HJS, U-Eksodusi 4:21. Qhathanisa no-Eksodusi 4:21; 7:3, 13; 9:12; 10:1, 20, 27; 11:10; 14:4, 8, 17; noDuteronomi 2:30
INkosi akuyona enecala ngokuqina kwenhliziyo kaFaro. Bheka futhi uku HJS, U-Eksodusi 7:3, 13; 9:12; 10:1, 20, 27; 11:10; 14:4, 8, 17; inkomba ngayinye, uma ihunyushwe ngokuyikho, iyakhombisa ukuthi uFaro wayenza lukhuni yena uqobo inhliziyo yakhe.
21 Futhi iNkosi yathi kuMose, Ekuhambeni kwakho usubuyela eGibithe, qiniseka ukuthi wenza zonke lezo zimangaliso phambi kukaFaro, engizibeke esandleni sakho, futhi ngizokwenza uphumelele; kodwa uFaro uzoyenza lukhuni inhliziyo yakhe, futhi ngeke abavumele abantu bahambe.
HJS, U-Eksodusi 4:24–27. Qhathanisa no-Eksodusi 4:24–27
Uma iNkosi yesabisa ngokumbulala uMose ngenxa yokungayisoki indodana yakhe, uSipora usindisa impilo yakhe ngokusenza yena leso simiso. UMose uyasivuma isono sakhe.
24 Kwenzeka, ukuthi iNkosi yavela kuye esese ndleleni ngase ndlini yezihambi. INkosi yayimthukuthelele uMose, futhi isandla sayo sase sizowela kuye, ukuba imbulale; ngokuba wayengayisokile indodana yakhe.
25 USipora wayesethatha itshe elicijile wayinquma ijwabu indodana yakhe, itshe waliphonsa ezinyaweni zakhe, wayesethi, “Ngempela ungumyeni wegazi kimi.”
26 INkosi yamhawukela uMose yamyeka wahamba, ngenxa yokuthi uSipora, umkakhe, wamsoka umntwana. Wayesethi, “Ungumyeni wegazi.” UMose waba namahloni, wabucashisa ubuso bakhe eNkosini, wathi, “Ngonile phambi kweNkosi.”
27 INkosi yase ithi ku-Aroni, “Hamba umhlangabeze uMose ehlane,” wahamba wahlangana naye, entabeni kaNkulunkulu; entabeni lapho uNkulunkulu avela kuye khona; u-Aroni wamanga uMose.