9. Ketlan Tempol
Ketlan Tempol i stap long Ketlan, Ohaeo.
Ol Impoten Samting we oli bin Hapen: Ketlan Tempol i fas tempol we oli bin bildim long dispensesen ia (D&K 88:119; 95). Insaed long tempol ia, Josef Smit i bin luk wan visen blong selestial kingdom (D&K 137). Oli bin dediketem tempol long 27 Maj 1836 (D&K 109). Long 3 Epril 1836, Sevya i bin kamaot long tempol mo i bin akseptem tempol ia olsem wan ples we bae Hem i talemaot toktok blong Hem long ol pipol blong Hem (D&K 110:1–10). Afta we Sevya i bin kamaot, Josef Smit mo Oliva Kaodri i bin kasem visit blong Moses, Elaeas mo Elaeja, mo evriwan i bin givim long tufala samfala prishud ki mo sam impoten infomesen (D&K 110:11–16). Tempol ia i bin givim seves long olgeta Sent blong 2 yia bifo oli mas aot long Ketlan from man i givim hadtaem long olgeta.