Aaron, Igsoon nga Lalaki ni Moises Tan-awa usab Aaronic nga Pagkapari; Moises Diha sa Daang Tugon, usa ka anak nga lalaki ni Amram ug Jocabed, sa tribo ni Levi (Ex. 6:16–20); ang magulang nga lalaki ni Moises (Ex. 7:7). Gitudlo sa Ginoo aron sa pagtabang ni Moises sa pagdala sa mga anak ni Israel gikan sa Ehipto ug mahimo nga iyang tigpama-ba, Ex. 4:10–16, 27–31; 5:1–12:51. Sa Bukid sa Sinai, si Moises nakadawat og mga pagtudlo mahitungod sa pagkatudlo ni Aaron ug sa iyang upat ka anak nga mga lalaki ngadto sa Aaronic nga Pagkapari, Ex. 28:1–4. Mihimo og usa ka baka nga bulawan tungod sa hangyo sa mga katawhan, Ex. 32:1–6, 21, 24, 35. Namatay didto sa Bukid sa Hor sa panuigon nga 123, Num. 20:22–29 (Num. 33:38–39). Ang Ginoo nagmatuod usab sa pagkapari nga diha ni Aaron ug sa iyang binhi, D&P 84:18, 26–27, 30. Kadto kinsa magpalambo sa mga katungdanan sa pagkapari mahimo nga anak nga mga lalaki ni Moises ug ni Aaron, D&P 84:33–34. Ang Ginoo mohatag og kaangayan sa matarung nga mga lihok niadto nga gitawag sa Amahan ingon kang Aaron, D&P 132:59.