Ko e Teunga Tau Kakato ʻa e ʻOtuá
Tā fakatātaaʻi ʻe Brandon Dorman
ʻOku akoʻi mai ʻe he folofolá ʻoku totonu ke tau tui e “teunga tau kakato” ʻa e ʻOtuá (vakai, ʻEfesō 6:11–18 mo e T&F 27:15–18). ʻI heʻetau ako mo lotua e folofolá, ʻoku hangē ia ʻoku tau tui ha teunga tau ke ne tokoniʻi kitautolu ke tau malú.
Ko e hā te ke lava ʻo fai he ʻaho kotoa pē ke ke ongoʻi malu mo fiefia ai ho laumālié?
Tatā ʻo e Fakamoʻuí
ʻOku maluʻi ʻe he tataá e ʻulú. ʻOku tau maluʻi ʻetau fakakaukaú ʻi he taimi ʻoku tau muimui ai kia Sīsuú pea fai ʻa ia ʻokú Ne finangalo ke tau faí.
Pā ʻo e Tuí
Ko e tui kia Sīsū Kalaisí ʻoku hangē ia ha pā ʻo e maluʻí. ʻI he taimi ʻoku tau tui ai kia Sīsuú pea feinga ke tau hangē pē ko Iá, te tau lava ʻo fai e ngaahi fili ʻoku leleí, ʻo aʻu ki he taimi ʻoku faingataʻa aí.
Noʻo ʻo e Moʻoní
Ko e noʻó ko ha leta ia ʻokú ne tokoni ke maluʻi e sino ʻo ha sōtia. Ko e ʻiloʻi ko ia ʻa e meʻa ʻoku moʻoní ʻoku tau malu leva. ʻOku moʻoni ʻa e ongoongoleleí, pea ʻoku fakamālohia kitautolu ʻi heʻetau moʻui ʻaki ʻa e ongoongoleleí.
Sifa-fatafata ʻo e Māʻoniʻoní
ʻOku maluʻi ʻe he sifa-fatafatá ʻa e mafú. ʻI heʻetau ʻofa ki he ʻOtuá ʻaki hotau lotó kotoa, ʻoku tau feinga ke tauhi ʻEne ngaahi fekaú. ʻOku tāpuekina kitautolu ʻi heʻetau fili ki he totonú.
Topuvaʻe ʻaki ʻa e Teuteu ʻo e Melinó
ʻOku maluʻi ʻe he suú ʻa e vaʻé. ʻOku tau feinga ke molomolo-muivaʻe ʻia Sīsū Kalaisi koeʻuhí ke tau nofo mo Ia ha ʻaho.
Heletā ʻo e Laumālié
ʻOku tokoni e heletaá ke tauʻi e meʻa ʻoku halá. ʻOku tokoniʻi kitautolu ʻe he Laumālié ʻi he taimi ʻoku tau fehangahangai ai mo e ngaahi meʻa ʻoku halá pe faingataʻá. ʻOku tokoni e fakafanongo ki he Laumālié ke tau malu ai.