ARIT, Ruka 17:21. Kabotaua Ruka 17:20–21
Uean te Atua e a tia n roko.
21 A na aki taekina, Taraia, ikai ke, Taraia, ikekei Bwa, nooria, uean te Atua e a kaman tia n roko nakoimi.
ARIT, Ruka 17:36–40. Kabotaua Ruka 17:37
Iesu e taekina te taetae ni kaikonaki i aon te ikare ni kabwarabwara ikotakia Ana Aomata aika Itiaki ni boong aika kaitira.
36 Ao a kaeka ao a taku nakoina, Ia, te Uea, ae a na anaaki iai?
37 Ao e taku nakoia, Ike e ikotaki iai te rabwata, ke, n taeka tabeua, n taabo nako are a ikotaki iai aika itiaki, ikanne are a na ikoikotaki iai taian ikare; ke, ikanne are a na ikoikotaki iai nikiraia.
38 Aio ae taekinna, ni kaineti ma ikotakiia ana aomata aika itiaki; ao ibukiia anera ake a ruo ao a ikotiia nikiraia nakoia; temanna man te kainiwene, are temanna man te tabo ni kamanti, ao are temanna man te tawana, n taabo nako ake e bairei.
39 Bwa e koaua ae na iai karawa aika boou, ao te aonaba ae boou, ike a maeka iai aika raoiroi.
40 Ao a na akea te bwai ae bareka; bwa e na riki ni mane te aonaba, n ai aron te kunnikai, ae rikirake ni buakaka, mangaia are e mauna nako, ao nnen waena e tiku n tabu, ni kaitiakaki man bure nako.