¶ 1 BEA naa nau nofo be o tolu ta‘u moe tae fai ha tau e Silia mo Isileli.

2 Bea i he ene hoko ki hono tolu oe ta‘u, nae hoko hifo a Jihosafate koe tu‘i o Juta ki he tu‘i o Isileli.

3 Bea nae behe e he tu‘i o Isileli ki he ene kau tamaioeiki, Ikai oku mou ilo oku otautolu a Lemoti i Kiliati, ka oku tau nofo noabe, mo tae too‘a mai ia mei he nima oe tu‘i o Silia?

4 Bea naa ne behe kia Jihosafate, Te ke fie alu mo au ki he tau ki Lemoti‐kiliati? Bea nae behe e Jihosafate ki he tu‘i o Isileli, Oku ou hage ko koe, mo eku kakai o hage ko hoo kakai, mo eku faga hose o hage ko hoo faga hose.

5 Bea nae behe e Jihosafate ki he tu‘i o Isileli, Oku ou kole, ke ke fakafehui he aho ni ki he folofola a Jihova.

6 Bea nae toki tanaki mai fakataha ae kau tagata kikite e he tu‘i o Isileli, koe kau tagata e toko fageau nai, o ne behe kiate kinautolu, Teu alu atu ke tau‘i a Lemoti‐kiliati be ikai? Bea naa nau behe, Alu hake; he koeuhi e tuku mai ia e Jihova ki he nima oe tu‘i.

7 Bea nae behe e Jihosafate, Ikai oku i heni ha balofita foki a Jihova, koeuhi ke tau fehui meiate ia?

8 Bea nae beheage e he tu‘i o Isileli kia Jihosafate, Oku ai moe tagata e toko taha, ko Mikaia koe foha o Imila, aia te tau faa fehui ai kia Jihova: ka oku ou fehia kiate ia; he oku ikai faa kikite aki eia ha lelei kiate au, ka koe kovi. Bea nae behe e Jihosafate, Ke oua naa lea behe e he tu‘i.

9 Bea nae toki ui mai e he tu‘i o Isileli ha matābule, o ne behe, Omi ke vave a Mikaia koe foha o Imila.

10 Bea nae nofo ae tu‘i o Isileli, mo Jihosafate koe tu‘i o Juta, taki taha ki hono nofoa fakatu‘i, bea kuo na ai ho na gaahi kofu fakatu‘i, i he botu i he huaga oe matani kolo o Samelia; bea nae kikite i ho na ao ae kau kikite kotoabe.

11 Bea nae gaohi maana e Setikia koe foha o Kinana, ae gaahi nifo ukamea: bea naa ne behe, Oku behe e Jehova, Koeni ia te ke teke‘i aki ae kakai Silia, kae oua ke fakaauha akinautolu.

12 Bea nae behe be ae kikite ae kau kikite kotoabe, o  nau behe, Alu hake ki Lemoti‐kiliati, bea  mou monuia: koeuhi e tuku ia e Jihova ki he nima oe tu‘i.

13 Bea nae lea kia Mikaia e he talafekau nae alu ke ui kiate ia, o behe, Vakai mai, Oku gutu taha be ae kau kikite i he lea aki ae lelei ki he tu‘i: koia oku ou kole ke ke tuku hoo lea ke tatau moe lea a ha taha iate kinautolu, bea ke lea aki ae lelei.

14 Bea nae behe e Mikaia, Oku moui a Jihova, bea koia oku folofola aki kiate au e Jihova, koia be teu lea aki.

15 Bea nae ha‘u ia ki he tu‘i. Bea nae behe kiate ia e he tu‘i, E Mikaia, te ma alu hake ke tau‘i a Lemoti‐kiliati, be ikai? Bea naa ne tali ia, o behe, Alu, bea mo monuia: koeuhi e tuku mai ia e Jihova ki he nima oe tu‘i.

16 Bea nae behe e he tu‘i kiate ia, E tuo fiha a eku takitala‘i koe ke oua naa ke fakaha mai ha mea ka koia be oku mooni i he huafa o Jihova?

17 Bea nae behe eia, Naaku mamata ki he fakamovetevete o Isileli katoa i he gaahi fuga mouga, o hage koe faga sibi oku ikai ha nau tauhi: bea nae behe e Jihova, Oku ikai ha eiki kiate kinautolu ni: tuku ke nau taki taha alu ae tagata ki hono fale i he melino.

18 Bea nae behe e he tu‘i o Isileli kia Jihosafate, Ikai naaku tala kiate koe, e ikai te ne kikite aki ha lelei kiate au, ka koe kovi?

19 Bea naa ne behe, Koia foki, fanogo koe ki he folofola a Jihova: naaku mamata ki he afio a Jihova ki hono afioaga, bea moe tutuu i hono nima toomatau mo hono nima toohema ae gaahi toko lahi kotoabe oe lagi.

20 Bea nae behe e Jihova, Kohai te ne fakaloto‘i a Ehabi ke ne alu hake mo higa i Lemoti‐kiliati? Bea nae behe ae lea ae toko taha, kae behe e he toko taha kehe.

21 Bea nae hu mai ha laumalie, o ne tuu i he ao o Jihova, o ne behe, Teu fakaloto‘i ia eau.

22 Bea nae behe e Jihova kiate ia, O fefe‘i? Bea naa ne behe, Teu alu atu, bea teu hoko koe laumalie loi i he gutu o ene kau kikite kotoabe. Bea naa ne behe, Te ke fakaloto‘i ia, bea te ke lava‘i foki: alu atu, mo ke fai behe.

23 Bea koia foki, vakai, kuo ai e Jihova ha laumalie loi ki he gutu oe kau tagata kikite na oou, bea kuo folofola aki e Jihova ae kovi kiate koe.

24 Ka nae alu atu ke ofi a Setikia koe foha o Kinana, o ne ta‘i a Mikaia i hono kouahe, mo ne behe, Nae alu i he hala fe ae Laumalie o Jihova meiate au ke lea kiate koe?

25 Bea nae behe e Mikaia, Vakai, te ke toki mamata i he aho koia, aia te ke hu atu ai ki he gaahi loki ke fakafufu koe.

26 Bea nae behe e he tu‘i o Isileli, Buke a Mikaia, bea toe ave ia kia Amoni koe bule oe kolo, bea kia Joasi koe foha oe tu‘i;

27 Bea fakahaage, Oku behe e he tu‘i Ai ae jiana ni ki he fale bobula, bea fafaga aki ia ae ma oe fakamamahi moe vai oe fakamamahi o a‘u ki he eku  toe ha‘u i he melino.

28 Bea nae behe e Mikaia, Kabau te ke toe foki mai i he melino, ta kuo ikai folofola a Jihova iate au. Bea naa ne behe, Mou fanogo kotoabe, akimoutolu koe kakai.

29 Koia nae alu hake ai ae tu‘i o Isileli mo Jihosafate koe tu‘i o Juta ki Lemoti‐kiliati.

30 Bea nae behe e he tu‘i o Isileli kia Jihosafate, Teu fakabulibuli au, i he eku hu atu ki he tau; ka ke ai ekoe a ho gaahi kofu fakatu‘i. Bea nae fakabulibuli ia e he tu‘i o Isileli, ka ka alu atu ia ki he tau.

31 Ka nae fekau e he tu‘i o Silia ki he ene eiki e toko tolugofulu ma ua nae bule ki he ene gaahi jaliote, o behe, Oua naa mou tau moia oku jii be koia oku lahi, ka koe tu‘i be o Isileli.

32 Bea nae hoko o behe, i he mamata e he gaahi eiki oe gaahi jaliote kia Jihosafate, naa nau behe, Koeni mooni ae tu‘i o Isileli. Bea naa nau foki atu ke tau moia: bea nae kalaga atu a Jihosafate.

33 Bea i he mamata e he gaahi eiki oe gaahi jaliote nae ikai koe tu‘i ia o Isileli, naa nau foki atu mei he e nau tuli kiate ia.

34 Bea nae teke noa be e ha tagata ae kaufana, bea nae fana‘i ae tu‘i o Isileli i he vahaa hokoaga o ene mahafutau: koia naa ne behe ai ki he tagata nae fakahino‘i a ene jaliote, Fakatafoki atu ho nima, bea ke ave au mei he tau: he kuou lavea.

35 Bea nae tubu o lahi ae tau i he aho koia: bea nae boubou hake ae tu‘i i hono jaliote ke tau‘i ae kakai Silia, bea nae bekia ia i he efiafi: bea nae tafe ae toto mei he matalavea ki he loto jaliote.

36 Bea feouga moe to hifo ae lae nae alu atu ae fanogonogo ki he kau tau, o behe, Ke alu ae tagata taki taha ki hono kolo, moe tagata taki taha ki hono fonua oona.

¶ 37 Nae behe ae bekia ae tu‘i, bea nae omi ia ki Samelia: bea naa nau fai ae butu oe tu‘i i Samelia.

38 Bea nae fufulu ae jaliote e ha toko taha i he vaikeli o Samelia; bea nae emo hake e he faga kuli a hono toto; bea naa nau fufulu a ene mahafutau; o fakatatau moe folofola a Jihova, aia naa ne folofola aki.

39 Bea koeni, koe toega gaue a Ehabi, moia kotoabe naa ne fai, moe fale lei naa ne gaohi, moe gaahi kolo kotoabe naa ne laga, ikai kuo tohi ia i he tohi fakamatala ki he gaahi tu‘i o Isileli?

40 Koia, nae mohe a Ehabi mo ene gaahi tamai; bea nae fetogi ia i he bule e hono foha ko Ahasia.

¶ 41 Bea nae kamata bule a Jihosafate koe foha o Asa ki Juta i hono fa oe ta‘u o Ehabi koe tu‘i o Isileli.

42 Nae tolugofulu ma nima ae ta‘u o Jihosafate i he ene kamata bule; bea naa ne bule i Jelusalema i he ta‘u e uofolu ma nima. Bea koe higoa o ene fa‘e ko Asuba koe ofefine o Sili.

43 Bea naa ne eveeva i he hala kotoabe o ene tamai ko Asa; nae ikai te ne tafoki mei ai, o ne fai aia nae lelei i he ao o Jihova: ka ne ogo ia nae ikai ave ae gaahi botu maoluga; nae kei fai feilaulau mo tutu ae mea namu kakala e he kakai i he gaahi botu maoluga.

44 Bea nae alea a Jihosafate moe tu‘i o Isileli ke na melino be.

45 Bea koeni, koe toe oe gaahi gaue a Jihosafate, moe malohi nae ha iate ia, mo ene faa tau, ikai kuo tohi ia i he tohi fakamatala ki he gaahi tu‘i o Juta?

46 Bea koe toega kakai agafakasotoma aia nae toe i he gaahi aho o ene tamai ko Asa, naa ne ave mei he fonua.

47 I he kuoga koia nae ikai ha tu‘i i Itomi: ka nae bule ha toko taha ma ae tu‘i.

48 Nae ma‘u e Jihosafate ae gaahi vaka mei Tasisi ke folau ki Ofeli ke omi koula; ka nae ikai hoko ae folau; he nae maumau‘i ae gaahi vaka i Esionikeba.

49 Bea nae behe ai e Ahasia koe foha o Ehabi kia Jihosafate, Tuku ke alu a eku kau tamaioeiki fakataha mo hoo kau tamaoeiki i he folau. Ka nae ikai loto ki ai a Jihosafate.

¶ 50 Bea nae mohe a Jihosafate mo ene gaahi tamai, bea nae fai hono butu ki he  botu a ene gaahi tamai i he kolo o Tevita ko ene tamai: bea nae fetogi ia i he bule e Jiholami ko hono foha.

¶ 51 Nae kamata bule a Ahasia koe foha o Ehabi ki Isileli i Samelia i hono hogofulu ma fitu oe ta‘u o Jihosafate koe tu‘i o Juta, bea naa ne bule i he ta‘u e ua i Isileli.

52 Bea naa ne fai kovi i he ao o Jihova, mo ne alu i he hala o ene tamai moe hala o ene fa‘e, bea i he hala o Jeloboami koe foha o Nibati, aia naa ne fakaagahala‘i a Isilelei:

53 He naa ne tauhi kia Beali, mo ne lotu kiate ia, mo ne fakatubu ae houhau o Jihova koe Otua o Isileli, o fakatatau ki he mea kotoabe nae fai e he ene tamai.