Panaghiusa Tan-awa usab Dios, Diosnong Kapangulohan Ang paghimo nga usa diha sa hunahuna, tinguha, ug katuyoan una sa atong Amahan sa Langit ug kang Jesukristo, ug dayon sa uban nga mga Santos. Maayo alang sa mga kaigsoonan nga magpuyo diha sa panaghiusa, Sal. 133:1. Ako ug ang akong Amahan usa ra, Juan 10:30 (D&P 50:43). Si Jesus nag-ampo aron ang tanan mahimo nga magkahiusa ingon nga siya ug ang iyang Amahan nagkahiusa, Juan 17:11–23 (3 Ne. 19:23). Ako mangamuyo kaninyo nga walay panagbulag diha kaninyo, apan nga kamo sa hingpit mabugkos nga maghiusa, 1 Cor. 1:10. Kinahanglan magmalig-on diha sa panaghiusa sa hunahuna ug diha sa panaghiusa sa kasingkasing, nagkahiusa sa tanan nga mga butang, 2 Ne. 1:21. Kinahanglan ang mga Santos magbugkos sa ilang kasingkasing diha sa panaghiusa, Mosiah 18:21. Si Jesus nag-ampo alang sa panaghiusa sa iyang mga tinun-an nga Nephite, 3 Ne. 19:23. Ang mga tinun-an nagkahiusa diha sa mainiton nga pag-ampo ug pagpuasa, 3 Ne. 27:1. Ang Amahan, Anak, ug Espiritu Santo nagkahiusa, D&P 20:27–28 (D&P 35:2; 50:43). Inyong katungdanan ang pakighiusa uban sa tinuod nga simbahan, D&P 23:7. Bisan unsa nga kamo mangayo diha sa hugot nga pagtuo, nga nagkahiusa diha sa pag-ampo, kamo makadawat, D&P 29:6. Kon kamo wala magkahiusa kamo dili ako, D&P 38:27. Ang Ginoo mitawag sa iyang mga katawhan og Zion tungod kay sila nagkahiusa sa kasingkasing ug nagkahiusa sa hunahuna, Moises 7:18.