19 He te u fekau atu ʻa ʻeku tamaioʻeikí kiate kimoutolu ʻa ia ʻoku kuí; ʻio, ko ha talafekau ke ne fakaʻaaki ʻa e mata ʻo e kuí, pea fakaava ʻa e telinga ʻo e tulí;

20 Pea ʻe ngaohi ʻa kinautolu ke haohaoa neongo ʻa ʻenau kuí, ʻo kapau te nau tokanga ki he talafekaú, ko e tamaioʻeiki ʻa e ʻEikí.

21 Ko ha kakai ʻa kimoutolu, kuo mamata ki ha ngaahi meʻa lahi, ka ʻoku ʻikai te mou mamata; pea fakaava homou telingá ke fanongo, ka ʻoku ʻikai te mou ongoʻi.

22 ʻOku ʻikai hōifua ʻa e ʻEikí ki ha kakai pehē, ka koeʻuhi ko ʻene māʻoniʻoní te ne hakeakiʻi ʻa e fonó pea ngaohi ia ke ongoongolelei.

23 Ko ha kakai ʻa kimoutolu kuo faʻao ʻa ʻenau koloá mo vetea; pea ko homou ngaahi filí, ʻa kinautolu kotoa pē, kuo nau tauheleʻi ʻa kimoutolu ʻi he ngaahi luo, pea kuo nau fufuuʻi ʻa kimoutolu ʻi he ngaahi fale fakapōpula; pea kuo nau lau ko e pōpula ʻa kimoutolu, pea ʻoku ʻikai ha taha ke fakahaofi; pea lau ʻa kimoutolu ko e koloa vete, pea ʻoku ʻikai ha taha ke pehē, Fakafoki.