JJS, Lukas 17:21. Chi’ilmanq sa’ Lukas 17:20–21
Li rawa’b’ejihom li Dios ak chalenaq.
21 Chi moko te’xye, Ilomaq arin! malaj, Ilomaq aran! Xb’aan naq k’ehomaq reetal, lix awa’b’ejihom li Dios ak chalenaq eerik’in.
JJS, Lukas 17:36–40. Chi’ilmanq sa’ Lukas 17:37
Li Jesus naxye li jaljookil ru aatin chirixeb’ li t’iw re tixch’olob’ lix ch’utub’ankileb’ lix santil paab’anel sa’ roso’jikeb’ li kutan.
36 Ut ke’chaq’ok ut ke’xye re, Toj b’ar, Qaawa’, te’k’ame’q?
37 Ut a’an kixye reheb’, B’ar wan wi’ li kamenaq chi ch’utub’anb’il, malaj sa’ jalan chik aatin, b’ar wi’ ch’utub’anb’ileb’ laj santil paab’anel, aran te’ch’utub’amanq li t’iw; malaj ut, aran te’ch’utub’amanq li rela’.
38 A’in kixye, reetalil lix ch’utub’ankileb’ lix santil paab’anel, ut chirixeb’ li anjel li te’kub’eeq ut te’xch’utub’eb’ li rela’ rik’ineb’; li jun chalen sa’ ch’aat, li jun chik rik’in li ke’ek, ut li jun chik chalen chaq sa’ li ch’och’, a’ yaal b’ar naraj.
39 Xb’aan naq chi yaal taawanq li ak’ choxa ut jun ak’ ruchich’och’, b’ar nawan wi’ li tiikilal.
40 Ut maak’a’ k’a’ru tz’aj taawanq; xb’aan naq li ruchich’och’ akaq xq’eelo’, chanchan ajwi’ jun li aq’ej, chirix nimank sa’ xpo’jik, jo’kan naq na’oso’, ut li xaqleb’aal nakana chi santob’resinb’il, ch’ajb’il chirix chixjunil li maak.