JJS, Santiago 2:1. Chi’ilmanq sa’ Santiago 2:1
Eb’ li komon tento naq ink’a’ te’xk’oxla li jun chi taqenaq sa’ xb’een li jun chik.
1 Ex was wiitz’in, ink’a’ naru nawan eerik’in li paab’aal re li Jesukristo laj Eechal qe, li Qaawa’ re loq’alil, ut toj taawanq anihaq chi tiib’il ru cheru.
JJS, Santiago 2:14–21. Chi’ilmanq sa’ Santiago 2:14–22
Li paab’aal chi maak’a’ li k’anjel nakana chi kamenaq ut ink’a’ naru chi kolok.
14 K’a’ru tixra wi’, ex was wiitz’in, naq jun li winq tixye naq wan xpaab’aal, ut maak’a’ lix k’anjel? Ma naru li paab’aal chixkolb’al?
15 Relik chi yaal, naru tixye jun li winq, Tink’ut chawu naq wan inpaab’aal chi maak’a’ lin k’anjel; a’b’an laa’in ninye, K’ut chiwu laa paab’aal chi maak’a’ laa k’anjel, ut laa’in tink’ut chawu lin paab’aal rik’in lin k’anjel.
16 Xb’aan naq wi jun lee ras eeriitz’in ixq malaj winq wan chi t’ust’u ut chi maak’a’ wan re, ut junaq eere tixye, Ayu sa’ xyaalal, chatq’ixinq ut chinujob’resiiq aasa’; a’ut ink’a’ naxk’e li k’a’ru aajel ru choq’ re li junxaqalil; k’a’ru tixra wi’ laa paab’aal re xkomon a’an?
17 Jo’kan ajwi’ li paab’aal, wi maak’a’ lix k’anjel, kamenaq, chi wank xjunes.
18 Jo’kan ut ma taanaw, At winq li jo’maajo’ aana’leb’, naq li paab’aal chi maak’a’ li k’anjel, kamenaq ut ink’a’ naru tatxkol?
19 Laa’at nakapaab’ naq jun ajwi’ li Dios wan; us nakab’aanu; eb’ laj tza neke’xpaab’ ajwi’, ut neke’siksotk; laa’at xab’aanu aawib’ jo’eb’ a’an, chi moko tiikob’resinb’il ta aawu.
20 Ma ink’a’ xtikob’resiik ru laj Abraham li qayuwa’ rik’ineb’ li k’anjel, naq kixq’axtesi laj Isaak li ralal sa’ xb’een li artal?
21 Ma nakawil naq li k’anjel kik’anjelan rochb’een lix paab’aal, ut rik’ineb’ li k’anjel kitz’aqob’resiik re ru li paab’aal?