¶ 1 BEA i he kei nofo a Abolosi i Kolinito nae alu a Baula ki Efeso, i he hil a ene fonoga i he gaahi botu tukuuta; bea ne ilo ai ae akoga niihi,

2 Bea ne behe kiate kinautolu, Kuo mou ma‘u ae Laumalie Maonioni talu hoo mou tui? Bea naa nau behe kiate ia, Oku heeki ai te mau fanogo be oku ai ha Laumalie Maonioni.

3 Bea behe eia kiate kinautolu, Bea ne mou babitaiso ki he ha? Bea nau behe, Ki he babitaiso a Jone.

4 Bea toki behe e Baula, Koe mooni nae babitaiso aki e Jone ae babitaiso ki he fakatomala, o ne behe ki he kakai, ke nau tui kiate ia e fakamuimui iate ia, aia, ko Kalaisi Jisu.

5 Bea i he nau fanogo eni naa nau babitaiso i he huafa oe Eiki ko Jisu.

6 Bea kuo hilifaki ae nima o Baula kiate kinautolu, bea hoko kiate kinautolu ae Laumalie Maonioni; bea naa nau lea aki ae lea kehekehe, mo nau kikite.

7 Bea koe tagata e toko hogofulu ma toko ua nai akinautolu.

8 Bea nae alu ia ki he fale lotu, o ako malohi i he mahina e tolu, o ne fakamatala mo fakababau atu ae gaahi mea oe buleaga oe Otua.

9 Kae i he fakafefeka ae niihi, mo ikai tui, kae lea kovi ki he hala koia i he ao oe kakai, naa ne mahui iate kinautolu, mo ne vahevahe  mei ai ae kau akoga, bea malaga i he aho kotoabe i he fale lautohi oe tagata ko Tilano.

10 Bea ne fai ia i he ta‘u e ua; koia nae fanogo ai ki he folofola ae Eiki ko Jisu akinautolu kotoabe nae nofo i Esia, ae kakai Jiu moe Kiliki.

11 Bea nae fai e he Otua ae gaahi mana fakaofo i he nima o Baula:

12 He nae ave mei hono jino ae gaahi holoholo moe noo, ki he kakai mahaki, bea nae mahui ae mahaki iate kinautolu, bea alu iate kinautolu ae kau laumalie kovi.

¶ 13 Bea koe kau Jiu niihi nae fealuaki fano, koe kau fie mana, naa nau fai ke ui aki ae huafa oe Eiki ko Jisu kiate kinautolu nae ulujino ai ae gaahi laumalie kovi, o behe, Oku mau fekau malohi kiate kimoutolu ia Jisu, aia oku malaga aki e Baula.

14 Bea nae fai behe ae gaahi foha e toko fitu o Siva, koe Jiu, bea koe taulaeiki lahi.

15 Bea nae lea ae laumalie kovi, o behe, Oku ou ilo a Jisu, bea oku ou ilo mo Baula; ka kohai akimoutolu?

16 Bea nae oho kiate kinautolu ae tagata nae ulujino ai ae laumalie kovi, bea naa ne ikuna akinautolu, mo fai malohi kiate kinautolu, bea naa nau feholaki mei he fale koia kuo nau telefua mo makafokafo.

17 Bea nae ilo eni e he Jiu moe Kiliki kotoabe nae nofo i Efeso; bea nae to ae manavahe kiate kinautolu kotoabe, bea nae ogoogo lelei ai ae huafa oe Eiki ko Jisu.

18 Bea nae ha‘u ae toko lahi nae tui, ke vete mo fakaha e nau gaahi faiaga.

19 Bea koe toko lahi, iate kinautolu nae gaue faka fiemana, naa nau omi o fakataha e nau gaahi tohi, o tutu ia i he ao oe kakai: bea naa nau lau hono totogi  oe gaahi tohi, koe baaga siliva e nima mano.

20 He nae matuaki tubulekina bea malohi ae folofola ae Otua.

¶ 21 Bea kuo hili ae gaahi mea ni, nae mau ae loto o Baula ke alu ki Jelusalema, oka hili ene alu i Masitonia mo Akeia, bea naa ne behe, Oka hili eku alu ki ai, e totonu keu vakai foki ki Loma.

22 Bea fekau eia ke o ki Masitonia ae toko ua iate kinautolu nae tauhi kiate ia, ko Timote mo Eleasito; ka nae kei nofo jii ia i Esia.

23 Bea nae tubu i he gaahi aho koia ae maveuveu lahi, koe mea i he lotu koia.

24 He koe tagata ko Temetelio hono higoa, koe tufuga gaohi siliva, naa ne gaohi ae teuga siliva ki he fale lahi o Taiena, bea nae lahi ae koloa nae ma‘u ai e he kau tufuga;

25 Bea naa ne fakakatoa akinautolu, moe kakai naa nau kauga faiva fakataha mo ne behe, Ae kau matābule, oku mou ilo koe mea i he faiva ni oku tau ma‘u ai e tau koloa.

26 Bea koeni, oku mou mamata mo fanogo kuo fakaloto‘i mo fakatafoki e Baula ni ae kakai toko lahi, ikai i Efeso be, ka e meimei i Esia kotoabe, i he ene behe, Oku ikai koe gaahi otua aia oku gaohi e he nima:

27 Bea e ikai gata i he manuki‘i oe tau faiva ni; ka e taukaea foki moe fale lahi oe otua fefine ogoogo ko Taiena, bea e maumau mo hono nāunāu, aia oku hu ki ai a Esia mo mamani kotoabe.

28 Bea i he e nau fanogo, naa nau fonu i he ita, mo nau kalaga, o behe, Oku lahi a Taiena oe kakai Efeso.

29 Bea nae maveuveu ae kolo kotoabe: bea kuo nau buke a Keio mo Alisitako, koe ogo tagata Masitonia, koe kau fonoga o Baula, naa nau feohofi fakataha ki he fale faiva.

30 Bea nae fie alu atu a Baula ki loto ki he kakai, ka nae taofi ia e he kau akoga.

31 Bea koe niihi i he kau matābule o Esia, ko hono kaiga, naa nau fekau atu, o kole kiate ia ke oua aubito naa alu ia ki he fale faiva.

32 Bea kalaga aki e he niihi ha mea e taha, bea koe niihi ha mea kehe: he nae bubutuu ae kakai; bea nae ikai ilo e he toko lahi be koeha kuo nau fakataha ai.

33 Bea naa nau taki mai a Alekisanita mei he kakai, bea fokotuu ia e he kakai Jiu. Bea taalo aki e Alekisanita hono nima, o fie fakamatala ki he kakai.

34 Ka i he e nau ilo koe Jiu ia, naa nau kalaga fakataha kotoabe i he feituulaa e ua, Oku lahi a Taiena oe kakai Efeso.

35 Bea kuo lolomi ae kakai e he matābule tohi oe kolo, bea behe eia, Koe kakai Efeso, kohai ha tagata oku ikai te ne ilo oku tabu ae kolo ko Efeso kia Taiena, koe otua fefine oku lahi, bea moe  tamabua nae to hifo mei a Jubita?

36 Bea koeni, i he ikai faa lea kehe e ha taha ki he gaahi mea ni, koia oku totonu ai ke mou nofo be, bea oua naa fai ha mea i he ohonoa.

37 He kuo mou taki mai ae kau tagata ni, ka oku ikai koe kau kaihaa mei he gaahi fale fakaeiki, be koe kau lea kovi ki ho mou otua fefine.

38 Bea kabau oku ia Temetelio, moe kau tufuga oku iate ia, ha mea ki ha taha, oku ai ae gaahi fakamāuaga, bea oku ai moe kau fakamāu: tuku ke nau fetalatalaaki ai akinautolu.

39 Bea ka ko haa mou fehui ki ha gaahi mea kehe, e fakamāu ia i he fakataha totonu.

40 Koeuhi naa eke kiate kitautolu ki he maveuveu oe aho ni, he oku ikai te tau faa fakaha hano uhiga oe fakataha ni.

41 Bea hili ene lea koia, nae tutuku eia ae fakataha.