TJS, Matye 6:14. Konpare avèk Matye 6:13; kèk chanjman sanblab te fèt nan Lik 11:4
Senyè a pa mennen nou nan tantasyon.
14 Epi pa kite dyab la mennen nou nan tantasyon, men delivre tèt nou anba mal.
TJS, Matye 6:22. Konpare avèk Matye 6:22
Si je nou fikse sou laglwa Bondye, tout kò nou va ranpli avèk limyè.
22 Limyè kò a se je yo; se poutèt sa, si je nou fikse sou laglwa Bondye, tout kò nou va ranpli avèk limyè.
TJS, Matye 6:25–27. Konpare avèk Matye 6:25; 10:10
Jezi avèti disip li yo sou difikilte y ap jwenn nan travay yo a men li pwomèt l ap prepare chemen an epi Pè Selès la ap pran swen yo.
25 Epi, ankò, m ap di nou, Ale nan mond lan, men pa sousye nou de mond lan; paske mond lan ap rayi nou, epi y ap pèsekite nou, epi y ap mete nou deyò nan sinagòg yo.
26 Sepandan, nou dwe ale sòti nan yon kay al nan yon lòt, pou anseye pèp la; epi m prale devan nou.
27 Epi Pè Selès la ap pran swen nou, nan tout sa nou bezwen pou manje, ak sa nou pral manje; ak pou rad, sa n ap mete sou nou.
TJS, Matye 6:38. Konpare avèk Matye 6:33
Nou ta dwe chèche bati wayòm Bondye a premyèman.
38 Se sa ki fè, pa chèche bagay ki nan mond sa a, men, chèche bati wayòm Bondye a premyèman, epi pou tabli lajistis li, epi tout bagay sa yo ap vin yon diplis ajoute pou ou.