Benneg 95
Paltiing a naited babaen ni Joseph Smith a Propeta, iti Kirtland, Ohio, idi 1 ti Hunio 1833 (History of the Church, 1:350–352). Kasilpo daytoy a paltiing dagiti nailangitan a panangiwanwan a mangbangon kadagiti balay a pagdaydayawan ken pagisuruan, kangrunaanna ti Balay ti Apo (kitaen ti benneg 88:119–136 ken benneg 94).
1–6, Madusa dagiti Santo iti dida panangbangon iti balay ti Apo; 7–10, Tarigagayan ti Apo nga aramaten ti balayna a pangyawatanna iti talugading kadagiti taona babaen ti bileg nga aggapu iti ngato; 11–17, Maidaton ti balay a pagdaydayawan ken pagadalan dagiti Apostol.
1 Pudno, kastoy ti kuna ti Apo kadakayo a patpatgek, ken adusaek met dagiti patpatgek tapno bmapakawan dagiti basolda, ta iti pannusa isaganak ti wagas a cpakaisalakananda kadagiti amin a banag manipud iti dsulisog, ket impatpategkayo—
2 Gapuna, nasken a madusakayo ket awatenyo ti panangungetko kadakayo;
3 Ta nagbasolkayo kaniak iti nadagsen unay a basol, ta diyo inkaskaso ti naindaklan a bilin iti amin a banag, nga intedko kadakayo maipanggep iti pannakabangon ti abalayko;
4 Ta ti pannakaisaganana naisangrat a mangisagana kadagiti apostolko a amangpukis iti bangkagko iti maudi a gundaway, tapno maipatungpalko ti bkarkarna a tignay, tapno cmaibukbokko ti Espirituk iti amin a lasag—
5 Ngem adtoy, pudno kunak kadakayo, nga adu kadakayo ti naordenan, nga inawagak ngem bassit kadakuada ti anapili.
6 Nagbasol iti nadagsen unay dagiti saan a napili, isu a magmagnada iti akasipngetan iti tengnga ti aldaw.
7 Ket gapu iti daytoy nangtedak iti bilin kadakayo a mangangay iti asagrado a panagtitipon, tapno makadanon dagiti bpanagayuno ken panagladingityo iti lapayag ti Apo ti cPangen, a no mayulog, ti dnangparsua iti umuna nga aldaw, ti punganay ken ti panungpalan.
8 Wen, pudno kunak kadakayo, nangtedak iti bilin kadakayo a mangbangon iti balay, a daytoy a balay ti pangyawatak iti atalugading kadagiti napilik babaen ti bileg nga aggapu iti ngato;
9 Ta daytoy ti akari ti Ama kadakayo; ngarud bilinenkayo nga agbati, a kas kadagiti apostolko iti Jerusalem.
10 Nupay kasta, nagbasol iti nadagsen unay a basol dagiti katulongak; ket napasamak ti apanagsusupanget iti bpagadalan dagiti propeta; a nakaro unay para kaniak, kuna ti Apoyo; ngarud imbaonko ida a madusa.
11 Pudno kunak kadakayo, pagayatak a mangbangonkayo iti balay. No tungpalenyo dagiti bilinko maaddaankayonto iti bileg a mangbangon iti daytoy.
12 No diyo atungpalen dagiti bilinko, saanto nga agtuloy ti bpanangipateg ti Ama kadakayo, ngarud magnakayonto iti kasipngetan.
13 Ita addaytoy ti sirib, ken panunot ti Apo—bangonenyo ti balay, saan a babaen ti wagas ti lubong, ta diak imbilin kadakayo nga agbiagkayonto iti wagas ti lubong;
14 Ngarud, bangonenyo babaen ti wagas nga itedko kadagiti tallo kadakayo, a tudinganyo ken ordenanyo iti daytoy a bileg.
15 Ket agdakkel iti limapulo-ket-lima a kadapan iti kaakaba, ken innem-a-pulo-ket-lima a kadapan iti kaatiddog, iti akin-uneg a pasetna.
16 Ket idatonyo kaniak ti akinbaba a kadsaaran a pagidatonanyo iti sakramento, ken pangasabaanyo, ken pagayunuanyo, ken pagkararaganyo, ken apangidatonanyo iti kasantuan a tarigagayyo kaniak, kuna ti Apoyo.
17 Ket idatonyo kaniak ti akinngato a kadsaaran a pagadalan dagiti apostolko, kuna ti Anak nga aAhman; wenno, iti sabali a pannao, Alphus; wenno, iti sabali a pannao, Omegus; nga isu ni Jesucristo nga bApoyo. Amen.