Ko Hono Ua oe Tohi a Baula koe Abosetolo Ki He Kakai Tesalonika

¶ 1 KO BAULA, mo Silivenusi, mo Timote, ki he jiaji oe kakai Tesalonika oku i he Otua koe tau Tamai moe Eiki ko Jisu Kalaisi:

2 Ke iate kimoutolu ae aloofa, moe melino, mei he Otua koe tau Tamai moe Eiki ko Jisu Kalaisi.

3 Oku totonu e mau fakafetai mau ai be ki he Otua koeuhi ko kimoutolu, e kaiga, o hage koia oku tāu, koeuhi oku tubu o lahi aubito aubito hoo mou tui, bea oku tubulekina a hoo mou feo faaki kiate kimoutolu kotoabe;

4 Koia oku mau vikiviki koeuhi ko kimoutolu ki he gaahi jiaji oe Otua, i hoo mou faa kataki moe tui, i ho mou gaahi fakataga kotoabe, moe gaahi mamahi, oku mou faa kataki’i:

5  Aia koe fakailoga oe fakamāu totonu oe Otua, koeuhi ke lau akimoutolu oku mou tāu moe buleaga oe Otua, aia oku mou mamahi ai foki:

6 He koe mea totonu i he Otua ke totogi aki ae mamahi kiate kinautolu oku fakamamahi’i akimoutolu;

7 Ka kiate kimoutolu oku mamahi, koe fiemalie mo kimautolu, oka fakaha mai ae Eiki ko Jisu mei he lagi mo ene kau agelo malohi,

8 I he afi uloulo moe fai totogi kiate kinautolu oku ikai te nau ilo ae Otua, bea oku ikai talagofua ki he ogoogolelei o ho tau Eiki ko Jisu Kalaisi:

9 Akinautolu e tautea aki ae fakaauha taegata mei he ao oe Eiki, bea mei he nāunāu o ene mafimafi;

10 Oka ha’u ia ke fakahikihiki’i e he ene kakai maonioni, bea ke fakatumutumu ai, i he aho koia, akinautolu kotoabe oku tui; he naa mou tui ki he e mau fakamooni iate kimoutolu.

11 Koia foki oku mau lotua mau ai be akimoutolu, koeuhi ke lau e ho tau Otua oku mou tāu moe ui  ni, ke ne fakakakato ae finagalo lelei kotoabe o  ene agalelei, moe gaue ae tui, i he malohi:

12 Koeuhi ke ogoogoleleiia ae huafa o ho tau Eiki ko Jisu Kalaisi iate kimoutolu, mo kimoutolu iate ia, o fakatatau ki he ofa a ho tau Otua moe Eiki ko Jisu Kalaisi.