Moroni Kuatiañeʼẽ
Ñembyaty 1
Moroni ohai lamanita-kuéra ñeimeporãrã—Nefita-kuéra nonegaséiva Cristo-pe ojejuka. 401–421 ary rupi Cristo rire.
1 Koʼág̃a che, Moroni, amombykypa rire Jared tavayguakuéra ñemombeʼu, aimoʼãkuri ndahaimoʼãveimaha, ha katu namanói gueteri; ha ndajeikuaaukái lamanita-kuérape ani hag̃ua cherundi hikuái.
2 Péina ápe, iñorairõ oñondivekuéra niko ivaieterei; ha ijehayhuʼỹ rupi ojuka hikuái opa nefita nonegáivape Cristo-pe.
3 Ha che Moroni, nanegamoʼãi Cristo-pe; upévare, aiko rei ikatuha rupi amoʼã hag̃ua che rekove.
4 Upévare, ahaiveʼimi, che naimoʼãi haguéicha; aimoʼãguikuri ndahaimoʼãveimaha; ha katu ahaiveʼimi, ikatumbaʼe hag̃ua hepy che joykeʼy, lamanita-kuérape g̃uarã, peteĩ ára uperireguápe, Ñandejára oipotaháicha.