, e tusa ma le ^aalofa o le Atua sa ia te au, ma lo’u loto atoa; ma sa tuuina atu lo’u agaga i le tatalo i le Atua i le aso atoa mo i latou; ae ui i lea, sa faia e ^eaunoa ma se faatuatua, ona o le maaa o o latou loto.

13 Ma e faatolu ona ou laveaiina i latou mai lima o o latou fili, ma ua latou le salamo lava mai ia latou agasala.

14 Ma ina ua latou tauto i mea uma na ^afaasaina ai i latou e lo tatou Alii ma le Faaola o Iesu Keriso, o le a latou o a’e i o latou fili e tau, ma latou taui le toto o o latou uso, faauta, sa oo mai le siufofoga o le Alii ia te au, ua fetalai mai:

15 O le ^atauimasui e a a’u ia, ma o le a ou ^etoe totogi atu; ma ona ua le salamo lenei nuu ina ua uma ona ou laveaiina i latou, faauta, o le a vavae ese i latou mai le lalolagi.

16 Ma sa oo ina ou matua musu lava ou te alu ae e faasaga i o’u fili; ma sa ou faia lava e pei ona poloaiina ai a’u e le Alii; ma sa ou tulai o se molimau e musu e faaali atu i le lalolagi mea sa ou vaai ma faalogo i ai, e tusa ma faaaliga a le Agaga ia na molimau mai e uiga i mea o le a oo mai.

17 O lea ou te tusi atu ai ^aia te outou, o Nuuese, ma ia te outou foi, le aiga o Isaraelu, pe a amataina le galuega, o le a lata ona sauniunia o outou e toe foi atu i le laueleele o lo outou tofi;

18 Ioe, faauta, ou te tusi atu i tuluiga uma o le fogaelele; ioe, ia te outou ituaiga e sefululua o Isaraelu, o e o le a ^afaamasinoina e tusa ma a outou galuega e le toasefululua o e na filifilia e Iesu e avea mo ona soo i le laueleele o Ierusalema.

19 Ma ou te tusi atu foi i le vaega o totoe o lenei nuu, o e o le a faamasinoina foi e le ^atoasefululua o e na filifilia e Iesu i lenei laueleele; ma o le a faamasinoina i latou e le isi toasefululua o e na filifilia e Iesu i le laueleele o Ierusalema.

20 Ma o nei mea na faaali mai e le Agaga ia te au; o lea ou te tusi atu ai ia te outou uma. Ma o le pogai lenei ua ou tusi atu ai ia te outou, ina ia outou iloa o le a outou tutulai uma i luma o le ^anofoa-faamasino o Keriso, ioe, o tagata uma taitoatasi o e ua i ai i le ^eaiga tagata atoa o Atamu; ma o le a outou tutulai e faamasinoina i a outou galuega, pe ua lelei pe ua leaga;

21 Ma ina ia outou ^atalitonu foi i le talalelei a Iesu Keriso, lea o le a outou maua i totonu ia te outou; ma ina ia maua foi e ^etagata Iutaia, le nuu o le feagaiga a le Alii, isi ⁱmolimau e ese mai ia te ia o le na latou vaai ma faalogo i ai, o Iesu, o le na latou fasiotia, o le ^oKeriso lava lea ma le Atua lava lea.

22 Ma ou te moomoo maumau pe a na mafai ona ou faatauanauina outou ^auma tuluiga o le lalolagi ia outou salamo ma sauni e tutulai i luma o le nofoa-faamasino o Keriso.