Ko Hono Ua oe Tohi a Jone

¶ 1 KOE motua ki he fine eiki kuo fili mo ene fānau, oku ou ofa mooni ki ai; bea oku ikai ko au be, ka ko kinautolu kotoabe foki kuo ilo‘i ae mooni;

2 Koeuhi be koe mooni, aia oku nofoia akitautolu, bea e iate kitautolu ia o taegata:

3 Ke iate kimoutolu ae aloofa, moe ofa mataataatā be, moe melino, mei he Otua koe Tamai, bea mei he Eiki ko Jisu Kalaisi, koe Alo oe Tamai, i he mooni moe ofa.

4 Neu fiefia lahi i he eku ilo‘i ae niihi i hoo fānau oku aeva i he mooni, o hage koe fekau naa tau ma‘u mei he Tamai.

5 Bea koeni, oku ou kole atu kiate koe, e fine eiki, kae ikai hage ko haaku tohi ha fekau foou kiate koe, ka koia kuo tau ma‘u mei he kamataaga, ke tau feofaaki kiate kitautolu.

6 Bea koe ofa eni, koeuhi ke tau aeva i he ene gaahi fekau. Ko eni ae fekau, Koeuhi, ke hage koia kuo mou fanogo ki ai mei he kamataaga, ke mou aeva i ai.

7 He kuo alu atu ae kau kākā toko lahi ki mamani, oku ikai ke nau fakaha kuo ha‘u i he jino a Jisu Kalaisi. Koe kākā eni moe fili o Kalaisi.

8 Vakai be kiate kimoutolu, ke oua naa mole iate kitautolu ae gaahi mea kuo tau lava‘i, ka koeuhi ke tau ma‘u ae totogi haohaoa.

9 Ko ia ia oku fai hala, bea ikai nofo mau i he akonaki a Kalaisi, oku ikai ma‘u eia ae Otua. Ko ia ia oku nofo i he akonaki a Kalaisi, oku ma‘u eia fakatouoji ae Tamai bea moe Alo.

10 Kabau e alu atu ha taha kiate kimoutolu, kae ikai omi ae akonaki ko eni, oua naa tali ia ki ho mou fale, bea oua naa tokoni ki ai:

11 He ko ia oku tokoni ki ai oku kau ia i he ene gaahi gaue kovi.

12 Kuo lahi ae mea keu tohi atu kiate kimoutolu, ka e ikai teu fai ia i he beiba moe vaitohi: ka oku ou amanaki keu alu atu kiate kimoutolu, bea tau alea o femamataaki, koeuhi ke fonu e tau fiefia.

13 Koe fānau a ho tokoua kuo fili, oku nau ofa kiate koe. Emeni.