¶ 1 BEA koe kau tagata niihi nae alu hifo mei Jutea, o ako ki he kaiga,  o behe, Kabau e ikai te mou kamu, o fakatatau ki he tuutuuni a Mosese, e ikai te mou faa moui.

2 Bea kuo fai o lahi ae fetauaki lea moe fakakikihi a Baula mo Banebasa mo kinautolu, bea bau ho nau loto ke alu hake ki Jelusalema a Baula mo Banebasa, mo ho nau niihi, ki he kau abosetolo moe mātua, koeuhi koe mea ni.

3 Bea kuo moimoi‘i akinautolu e he jiaji, bea nau o i Finesi mo Samelia, o nau fakaha ae liliu oe Jenitaile; bea naa nau fakafiefia‘i o lahi ae kaiga kotoabe.

4 Bea i he e nau hoko ki Jelusalema, naa nau feiloaki moe jiaji moe kau abosetolo moe mātua, bea na fakaha kotoabe ae mea kuo fai e he Otua iate kinaua.

5 Ka nae tuu hake ae niihi oku tui i he faahiga oe Falesi, o nau behe, Oku totonu ke kamu akinautolu, mo fekau ke fai ki he fono a Mosese.

¶ 6 Bea nae fakataha ae kau abosetolo moe mātua, ke nau fakakaukau ki he mea ni.

7 Bea kuo lahi e nau alea, bea tuu hake a Bita, o ne behe kiate kinautolu, Ae kau tagata koe kaiga, oku mou ilo kuo fuoloage ae fili e he Otua iate kitautolu, ke fanogo i hoku gutu e he gaahi Jenitaile ki he lea oe ogoogolelei, bea tui.

8 Bea koe Otua aia oku ne ilo‘i ae loto, naa ne fakamooni akinautolu, o ne foaki kiate kinautolu ae Laumalie Maonioni, o hage ko kitautolu;

9 Bea nae ikai fai kehekehe kiate kitautolu mo kinautolu, o ne fakamaa ho nau loto i he tui.

10 Bea koeni, koeha oku mou ahiahi ai ki he Otua, ke ai ki he kia oe kau akoga ae haamo, aia nae ikai ke faa kataki‘i e he e tau mātua be ko kitautolu?

11 Ka oku tau behe, koe mea i he aloofa be ae Eiki ko Jisu Kalaisi, e moui akitautolu, o hage ko kinautolu.

12 Bea nae toki fakalogo ae fakataha kotoabe, ke fakafanogo ki he fakamatala a Banebasa mo Baula, ae gaahi mana moe mea fakaofo kuo fai e he Otua iate kinaua ki he gaahi Jenitaile.

¶ 13 Bea i he tuku e na fakamatala, nae lea a Jemesi, o behe, Ae kau tagata moe kaiga, fanogo mai kiate au:

14 Kuo fakaha e Saimone ae muaki aahi ae Otua ki he kakai Jenitaile, ke ne ma‘u iate kinautolu ha kakai koeuhi ko hono huafa.

15 Bea oku tatau mo ia ae lea ae kau balofita; o hage koia kuo tohi,

16 Bea hili ia teu liliu mai, o toe laga ae fale fehikitaki o Tevita, aia kuo higa; bea teu toe laga hono botu nae maumau, bea teu fokotuu ia:

17 Koeuhi ke kumi ki he Eiki ae kakai oku toe, bea moe Jenitaile kotoabe, oku takua ki ai hoku higoa, oku behe e he Eiki, aia oku ne fai ae mea ni kotoabe.

18 Oku ilo e he Otua ene gaue kotoabe talu mei he kamataaga o mamani.

19 Bea koeni, ko hoku loto, ke oua naa tau fakamamahi‘i akinautolu kuo fakatafoki ki he Otua mei he gaahi Jenitaile:

20 Ka ke tau tohi kiate kinautolu, ke nau fakamamao mei he fakalielia oe gaahi tamabua, moe feauaki, moe mea kuo jijina, moe toto.

21 He oku ai i he kolo kotoabe, talu mei mu‘a, akinautolu oku malaga aki a Mosese, bea nau lau ia i he gaahi fale otu i he aho sabate kotoabe.

22 Bea nae lelei ki he kau abosetolo moe mātua, bea moe jiaji kotoabe, ke fili meiate kinautolu mo fekau atu ha ogo tagata, ke nau o mo Baula mo Banebasa ki Aniteoke; ko Jutasi oku higoa ko Basaba, mo Sailosi, koe ogo tagata takimu‘a i he kaiga:

23 Bea naa nau fai ae tohi ke nau ave; o behe, Koe kau abosetolo moe mātua bea moe kaiga, oku mau ofa atu ki he kaiga Jenitaile i Aniteoke mo Silia mo Silisia:

24 Koe mea i he e mau fanogo kuo fakamamahi‘i akimoutolu aki ae gaahi lea, bea fakamaveuveu‘i ho mou loto, e ha niihi, nae alu atu iate, kimautolu, i he e nau behe, Ke mou kamu, mo fai ki he fono: ka nae ikai te mau fekau kiate kinautolu:

25 Kuo ha lelei kiate kimautolu, i he e mau fakataha o loto taha, ke fekau atu kiate ki moutolu ae ogo tagata kuo fili, mo ho mau  kaiga ofeina ko Banebasa mo Baula,

26 Koe ogo tagata kuo na liaki e na moui koeuhi koe huafa o ho tau Eiki ko Jisu Kalaisi.

27 Koia kuo mau fekau atu ai a Jutasi mo Sailosi, bea e fakamatala foki ekinaua ae gaahi mea ni.

28 Nae lelei ki he Laumalie Maonioni, bea mo kimautolu, ke oua naa ai ha kavega mamafa kiate kimoutolu, ka koe gaahi mea totonu ni;

29 Ke mou fakamamao mei he meakai kuo feilaulau aki ki he gaahi tamabua, bea mei he toto, moe mea kuo jijina, bea moe feauaki; aia ka mou ka mavahe akimoutolu mei ai, te mou lelei. Jiotoofa atu kiate kimoutolu.

30 Bea kuo nau mavae, bea nau fonoga ki Aniteoke: bea kuo nau fakataha ai ae kakai, naa nau tuku ae tohi  kiate kinautolu.

31 Bea hili e nau lau ia, naa nau fiefia koeuhi koe fakafiemalie.

32 Bea nae ako i he gaahi lea lahi, mo tokoni ki he kaiga, e Jutasi mo Sailosi, he koe ogo balofita foki akinaua.

33 Bea hili e nau nofo ai o fuoloa jii, nae tuku fiemalie atu akinautolu mei he kaiga,  ke o ki he kau abosetolo.

34 Ka nae loto a Sailosi ke nofo ai be ia.

35 Bea nae nofo a Baula mo Banebasa i Aniteoke, o ako mo malaga aki ae folofola ae Eiki, bea moe toko lahi kehe.

¶ 36 Bea hili ae aho niihi, nae behe e Baula kia Banebasa, Ke ta toe o, o aahi ki ho ta kaiga i he kolo kotoabe, naa ta malaga aki ai ae folofola ae Eiki, be oku nau fefe.

37 Bea nae loto a Banebasa ke na ave a Jone, oku higoa ko Maake.

38 Ka nae ikai lelei kia Baula ke na ave ia, aia naa ne liaki akinaua i Bamifilia, bea nae ikai alu mo kinaua ki he gaue.

39 Bea i he e na kikihi o lahi, naa na mavae: bea nae ave e Banebasa a Maake, o na folau ki Saibalo;

40 Bea nae fili e Baula a Sailosi, bea na o, kuo hufia e he kaiga akinaua ki he aloofa ae Otua.

41 Bea nae alu ia i Silia mo Silisia, o ne tokoni‘i ae gaahi jiaji.