Wóltaʼii 6
Beʼiinaʼ łahgo ánáyiidlaaígíí éí tó bee daalzį́į́ʼ dóó kʼédabiʼdiʼniih—Daʼoodlánígíí ndaʼiisíihgo dóó bąąhági átʼéii yóó deidiyiiʼaahgo éí baa ńdahidiitʼaah—Iiʼsizį́ Diyinii éí bikʼehgo sodizin yee áłah ńdaadleeh. Díí éiyá Jesus náádiidzá 401–421gi nahalzhiishgo yihahą́ądą́ą́ʼ ádahóótʼįįd.
1 Dóó kʼad éí tó bee alzį́hii baa yánáánáshtiʼ dooleeł. Jó, elder, priest, dóó teacher danilíinii éí tó bee dabiʼdiilzį́į́ʼ; dóó díí éí tsʼídá hazhóʼó beʼiinaʼ hashtʼedeileʼgo áko éí daʼjíłį́įgo tʼéiyá tó bee dabiʼdilzį́į́h.
2 Dóó ałdóʼ tsʼídá bąąhági ádáátʼįįdę́ę yaa yínííł danízinígíí, dóó sodizin bá hooghan yee daʼatahígíí yínááł beʼiinaʼ łahgo ánádayiidlaago tó yee deisį́į́h.
3 Dóó tsʼídá hoolʼáágóó Christ bikééʼ sézį́į doo, dóó bá naashnish doo daanínígíí tʼéiyá tó yee deisį́į́h.
4 Dóó tó bee dabiʼdiilzį́įʼgo, dóó Iiʼsizį́ Diyinii bibee adziilii bindaashnish dóó doo bąąh chinígóó ábiilaago índa, Christ bisodizin bá hooghan yee dayikahígíí yitah hakááh; áádóó bízhiʼ éí náhádlááh, áko Diyin God bizaad yáʼátʼéehii bee bééhániih dóó bee baa áháyą́ą doo biniiyé, áko yáʼátʼééh honítʼiʼjįʼ deíkáahgo óólzin doo, dóó sodizin tʼáá áłahjįʼ yee ádaa ádahalyą́ą doo, Christ bibee ajoobaʼígíí tʼéiyá yadaʼólíigo, éí éiyá beʼoodląʼ bá áyiilaa dóó bá ałtso ííłʼį́.
5 Dóó daʼoodlánígíí éí tʼáá ahą́ą́h áłah ńdaadleeh, chʼiyáán ádąąh deitʼį́įgo dóó sodadilzingo, dóó ałchʼįʼ yádaałtiʼ dóó ndaʼahinitin hazhóʼó naʼadáa dooleeł biniiyé.
6 Dóó daʼoodlánígíí éí tʼáá ahą́ą́h áłah ńdaadleeh bááh dóó chʼil naʼatłʼoʼii bitooʼ chodayoołʼį́, Bóhólníihii Jesus bee bééhániih biniiyé.
7 Dóó bąąhági átʼéii bitah dooleełígíí ayóó yaa daastiʼ, dóó háiida bąąhági ádzaago hádeilʼį́ʼígíí, dóó éí elder danilínígíí binááł sodizin bá hooghan yee dah deíkáhígíí táltʼéego daʼooʼínígíí yá ndahwiiʼaah ńtʼę́ę́ʼ, dóó doo beʼiinaʼ łahgo ánéídlééhgóó, dóó doo ádaa halneʼgóó, éí bízhiʼ nahjįʼ kódeileʼ, dóó doo éí Christ dayoodlánígíí daʼatah da.
8 Ndi beʼiinaʼ łahgo áńdeidleʼgo dóó ádaa ńdaʼookąąhgo tʼáá aaníí ádaaníigo, éí ndaʼiisíʼígíí baa ndaʼdiitʼaah.
9 Dóó áłah ńdaadleehgo Iiʼsizíinii bindaalnishígi átʼéego, dóó Iiʼsizį́ Diyinii bibee adziillii binahjįʼ, sodizin yee alą́ąjįʼ naazínígíí sodizin bá hooghan deiyééłyeed ńtʼę́ę́ʼ; háálá Iiʼsizį́ Diyinii bibee adziilii bił da hólónígíí bikʼehgo tʼáadoo leʼé yíndaʼniłtin, éí doodago yee yádaałtiʼ, éí doodago sodadilzin, éí doodago bíká sohodidoozįįłígíí bił ííshjání óólzin, éí doodago dahataał, tʼáá ábiłnínígóó yidaʼiilaa.