HJS, KumaHeberu 7:3. Qhathanisa naKumaHeberu 7:3
UMelkisedeki wayengu mphristi ngokohlelo lweNdodana kaNkulunkulu. Bonke labo abemukela lobu buphristi bangaba njenge Ndodana kaNkulunkulu.
3 Ngokuba loMelkisedeki wagcotshwa ukuba ngumphristi ngokohlelo lweNdodana kaNkulunkulu, lolo hlelo olwalungena baba, lungena mama, lungena nzalo, lungenakuqala kwezisuku, noma ukuphela kokuphila. Futhi bonke labo abagcotshelwe kulobu buphristi benziwa babe njengeNdodana kaNkulunkulu, bahlale bengabaphristi njalo.
HJS, KumaHeberu 7:19–20. Qhathanisa naKumaHeberu 7:19–21
Umthetho wabalungiselela abantu uJesu, “oqinisekisa ukugcwaliseka kwesivumelwano esingcono.”
19 Ngokuba umthetho wawenziwa ngaphandle kwesifungo futhi awuphelelisanga lutho, kepha kuphela wawuletha ithemba elingcono; esisondela ngalo kuNkulunkulu.
20 Kangangoba lomphristi omkhulu engenziwanga umphristi ngaphandle kwesifungo, uJesu waqinisekisa ukugcwaliseka kwesivumelwano esingcono.
21 (Ngokuba labo baphristi benziwa abaphristi ngaphandle kwesifungo; kepha lomphristi wabekwa ngesifungo yilowo owathi kuye, “INkosi iyafunga futhi ayisoze yaguquka, Ungumphristi njalo ngokohlelo lukaMelkisedeki;”)
HJS, KumaHeberu 7:25–26. Qhathanisa naKumaHeberu 7:26–27
UJesu uzinikela Yena uqobo njengomnikelo ongena sono ukuze kususwe izono zethu.
25 Umphristi omkhulu onjalo wasifanela thina, ongcwele, ongenabungozi, ongangcolisiwe, ohlukene nezoni, futhi nowenziwa umbusi phezu kwamazulu;
26 Futhi hhayi njengalabo baphristi abakhulu ababenikela nsuku zonke, benikelela kuqala izono zabo, emva kwalokho benikelela izono zabantu; ngokuba wayengakudingi ukunikelela izono zakhe, ngokuba wayengasazi isono; kodwa wanikelela izono zabantu. Futhi lokhu wakwenza kanye, ngesikhathi ezinikela yena uqobo.