3 Mbom wɔtoo hɔn enyi no, wohun dɛ woepirew ɔbo no efi hɔ, (na ɔsõ kakraka) na abɔfo beenu tsena do, na wɔhyɛ ntar fufuw tsentsen, na wosuroi.

4 Mbom abɔfo beenu no see hɔn dɛ, Mma hom nnsuro; hom rohwehwɛ Jesus Nazarethnyi a, wɔbɔɔ no mbeamudua mu no; ɔasoɛr; onnyi ha; Hom nhwɛ bea a wɔdze no toe;

5 Na hom nkɔ hom kwan, nkɛkã nkyerɛ n’esuafo no nye Peter so, dɛ oedzi hom enyim kan rokɔ Galilee; hɔ na hom bohu no dɛ mbrɛ ɔkãa kyerɛ hom no.

6 Na wɔhɛɛn nda no mu no, wohun bea a wɔdze Jesus toe.