1 Ket ita ilawlawagko ti maipapan iti ^apanagbuniag. Adtoy, nabuniagan dagiti elder, saserdote, ken maestro; ket saanda a nabuniagan malaksid no saanda nga agbunga iti ^bmaikari.

2 Wenno inawatda dagiti mabuniagan malaksid no umayda nga addaan ^anasneban a puso ken napnuan babawi nga espiritu, ket paneknekanda iti simbaan a pudno a nagbabawida iti basbasolda.

3 Ket awan ti naawat a mabuniagan malaksid no ^aadda kadakuada ti nagan ni Cristo, nga addaanda iti pangngeddeng nga agpaay kenkuana agingga iti panungpalan.

4 Ket kalpasan ti pannakaawatda a mabuniagan, ket naaramid ti ^apannakadalus babaen ti pannakabalin ti Espiritu Santo, naibilangda kadagiti kameng ti simbaan ni Cristo; ket ^bnaala ti nagnaganda, tapno malaglagipda ken mataraonanda kadagiti nasayaat a balikas ti Dios, tapno maiturongda iti umno a dalan, tapno ^cmaaywananda iti panagtultuloy ti naannad a panagkararag, nga ^dagtaltalek laeng iti kinapateg ni Cristo, nga isu ti ^eakin-aramid ken nangpasantak iti pammatida.

5 Ket naggigimongda a ^amasansan iti ^bsimbaan, tapno ^cagayunoda ken agkararag, ken makapagsao maipapan iti pagimbagan ti kararuada.

6 Ket naggigimongda a masansan tapno mairanudda iti tinapay ken arak, a panglagip ken ni Apo Jesus.

7 Ket nainget ti panagtungpalda tapno ^aawan koma ti kinamanangbasol kadakuada; ket siasino man a maduktalan nga agaramid iti basol, ket ^btallo a saksi ti simbaan ti nangkedngan kadakuada iti sango dagiti ^celder, ket no saanda nga ^dagbabawi, ken saanda nga agpudno, ^emapunas ti nagnaganda, ket saandan a maibilang kadagiti tao ni Cristo.

8 Ngem ^ano naynay ti panagbabawida ken sapulenda ti pammakawan, nga addaan naimpusuan a gandat, ^bmapakawanda.

9 Ket ^ainturong ti simbaan ti panagmimitingda iti wagas a pagayatan ti Espiritu, ken babaen ti pannakabalin ti ^bEspiritu Santo; ta inturong ida ti pannakabalin ti Espiritu Santo a mangasaba, wenno mangigunamgunam, wenno agkararag, wenno agkalikagum, wenno agkanta, ket kasta ti naaramid.