JJS, 1 Samuel 16:14–16, 23. Chi’ilmanq sa’ 1 Samuel 16:14–16, 23; kijalman ajwi’ chi jo’ka’in sa’ 1 Samuel 18:10 ut 19:9
Li maa’us aj musiq’ej li nachal sa’ xb’een laj Saul moko taqlanb’il chaq xb’aan li Qaawa’.
14 A’b’an lix Musiq’ li Qaawa’ ki’el chaq rik’in laj Saul, ut jun li maa’us aj musiq’ej li moko re ta li Qaawa’ kirahob’tesink re.
15 Ut eb’ lix moos laj Saul ke’xye re, K’e reetal anajwan, jun maa’us aj musiq’ej li moko re ta li Dios nakatxrahob’tesi.
16 Laj eechal qe chixtaqlahaqeb’ laa moos, li wankeb’ chawu, re te’xsik’ junaq winq, li seeb’ chi wajb’ak chiru li aarp; ut taak’ulmanq, jo’q’e taawanq sa’ aab’een li maa’us aj musiq’ej, li moko re ta li Dios, naq a’an taawajb’aq rik’in li ruq’, ut us tatwanq.
23 Ut kik’ulman, jo’q’e li maa’us aj musiq’ej, li moko re ta li Dios, kiwan sa’ xb’een laj Saul, naq laj David kixchap jun li aarp, ut kiwajb’ak rik’in ruq’; chi jo’kan kisahob’resiman laj Saul, ut us kiwan, ut li maa’us aj musiq’ej ki’el chaq rik’in.