Panabut Tan-awa usab Kaalam; Kahibalo; Kamatuoran Ang pag- angkon og usa ka kasayuran sa o ang pagsabut sa kahulugan sa pipila ka kamatuoran, lakip ang paggamit niini sa kinabuhi. Ayaw pagsalig ngadto sa inyong kaugalingon nga panabut, Prov. 3:5. Uban sa tanan ninyo nga makuha pagkuha og panabut, Prov. 4:7. Si Jesus namulong ug mga sambingay ug ang uban wala makasabut, Mat. 13:12–17. Ang Ginoo mibukas sa ilang panabut, Luc. 24:45. Kon kamo dili makasabut niining mga pulong, kini nahimo tungod kay kamo wala mangutana, 2 Ne. 32:4 (3 Ne. 17:3). Ang mga talaan gipatipigan aron kita unta makabasa ug makasabut, Mosiah 1:2–5. Tungod sa ilang pagkadili matuohon, sila dili makasabut sa pulong sa Dios, Mosiah 26:3. Sila mga tawo nga mabuot, Alma 17:2–3. Ang pulong misugod sa pagdan-ag sa akong salabutan, Alma 32:28. Kita maghiusa sa pangatarungan aron kamo makasabut, D&P 50:10–12, 19–23. Ang mga ginikanan kinahanglan motudlo sa ilang mga anak sa pagsabut, D&P 68:25. Ang mga buhat ug mga misteryo sa Dios masabut lamang pinaagi sa Balaan nga Espiritu, D&P 76:114–116. Si Satanas nagtinguha sa pagtuis sa mga kasingkasing sa mga tawo aron dili makasabut, D&P 78:10. Ang kahayag ni Kristo nakapabuhi sa atong mga panabut, D&P 88:11.