¶ 1 BEA koe mea i he gaahi foaki fakalaumalie, e kaiga, oku ikai ko hoku loto ke mou taeilo.

2 Oku mou ilo naa mou nofo koe gaahi Jenitaile, nae āvea akimoutolu ki he gaahi tamabua noa, o hage ko hono taki akimoutolu.

3 Koia oku ou tala atu kiate kimoutolu, oku ikai ha taha oku lea i he Laumalie oe Otua e behe eia, koe malaia a Jisu: bea oku ikai ha taha te ne faa behe, koe Eiki a Jisu, ka i he Laumalie Maonioni.

4 Bea koeni, oku ai ae gaahi foaki kehekehe, ka koe Laumalie be taha.

5 Bea oku ai ae gaahi tauhi kehekehe, ka koe Eiki be taha.

6 Bea oku ai ae gaahi gaue kehekehe, ka koe Otua be taha oku fai kotoabe i he kakai kotoabe.

7 Ka kuo foaki ae fakaha oe Laumalie ki he tagata taki taha kotoabe ke feaogaaki.

8 He kuo foaki ki he toko taha i he Laumalie ae lea oe boto; ki he toko taha ae lea oe ilo i he Laumalie koia;

9 Ki he toko taha ae tui i he Laumalie koia; ki he toko taha ae foaki oe fakamoui i he Laumalie koia;

10 Ki he toko taha ae fai oe gaahi mana; ki he toko taha ae kikite; ki he toko taha ae ilo ki he gaahi laumalie; ki he toko taha ae lea kehekehe; ki he toko taha hono fakamatala oe gaahi lea:

11 Ka oku laga‘i eni kotoabe e he Laumalie be taha koia, o vahevahe taki taha ki he tagata kotoabe ko ene faiteliha be.

12 He oku hage oku taha be ae jino, ka oku lahi hono gaahi kubu, bea koe gaahi kubu kotoabe oe jino be taha koia oku lahi, ka koe jino be taha: oku behe be foki a Kalaisi.

13 He kuo tau babitaiso kotoabe i he Laumalie be taha ki he jino be taha, be ko ha kakai Jiu be ko ha kakai Jenitaile, ko ha bobula be ha tauataina; bea nae fakainu akitautolu kotoabe ki he Laumalie be taha.

14 He oku ikai koe kubu be taha ae jino, ka oku lahi.

15 Kabau e lea ae va‘e, Koeuhi oku ikai koe nima au, bea oku ikai oe jino au; bea oku ikai ai i he jino ia?

16 Bea kabau e lea ae teliga, Koeuhi oku ikai koe mata au, bea oku ikai oe jino au; bea oku ikai ai i he jino ia?

17 Ka ne koe mata ae jino kotoa, bea e ife ae fanogo? Bea ka ne koe fanogo ae kubu kotoabe, bea e ife ae nanamu?

18 Ka koeni, kuo fakahoko e he Otua ae gaahi kubu taki taha kotoabe i he jino, ko ene faiteliha be ia.

19 Bea ka ne koe kubu be taha aia kotoabe, bea e ife ae jino?

20 Ka koeni, koe gaahi kubu oku lahi ka koe jino be taha.

21 Bea oku ikai faa lea ae mata ki he nima, Oku ikai te ke aoga kiate au: be behe e he ulu ki he va‘e Oku ikai te mo aoga kiate au.

22 Ikai, ka koe gaahi kubu koia oe jino, aia oku matamata vaivai, oku lahi hake hono aoga:

23 Bea koe gaahi kubu koia oe jino, oku tau mahalo ki ai oku jii hifo e nau matamata lelei, oku tau tokaga lahi aubito ki ai; bea ko ho tau gaahi botu taematamata lelei oku ai hono matamata lelei lahi hake aubito.

24 He ko ho tau gaahi botu matamata lelei, oku ikai ha nau majiva: ka kuo fakatatau fakataha e he Otua ae jino, o ne foaki ae matamata lelei lahi hake aubito ki he botu koia oku majiva:

25 Koeuhi ke oua naa ai ha mavahevahe i he jino; ka koeuhi ke ma‘u ae fetokagaaki be e he gaahi kubu kotoabe.

26 Bea kabau e mamahi ae kubu e taha, oku mamahi mo ia ae gaahi kubu kotoabe; bea ka fakahikihiki ae kubu e taha, oku fiefia mo ia ae kubu kotoabe.

27 Bea koeni, koe jino o Kalaisi akimoutolu, bea koe gaahi kubu taki taha.

28 Bea kuo tuutuuni e he Otua ae niihi i he jiaji, koe uluaki koe kau abosetolo, ko hono ua koe kau balofita, ko hono tolu koe kau akonaki, hoko mo ia ae kau fai mea mana, hoko moe gaahi foaki oe fakamoui, moe kau tokoni, moe kau eginaki, mo kinautolu oku ilo ae lea kehekehe.

29 He koe abosetolo kotoabe? he koe balofita kotoabe? he koe akonaki kotoabe? he koe kau fai mea mana kotoabe?

30 Oku ma‘u kotoabe ae gaahi foaki oe fakamoui? oku lea kotoabe aki ae gaahi lea kehekehe? oku fakamatala lea kotoabe?

31 Ke mou holi lahi ki he gaahi foaki fugani lelei. Bea oku ou toe fakaha kiate kimoutolu ae hala oku lelei lahi.