JST, Jon 4:1–4. Komperem long Jon 4:1–2
Ol Farisi oli wantem blong kilimded Jisas. Jisas i bin mekem sam baptaes, be ol disaepol blong Hem oli mekem plante moa.
1 From hemia, taem ol Farisi oli bin harem se Jisas i mekem mo i bin baptaesem moa man bitim Jon,
2 Oli bin lukaotem wetem moa strong tingting blong faenem sam wei blong oli kilim hem i ded; from se plante oli bin akseptem Jon olsem wan profet, be oli no bin biliv long Jisas.
3 Nao, Lod i bin save hemia, nating we hemwan i no stap baptaesem plante man olsem ol disaepol blong hem;
4 Be hem i letem hemia i hapen long olgeta blong oli stap olsem wan eksampol blong stap laekem wanwan long olgeta.
JST, Jon 4:26. Komperem long Jon 4:24
God i promesem blong givim Spirit blong Hem long olgeta we oli biliv tru.
26 From, long olgeta ia nao God i bin promesem Spirit blong hem. Mo olgeta we oli stap wosipim hem, oli mas wosip wetem spirit mo wetem trutok.