გადაწყვეტილებები მარადიულობისთვის

ჩემი პროფესიის, ექიმობის წლებმა, მასწავლა ადამიანის სხეულისადმი ღრმა პატივისცემა. ღმერთის მიერ შექმნილი თქვენთვის ნაბოძები, ის არის სრულიად განსაცვიფრებელი! დაფიქრდით თქვენს თვალებზე, რომლითაც ხედავთ, ყურებზე რომლითაც ისმენთ და თითებზე, რომლითაც გრძნობთ, ყველა საოცრებებს, რაც თქვენს გარშემოა. თქვენი ტვინი გაძლევთ საშუალებას ისწავლოთ, იფიქროთ და იმსჯელოთ. თქვენი გული მუშაობს დაუღალავად დღე და ღამე, თქვენთვის თითქმის შეუმჩნევლად..⁸

თქვენი სხეული თავს იცავს, ტკივილი მოდის როგორც გაფრთხილება, რომ რაღაცა არ არის კარგად და სჭირდება ყურადღება. დაავადებები და ინფექციები გვიტევენ ხანდახან და როდესაც ეს გვემართება, ანტისხეულები წარმოიშვებიან რათა გაზარდოს თქვენი წინააღმდეგობა ინფექციის მიმართ.

თქვენი სხეული ჰკურნავს საკუთარ თავს, ჭრილობები და დაბეჟილობები ხორცდებიან. მოტეხილი ძვლებს კვლავ შეუძლიათ განმტკიცდნენ. მე მოგახსენეთ მხოლოდ მცირეოდენი ნაწილი მრავალი საოცარი თვისებებისა, რაც ღმერთმა უბოძა თქვენს სხეულს.

ამისდა მიუხედავად, ყოველ ოჯახს და თუ არა ყოველ ადამიანს აქვს ფიზიკური მდგომარეობა, რომელიც ითხოვს განსაკუთრებულ ყურადღებას⁹, ასეთი გამოწვევის დასაძლევად წესს გვაძლევს უფალი. მან თქვა: „მე ვუბოძე ადამიანებს სისუსტეები, რათა ყოფილიყვნენ თავმდაბალნი; … რადგან თუ იქნებიან თავმდაბალნი და ექნებათ ჩემში რწმენა, მაშინ მე მათ სისუსტეებს ვაქცევ მათთვის სიმძლავრედ.“¹⁰

განსაკუთრებული სულები ხშირად იმყოფებიან არასრულყოფილ სხეულებში.¹¹ ასეთი სხეულის ძღვენი, სინამდვილეში ანმტკიცებს ოჯახს, როდესაც მშობლები და ბავშვები ერთად იკვრებიან ცხოვრებაში იმ ბავშვის გარშემო, რომელსაც სჭირდება განსაკუთრებული მოვლა.

დაბერების პროცესიც არის ღმერთის ძღვენი, ისევე, როგორც გარდაცვალება. მოკვდავი სხეულის გარდაცვალების საშუალება, მნიშვნელოვანია ღმერთის დიდი ბედნიერების გეგმისათვის.¹² რატომ? რადგან გარდაცვალება მისცემს თქვენს სულს საშუალებას, რომ უკან, მასთან სახლში დაბრუნდეს.¹³ მარადიულობის გადასახედიდან, გარდაცვალება არის უდროო მხოლოდ მათთვის, ვინც არ არის მზად ღმერთთან შესახვედრად.

თქვენს სხეულთან ერთად, ხართ რა ასეთი მნიშვნელოვანი ნაწილი მარადიული გეგმის, ეს არის პატარა საოცრება, რაც მოციქულმა პავლემ აღნიშნა, როგორც „ღმერთის ტაძარი“.”¹⁴ ყოველთვის, როდესაც სარკეში იხედებით, ხედავთ თქვენს სხეულს, როგორც საკუთარ ტაძარს. ამ ჭეშმარიტების ყოველდღიურად მადლიერებას შეუძლია დადებითად იმოქმედოს თქვენს გადაწყვეტილებებზე, თუ, როგორ უნდა იზრუნოთ საკუთარ სხეულზე და როგორ გამოიყენებთ მას. და ეს გადაწყვეტილებები განსაზღვრავს თქვენს მომავალს. როგორ არის ეს შესაძლებელი? რადგან თქვენი სხეული არის თქვენი სულის ტაძარი. და როგორც იყენებთ საკუთარ სხეულს, ეს აისახება თქვენს სულზე. ზოგიერთი გადაწყვეტილებები, რომლებიც განსაზღვრავს თქვენს მარადიულ ბედისწერას მოიცავენ:

• როგორ იზრუნებთ და გამოიყენებთ საკუთარ სხეულს?

• რომელ სულიერ თვისებას განავითარებთ?

თქვენი სული არის მარადიული არსება. უფალმა თავის წინასწარმეტყველ აბრაამს უთხრა: „შენ იყავი ამორჩეული, სანამ დაიბადებოდი.“¹⁵ უფალმა დაახლოებით იგივე უთხრა იერემიას¹⁶ და მრავალ სხვას.¹⁷ მან ეს თქვენზეც თქვა.¹⁸

თქვენი მამაზეციერი დიდი ხანია გიცნობთ. თქვენ, როგორც მისი შვილი ან ქალიშვილი, ამოჩეულნი იყავით მის მიერ, რომ მოსულიყავით დედამიწაზე ზუსტად ამ დროს, და ყოფილიყავით მისი დიდებული საქმის წინამძღოლები დედამიწაზე.¹⁹ თქვენ იყავით არჩეულნი არა თქვენი სხეულის თვისებების გამო, არამედ თქვენი სულიერი თვისებებისათვის, როგორიც არის სიმამაცე, გულის პატიოსნება, ჭეშმარიტების წყურვილი, სიბრძნისაკენ ლტოლვა და მოყვასისადმი სამსახურის სურვილი.

თქვენ განავითარეთ ზოგიერთი ეს თვისება დაბადებამდე. დანარჩენები შეგიძლიათ განავითაროთ აქ დედამიწაზე,²⁰ გულმოდგინე ძიებით.²¹

ძირითადი სულიერი თვისება არის თვითშეკავება, ძალა, რომ სურვილს სძლიოს გონებამ. თვითშეკავება აღზრდის ურყევ სინდისს. და სინდისი განსაზღვრავს თქვენს მორალურ გამოხმაურებას რთულ, მაცდურ და გამოცდის ჟამს. მარხვა ეხმარება თქვენს სულს, რომ განავითაროს ზეგავლენა ხორციელ სურვილებზე. მარხვა ასევე ხელმისაწვდომს ხდის ზეციურ დახმარებას, რადგან ამძაფრებს თქვენს ლოცვებს. რატომ გვჭირდება თვითშეკავება? ღმერთმა გვიბოძა ძლიერი სურვილი საზრდოებისათვის და სიყვარულისთვის, სასიცოცხლო მნიშვნელობა აქვს, ადამიანის ოჯახის არსებობისათვის.²² როდესაც ვთოკავთ ჩვენს სურვილებს ღმერთის კანონების საზღვრებში, ამით შეგვიძლია დავტკბეთ უფრო ხანგრძლივი სიცოცხლით, დიდი სიყვარულითა და სრულყოფილი სიხარულით.²³

არ არის მოულოდნელი, რომ ცდუნებების უმრავლესობა, რომლებიც გვაცდენენ ღმერთის ბედნიერების გეგმისაგან, მოდიან ღმერთის მიერ ნაბოძები სურვილების არასწორად გამოყენებით. ჩვენი სურვილების მოთოკვა ყოველთვის არ არის ადვილი. ვერცერთი ჩვენგანი მათ სრულყოფილად ვერ ერევა..²⁴ ხდება შეცდომები და ცოდვები. მაშინ რა უნდა გავაკეთოთ? ჩვენ შეგვიძლია მათგან ვისწავლოთ. და შეგვიძლია ჭეშმარიტად მოვინანიოთ.²⁵

ჩვენ შეგვიძლია შევცვალოთ ჩვენი ყოფაქცევა და ჩვენი სურვილები. როგორ? არის მხოლოდ ერთი გზა. ჭეშმარიტი ცვლილება—ნამდვილი ცვლილება—შესაძლებელია მოვიდეს მხოლოდ იესო ქრისტეს მკურნავი, განმწმენდი, ყოვლისშემძლე ძალით.²⁶ მას უყვარს ყოველი თქვენგანი!²⁷ ის ნებას გიბოძებთ, რომ მიიღოთ მისი ძალა, როდესაც დაიცავთ მის მცნებებს, მგზნებარედ, გულწრფელად და ზუსტად. ეს ასე უბრალოა და ჭეშმარიტი. იესო ქრისტეს სახარება არის ცვლილების სახარება.²⁸

ძლიერი ადამიანის სული, ხორციელი სურვილების მოთოკვით, არის მეუფე საკუთარი ემოციებისა და ვნებების; და არა მათი მონები. ასეთი თავისუფლება, სასიცოხლოდ მნიშვნელოვანია სულისთვის, როგორც ჟანგბადი სხეულისათვის! თავისუფლება საკუთარი მონობისაგან არის ჭეშმარიტი განთავისუფლება!²⁹

ჩვენ ვართ „თავისუფლები, რომ ავირჩიოთ თავისუფლება და მარადიული სიცოცხლე, ან ავირჩიოთ ტყვეობა, უბედურება და სიკვდილი.“³⁰ როდესაც ავირჩევთ თავისუფლებისკენ და მარადიული სიცოცხლისკენ მიმავალ ამაღლებულ ბილიკს, ეს ბილიკი მოიცავს ქორწინებას.³¹ უკანასკნელ დღეთა წმინდანები, აცხადებენ, რომ „ქორწინება ქალსა და მამაკაცს შორის არის ღმერთის მიერ დაწესებული, და რომ ოჯახი არის შემქნმელის გეგმის ცენტრალური ნაწილი, მისი შვილების მარადიული მიმართულებისათვის.“ ჩვენ ასევე ვიცით, რომ „სქესი არის აუცილებელი თვისება პიროვნების წინამიწიერი, მიწიერი და მარადიული პიროვნებისათვის და დანიშნულებისათვის.“³²

ქორწინება ქალსა და მამაკაცს შორის, ძირითადია უფლის მოძღვრებისათვის და გადამწყვეტია ღმერთის მარადიული გეგმისათვის. ქალსა და მამაკაცს შორის არის ღმერთის წესი სიცოცხლის სისავსისათვის, დედამიწაზე და ზეცაში. ქორწინების ბილიკის დამახინჯება არასწორად გაგება და არასწორად განმარტება არ შეიძლება.³³ არ შეიძლება თუ გვინდა ჭეშმარიტი სიხარული. ღმერთის ქორწინების წესი იცავს წმინდა ნაყოფს და ცოლ ქმრული ურთიერთობების სიახლოვეს.³⁴ ჩვენ ვიცით, რომ ადამი და ევა იყვნენ დაქორწილებულები ღმერთის მიერ, იქამდე, სანამ ისინი გამოსცდიდნენ ცოლქმრული ერთობის სიხარულს.³⁵

ჩვენს დღეებში, საზოგადოებრივ ხელისუფლებას, ქორწინების დასაცავად აქვს პირდაპირი ინტერესი, რადგან ძლიერი ოჯახები აყალიბებენ საუკეთესო საშუალებას მომავალი თაობების ჯანმრთელობისათვის, განათლებისათვის, კეთილდღეობისათვის და განვითარებისათვის.³⁶ მაგრამ საზოგადოებრივი ხელისუფლება, მოექცა საერთო მოდური მიმართულებებისა და სეკულარული ფილოსოფიების მძიმე გავლენის ქვეშ, როდესაც წერენ ასწორებენ და ასრულებენ კანონებს. მიუხედავად იმისა თუ როგორია საზოგადოებრივი კანონმდებლობა არის მიღებული, უფლის მოძღვრება არ შეიცვლება ქორწინების და მორალის შესახებ.³⁷ გახსოვდეთ, ცოდვა ადამიანის მიერ დაკანონებულიც კი, კვლავ ცოდვად ითვლება ღმერთის თვალში!

როდესაც ჩვენ უნდა გავიმეოროთ მხსნელის სიკეთე და თანაგრძნობა, როდესაც ჩვენ უნდა დავაფასოთ ღმერთის შვილების უფლებები და გრძნობები, ჩვენ არ შეგვიძლია მისი მოძღვრების შეცვლა. ის ჩვენი არ არის, რომ შევცვალოთ, მისი მოძღვრება ჩვენთვის არის, რათა ვისწავლოთ, გავიგოთ, და მივყვეთ.

მხსნელის ცხოვრების გზა არის კარგი. იგი მოიცავს ქორწინებამდე უმანკოებას და სრულ ერთგულებას ქორწინებაში.³⁸ უფლის გზა არის ერთადერთი გზა, რომ განვიცადოთ ნამდვილი ბედნიერება. მას მოაქვს სანდო ნუგეში ჩვენი სულებისათვის და მყარი მშვიდობა ჩვენი ოჯახებისათვის. და ყველაზე საუკეთესო, მის გზას მივყავართ სახლში მასთან და ჩვენს მამაზეციერთან, მარადიული სიცოცხლისათვის და ამაღლებისათვის.³⁹ ეს არის ღმერთის საქმისა და სიდიადის არსი.⁴⁰

ჩემო ძვირფასო ძმებო და დებო, ყოველი დღე არის გადაწყვეტილებების მიღების დღე; და ჩვენი გადაწყვეტილებები განსაზღვრავს ჩვენს ბედისწერას. ერთ დღეს, ყოველი ჩვენგანი წარსდგება ღმერთის წინაშე განსჯისათვის.⁴¹ ყოველ ჩვენგანს ექნება პირადი გასაუბრება იესო ქრისტესთან.⁴² ჩვენ პასუხს ვაგებთ იმ გადაწყვეტილებებზე, რომლებიც მივიღეთ საკუთარ სხეულზე, ჩვენს სულიერ თვისებებზე და როგორ დავაფასეთ ღმერთის წესი ქორწინებისა და ოჯახის შესახებ. რომ შევძლოთ ჭკვიანურად გავაკეთოთ არჩევანი ყოველ დღე, გადაწყვეტილებები მარადიულობისათვის. ეს არის ჩემი გულწრფელი ლოცვა, იესო ქრისტეს წმინდა სახელით ამინ.