¶ 1 BEA nae folofola a Jihova kia Mosese, mo Elone, o behe,

2 E nofo ae tagata taki taha oe fānau a Isileli ki hono fakailoga, o fakataha moe fuka oe fale oe nau tamai; bea te nau nofo mamao o folifoliaki i he fale fehikitaki oe kakai.

3 Bea e nofo i he botu hahake o hagatonu ki he hoboagalaa, akinautolu oe fakailoga oe abitaga o Juta i he e nau gaahi matatau: bea ko Nasoni koe foha o Aminitabi e eiki tau ia i he fānau a Juta.

4 Bea ko ene kau tau aana, mo kinautolu nae lau ai, koe toko fitu mano, moe toko fa afe ma onogeau.

5 Bea ko kinautolu e hoko  nofo mo ia koe faahiga o Isaka, bea ko Netanili koe foha o Sua, e eiki tau ia i he fānau a Isaka.

6 Bea ko ene kau tau, mo kinautolu nae lau ai, koe toko nima mano, moe toko fa afe ma fageau.

7 Bea e hoko ai ae faahiga o Sebuloni, bea ko Iliabi, koe foha o Heloni e eiki tau ia i he fānau a Sebuloni.

8 Bea ko ene kau tau mo kinautolu nae lau ai, koe toko nima mano, moe toko fitu afe ma fageau.

9 Bea ko kinautolu kotoabe nae lau i he abitaga o Juta, koe toko taha kilu, moe toko valu mano, moe toko ono afe ma fageau, i he e nau gaahi matatau. E alu muomua atu akinautolu ni.

¶ 10 Bea e tuu i he feituu toga ae fakailoga oe abitaga o Lubeni o fakatatau ki he e nau gaahi matatau; bea ko Ilisua koe foha o Setiua e eiki tau ia i he fānau a Lubeni.

11 Bea ko ene kau tau, mo kinautolu nae lau ai, koe toko fa mano, moe toko ono afe ma nimageau.

12 Bea ko kinautolu e hoko nofo mo ia, koe faahiga o Simione: bea ko Selumieli koe foha o Sulisatai e eiki tau ia i he fānau a Simione.

13 Bea ko ene kau tau, mo kinautolu nae lau ai, koe toko nima mano, moe toko hiva afe ma tolugeau.

14 Bea e hoko ai ae faahiga o Kata: bea ko Iliasafi koe foha o Teuili, e eiki tau ia i he gaahi foha o Kata.

15 Bea ko ene kau tau, mo kinautolu nae lau ai, koe toko fa mano, moe toko nima afe moe toko onogeau ma nimagofulu.

16 Bea ko kinautolu kotoabe nae lau i he abitaga o Lubeni, koe toko taha kilu, moe toko nima mano, moe toko taha afe moe toko fageau ma nimagofulu, i he e nau gaahi matatau. Bea e alu atu akinautolu i hono ua oe otu  tagata.

¶ 17 Bea e toki alu atu ae fale fehikitaki oe kakai, fakataha moe abitaga oe kau Livai i he lotolotoga oe kau tau: o hage be koe nau nofo, e behe be i he e nau fonoga atu, koe tagata taki taha e i hono botu i ho nau fakailoga.

¶ 18 Bea e tuu i he botu luluga ae fakailoga oe abitaga o Ifalemi, o fakatatau ki he e nau gaahi matatau: bea ko Ilisama koe foha o Amihuti, e eiki tau ia i he gaahi foha o Ifalemi.

19 Bea ko ene kau tau, mo kinautolu nae lau ai, koe toko fa mano moe toko nimageau.

20 Bea e hoko mo ia ae faahiga o Manase: bea ko Kamelieli koe foha o Betasuli, e eiki tau ia i he fānau a Manase.

21 Bea ko ene kau tau, mo kinautolu nae lau ai, koe toko tolu mano moe toko ua afe moe uageau.

22 Bea e hoko ai ae faahiga o Benijimani: bea ko Ebitani koe foha o Kitione e eiki tau ia i he fānau a Benijimani.

23 Bea ko ene kau tau, mo kinautolu nae lau ai, koe toko tolu mano moe toko nima afe ma fageau.

24 Bea ko kinautolu kotoabe nae lau i he abitaga o Ifalemi, koe toko taha kilu, moe toko valu afe, moe toko teau, i ho nau gaahi matatau. Bea e alu atu akinautolu i hono tolu oe otu  tagata.

¶ 25 Bea e tuu i he botu tokelau ae fakailoga oe abitaga o Tani i he e nau gaahi matatau: bea ko Ehiesa koe foha o Amisatai e eiki tau ia i he fānau a Tani.

26 Bea ko ene kau tau, mo kinautolu nae lau ai, koe toko tolu mano, moe toko ua afe ma toko fitugeau.

27 Bea ko kinautolu oku hoko nofo mo ia koe faahiga o Aseli: bea ko Bakieli koe foha o Okilani e eiki tau ia i he fānau a Aseli.

28 Bea ko ene kau tau, mo kinautolu nae lau ai, koe toko fa mano, moe toko taha afe, ma nimageau.

29 Bea e hoko ai ae faahiga o Nafitali: bea ko Heila koe foha o Enani e eiki tau ia i he fānau a Nafitali.

30 Bea ko ene kau tau, mo kinautolu nae lau ai, koe toko nima mano, moe toko tolu afe, ma fageau.

31 Bea ko kinautolu kotoabe nae lau i he abitaga o Tani, koe toko taha kilu, moe toko nima mano, moe toko fitu afe, ma onogeau. Bea e muimui akinautolu moe nau gaahi fuka.

¶ 32 Ko kinautolu ia nae lau i he fānau a Isileli i he fale oe nau gaahi tamai: ko kinautolu kotoabe nae lau i ho nau gaahi abitaga i ho nau gaahi matatau, koe toko ono kilu, moe toko tolu afe, moe toko nimageau ma nimagofulu.

33 Ka nae ikai lau ae kau Livai i he fānau a Isileli; o hage koe fekau a Jihova kia Mosese.

34 Bea nae fai e he fānau a Isileli o fakatatau ki he mea kotoabe kuo fekau mai e Jihova kia Mosese: koia naa nau nofo ai ki ho nau gaahi fakailoga, bea nae behe e nau fonoga atu; taki taha i ho nau gaahi faahiga o fakatatau ki he fale oe nau gaahi tamai.