HJS, Lucas 17:21 (itandi sa Lucas 17:20–21)
(Ang gingharian sa Dios miabut na.)
21 Ni sila moingon, Tan-awa, dinhi! O, tan-awa, didto! Kay, tan-awa, ang gingharian sa Dios miabut na nganha kaninyo.
HJS, Lucas 17:36–40 (itandi sa Lucas 17:37)
(Si Jesus mipasabut sa usa ka sambingay kalabut sa pagpundok sa matarung.)
36 Ug sila mitubag ug miingon ngadto kaniya, Asa, Ginoo, sila pagadad-on?
37 Ug siya miingon ngadto kanila, Bisan asa ang pundok magkatigum; o sa lain nga mga pulong, bisan asa magkatigum ang mga santos, diha niana nga dapit ang mga agila magpundok; o diha niana nga dapit ang nahibilin pagatigumon.
38 Niini siya namulong, nagtimaan sa pagkatigum sa iyang mga santos; ug sa mga anghel nga nanganaog ug nagtigum sa mga nahibilin ngadto kanila; ang usa gikan sa higdaanan, ang lain gikan sa galingan, ug ang uban gikan sa umahan, bisan asa nga dapit siya nagtinguha.
39 Kay sa pagkatinuod adunay bag-o nga mga langit, ug usa ka bag-o nga yuta, diin magpuyo ang pagkamatarung.
40 Ug walay mahugaw nga butang; kay ang yuta nagkatigulang, gani ingon sa usa ka saput, nag-anam og kadunot, busa kini mahanaw, ug ang tumbanan magpabilin nga pagasantoson, pagalimpyohan gikan sa tanan nga sala.