Cov Lus uas Peb Hais
Los ntawm Rosemary M. Wixom
Lub Koom Haum Me Nyuam Yaus tus Tuam Thawj Tswj Hwm
Nyob ntawm seb peb hais lus li cas rau peb cov me nyuam thiab cov lus peb siv yuav txhawb nqa thiab pab lawv thiab ua rau lawv muaj kev ntseeg.
Ib tug leej txiv uas tseem hluas heev, tau hnov hais tias nws tus nais khu rau hoob ob tau tas sim neej. Nco txog tus nais khu no, nws sau: “Ntawm txhua yam uas kuv nco qab txog nws, kuv nco tias nws txawj nplij siab heev. Nws yeej qhia kuv sau ntawv thiab ua leb tiam sis nws qhia hais tias txawm kuv ua tsis yog lawm los tsis ua li cas. Yog kuv sau tsis yog los nws hais tias, rau siab ua kom yog. Yog tias kuv ua dab tsi nchuav los nws hais tias mam li so. Yog yus uas tej yam uas ib tug me nyuam yaus ua xwb yeej tsis txhaum li.”
Ib qho uas zoo tshaj plaws hauv lub ntiaj teb no yog pab tau ib tug me nyuam. Me nyuam yaus tej kev ntseeg thiab kev muaj nuj nqi pib thaum lawv yaus heev. Txhua tus uas hnov kuv lub suab yeej muaj lub hwj chim ua kom ib tug me nyuam ntseeg tias nws muaj peev xwm thiab kom nws muaj kev ntseeg txog Leej Txiv Saum Ntuj Ceeb Tsheej thiab Yexus Khetos los ntawm tej lus uas nws hais.
Hauv Hilamas tshooj 5 peb nyeem hais tias, “Nco ntsoov tias twb yog nyob rau saum lub pob zeb peb tus Txhiv Dim, tus uas yog Khetos, Vajtswv Leej Tub, uas neb yuav tsum cog neb qhov chaw cuab zog.”1
Thiab Hilamas siv cov lus no thaum nws qhia nws cov tub. Thiab peb nyeem ntxiv tias: “Thiab nkawd tau nco ntsoov nws tej lus; thiab … nkawd tau tawm mus … mus qhia Vajtswv txoj lus rau tag nrho cov neeg.”2
Txawm tias Hilamas cov tub raug tsim thiab mag kaw, cov lus uas lawv hnov lawm yeej pab lawv. Lawm muaj kev pov hwm thiab muaj ib tug ncej hluav taws uas tiv thaiv lawv. Ces muaj ib lub suab hais rau cov uas ntes lawv, hais tias:
“Nej cia li hloov siab lees txim, thiab tsis txhob nrhiav ua kom kuv cov tub qhe puas tsuaj ntxiv lawm. …
“… Tsis yog ib lub suab xob quaj, thiab kuj tsis yog ib lub suab uas feeb tsis meej, tiam sis saib seb, nws yog ib lub suab meej yws uas mos muag kawg nkaus li, zoo li nws yog ib lub suab ntxhi, thiab nws tau chob txog ntua lub siab.”3
Peb kawm tau ntawm lus suab uas los saum ntuj ceeb tsheej los. Nws tsis nrov, nthe, los sis cem: nws yog ib lub suab uas mos hais meej meej, thiab muaj kev cia siab.
Nyob ntawm seb peb hais lus li cas rau peb cov me nyuam thiab cov lus peb siv yuav txhawb nqa, pab lawv, thiab ua rau lawv muaj kev ntseeg ntau txog txoj kev rov qab mus rau Leej Txiv Saum Ntuj Ceeb Tsheej. Lawv yeej los rau hauv lub ntiaj teb no npaj mloog lus.
Ib qho piv txwv txog ib tug me nyuam txoj kev mloog lus tau kawj hauv ib lub tab laj muag ntaub. Lub tab laj no muaj neeg coob heev thaum sawv daws pom tias ib tug leej niam txhawj heev vim nws tus me tub ploj lawm. Leej niam pib hu tus tub lub npe Connor. Thiab nws khiav ceev tsawv ncig lub tab laj. Sij hawm dhau zuj zus ces nws lub suab nrov zuj zus. Tsis ntev ces cov tub ceev xwm paub txog thiab sawv daws pib pab nrhiav tus me nyuam. Dhau ob peb na this lawv tseem nrhiav tsis tau tus me nyuam. Connor niam pib ntshai heev thiab pib ib sij nthe nws lub npe ib zaug.
Tom qab ib tug uas pab nrhiav tus me nyuam thov Vajtswv tag, nws xav tias tej zaum Connor ntshai vim nws niam nthe nws lub npe. Nws hais qhia lwm tus uas pab nrhiav ces nkawd ntaus tswv yim. Nkawd pib nrhiav tus me nyuam thiab hais mos nyoo tias, Connor, yog koj hnov kuv lus suab no ces teb tias, kuv nyob ntawd no. Thaum nws mus ze rau nram qab lub tab laj ces nws hnov ib lub suab yau yau hais tias kuv nyob ntawd no. Connor nkaum hauv qab rooj. Yog ib lub suab uas mos nyoo uas ua rau Connor teb.
Thov Vajtswv kom thiaj li paub tej yam uas ib tug me nyuam xav tau.
Peb yuav tsum paub ib tug me nyuam xav tau dab tsi es peb thiaj li paub hais lus rau lawv. Yog peb paub lawv xav tau dab tsi, cov lus peb hais yuav muaj hwj chim tshoov lawv siab. Yog peb nrhiav tus Ntsuj Plig txoj kev pab peb yuav ua tau zoo dua. Tus Tswv hais tias:
“Hais tej yam uas kuv yuav qhia rau hauv koj lub siab, …
“Rau qhov yuav qhia rau koj thaum lub sij hawm ntawd, kom koj paub tias yuav hais li cas.”4
Tsum txhua yam thiab mloog nrog kev hlub.
Muaj ntau yam hauv lub ntiaj teb no uas ua rau coob tus me nyuam tsis hnov tej lus uas ua rau lawv pom tias lawv zoo.
Dr. Neal Halfon, ib tug thaj maum uas yog tus coj hauv qhov chaw rau cov me nyuam yaus, tsev neeg, thiab zej zog hawv UCLA hais txog txoj kev ua “niam txiv tsis saib xyuas me nyuam“. Qhov piv txwv no saib ib tse neeg uas muaj ib tug me nyuam uas muaj 18 lub hlis.
“‘Zoo li tus me tub yeej zoo siab, ua si, thiab noj pizza ncua ntxiag nrog nws niam thiab txiv. … Thaum noj mov tag, leej niam sawv mus khiav hauj lwm lawm, ces cia leej txiv saib tus me tub.’
“Leej txiv pib nyeem xov hauv nws lub xov tooj ces tus tub pib hu leej txiv, hu hu tsis tau ces nws pib cuam tej daim pizza me me rau nws txiv. Ces leej txiv mam li rov qab ntsia tus tub thiab nrog nws ua si. Tsis ntev ces leej txiv cev ib qhov video hauv nws xov tooj rau nws thiab tus tub saib los mus txog rau thaum leej niam rov qab los.
“… [Dr.] Halfon pom tias yeej tsis siv sij hawm txaus nrog tus me nyuam, kom niam txiv thib tus me nyuam sib raug zoo.”5
Tej zaum qhov lus teb rau txoj kev pab paub peb cov me nyuam tej kev xav tau yog yuav tsum txhob siv tej khoom faib fab ntawd. Tej lub sij hawm uas zoo nrog peb cov me yuam sib tham ploj thaum peb siv sij hawm los kov tej khoom faib fab. Cia li xaiv ib lub sij hawm txhua hnub uas sib tham? Cia li tua txhua yam khoom faib fab.. Thaum pib ua li no tej zaum yeej yuav ntsiag tos tsis paub xyov yuav hais dab tsi. Tiam sis thaum nej muaj sij hawm rau nej cov me nyuam, lawv yeej yuav nrog nej sib tham thiab ib leeg yuav mloog ib leeg.
Sau ntawv rau peb cov me nyuam
Peb yeej yuav pab tau peb cov me nyuam yog peb sau ntawv rau lawv. Nifais sau hais tias, “Vim peb rau siab ntso ua zoo sau, los yaum peb tej me nyuam … kom los ntseeg hauv Khetos, thiab rov los nrog Vajtswv sib raug zoo.”6
Thawj Tswj Hwm Thomas S. Monson qhia txog Jay Hess, ib tug hav npees uas raug nyab laj npees thaum 1960: “Tau 2 xyoos nws tsev neeg yeej tsis paub xyov nws ciaj los tuag lawm. Thawj Tswj Hwm Monson nug tias “Koj yuav hais li cas rau koj tsev neeg yog tias koj tsuas sau tau 25 lo lus xwb es tsis tau pom lawv tau 2 xyoos thiab xyov koj puas yuav pom lawv ntxiv lawm? Xav kom nws tsev neeg paub tias yeej yog nws tiag thiab ho ntuas nws tsev neeg me ntsis, Jay Hess sau tias “Tej no tseem ceeb heev: sib yuav hauv lub tuam tsev, ua tub txib, kawm ntawv qib siab. Rau siab, cuab hom phiaj, sau tej keeb kwm, thaij duab ob zaug tauj ib xyoo.’”7
Nej yuav sau dab tsi rau nej cov me nyuam yog tsuas pub nej sau 25 lo lus los sis tsawg tshaj?
Tus leej txiv hluas uas tau sau ntawv nco txog nws tus nais khu tab tom tu nws tus me ntxhais. Nws pom tias Leej Txiv Saum Ntuj Ceeb Tsheej tau cia rau nws. Thaum tus me ntxhais no loj hlob tuaj, yav tom ntej yuav zoo li cas rau nws? Nws yuav tsum hais li cas es thiaj li yuav nyob nraim rau hauv tus ntxhais lub siab? Cov lus twg thiaj li yuav txhawb nqa, ntxiv zog, thiab pab nws taug txoj kev yog? Puas yuav pab yog nws siv sij hawm ntxhis tias, “Koj yog Vajtswv ib tug me nyuam?“ Nws puas yuav nco qab tias nws txiv yeej ib txwm hais tias, “Kuv txaus siab rau txhua yam koj ua?“
Puas yog peb Leej Txiv Saum Ntuj Ceeb Tsheej tau hais li ntawd txog Nws Tib Leeg Tub thiab peb sawv daws thaum Nws hais tias “Tus no yog kuv tus Tub uas kuv hlub,“ thiab hais ntxiv tias, “kuv txaus siab rau nws”?8
Thov kom peb hais thiab sau tej yam rau peb cov me nyuam uas qhia txog peb Leej Txiv Saum Ntuj Ceeb Tsheej txog kev hlub rau nws tib Leej Tub, Yexus Khetos thiab peb. Thiab thov kom peb yuav nres thiab mloog vim ib tug me nyuam yeej hais tau tej yam uas zoo heev rov qab rau peb. Kuv hais tej no tuav Yexus Khetos lub npe zoo, amees.