Menin Letok ko an Lan̄

Ejjeļo̧k ļaddik jidikdik ekar reim̧aanļo̧k n̄an Kūrijm̧ōj eļapļo̧k jān kar n̄a. Eaar em̧m̧an ippa! Ak jinō im jema raar ro retijem̧ļo̧k ilo kainōknōke m̧weeo imōm̧ n̄an kūrim̧ōj. Eaar wōr kainōknōk ko, al, tōm̧a ko, men ko rem̧m̧an, im aaet menin leļo̧k ko. O, ewi jon̄an aō kar reim̧aanļo̧k n̄an menin leļo̧k ko. Kajjojo iiō ij lukkuun kōm̧m̧ane juon laajrakin aolep men ko ikōņaan ilo būruwō.

Kōnke kōmij jokwe ilo juon jikin kallib, kajjojo jibbon̄ōn Kūrijm̧ōj m̧okta jān am kōppeļļo̧k menin leļo̧k ko, kōņak nuknuk māņāān ko im pojak in diwōj n̄an lali menin mour ko. Ejjeļo̧k men en em̧m̧anļo̧k ijeļo̧kin kadedeļo̧k am im m̧ōkaj in bar deļo̧n̄ n̄an bōk kūņaam̧ ilo m̧akūtkūt ko jibbon̄ōn eo juon.

Ekar jinoin tata in aō katak kōn em̧m̧aan in, Jisōs Kraist, eo raan in ļotak eo an kōmij kemeem e. Ak āinwōt ekar juon ļōmņak elukkuun em̧m̧an. Ekar raan in ļotak eo An, ak epād ippām aolep menin leļo̧k ko. Ajri ta eo eban iakwe menin! Kūrijm̧ōj ekar aolep men rem̧m̧an.

Kam̧m̧oolol, kōn ennaan eo an tōrein, aō jeļā kōn Rilo̧mo̧o̧r eaar ļapļo̧k—An ļotak im kemeem, An mour im kabwilōn̄lōn̄ ko, An kajoor im en̄taan ko, An Pinmuur im Jerkakpeje, ak An utiej eļap im An iakwe epen keidi. Aaet, Kūrijm̧ōj ekar aolep men rem̧m̧an, ak men eo in bwe kōn Jisōs Kraist aolep men rekar rem̧m̧an. Ak em̧m̧antata kar ba, Jisōs Kraist aolep men rekar em̧m̧an!

Āinwōt elōn̄ jodikdik ro, iaar reim̧aanļo̧k n̄an jerbale juon mijen kōn eļap ikdeelel, ak Kūrijm̧ōj eo jinointata ilo aō pād ettoļo̧k jān m̧weeo ekar jidik kailbōkbōk. Ilo an allōn̄ ko im̧aan 19th raan in ļotak eo aō, aolep men ko imaron̄ kar ļōmņaki rekar etal n̄an mijen eo aō. Ikar diktata iaan aolep classmate ro im ro m̧ōtta, im elōn̄ iaer rekar etal n̄an mijen ko aer, im iaar make wōt. Iaar en̄jake āinwōt iaar pojak n̄an erom juon mijenede barāinwōt. Men eo wōt ekar pād im̧aan eaar raan in ļotak eo aō.

Ālkin ta eo āinwōt ekar indeeo, iien eo aō eaar jejjet kitien im iaar deļo̧n̄ ilo MTC. Ilo jinoin Tijem̧ba, iaar lo eō make ilo juon baļuun kelo̧k n̄an mijen eo aō ilo Santiago, Chile. Āliktata iaar ilo̧k ilo iaļ eo aō, im ta ekar lukkuun em̧m̧antata, Kūrijm̧ōj ekar epaak. Iaar kōtmene bwe ikar pojak n̄an en̄jake eo enej em̧m̧antata ilo mour eo aō.

Ak ke ij diwōj jān baļuun eo, eaar m̧ōkaj aō lo bwe men ko raar lukkuun oktak jen men ko ilo Utah. Aaet, Kūrijm̧ōj eaar epaak, bōtaab eaar āinwōt ioļapļap in jōm̧ar. Ewi kar jiņo ko? Ewi juuj ko im nuknuk ko?

Eaar m̧ōkaj aō pād ilo idajon̄jon̄ eo an jerbal. Iaar m̧ōk jān baļuun eo im jet iien ij mājurļo̧k ilo iien ekkatak ko. Manit eo eaar oktak, kajin eo eaar pen—aaet eaar jab āinwōt jabdewōt ko iaar ekkatak ilo MTC—ak m̧ōn̄ā ko raar oktak. Im kōnono kōn m̧ōn̄ā, kōm̧ro mijenede eo m̧ōtta kar m̧ōn̄ā juon m̧ōn̄ā ko renana, kōnke kom̧ro jim̧or eaar jino nan̄inmej. Innām, ilōn̄in jabdewōt men, ilo juon iaan bon̄on ko aō jinoin ilo Chile, kōm kar ioon juon m̧akūtkūt in laļ.

Eaar Kūrijm̧ōj eo aō jinoin tata ilo aō pād ettoļo̧k jān m̧weeo, im iaar lukkuun nan̄inmej. Iaar babu ilo juon peet ilo juon laļ eo ijjab jeļā kake, kajjieon̄ meļeļe juon kajin emaron̄ pen aō kōnono, jokwe ippān bar juon armej eo ij kab jeļā kajjien eo. Jerbal in mijinede eaar kōn ta, im etke in baj wōt ekairiir?

Aaet kejōkdo̧o̧n aolep kapan̄pan̄ kein, iaar jino iakwe armej ro ilo Chile kōn aolepān būruwō. Raar kanooj em̧m̧an im lukkuun pidodo n̄an iakwe—im elōn̄ iaer raar kwole kōn ennaan eo kōn Rilo̧mo̧o̧r. Ilo m̧ool, ilo juon laļ, ijo armej ro raar oktakļo̧k jen ennaan eo an Rilo̧mo̧o̧r eo, wōjke in Kūrijm̧ōj ko im inōkinōk ko raar jab aorōk āinwōt kar m̧okta. Eļan̄n̄e Kraist eaar likūt kapijuknen eo An ilan̄ im itok n̄an laļ in n̄an en̄taan im mej kōn kōj, imaron̄ bar likūt kapijuknen eo aō im etal kōn jidik jab inem̧m̧an ko n̄an kwaļo̧k ennaan eo An eaiboojoj.

Kūrijm̧ōj eo eaar katakin eō kōn lan̄lōn̄ eo erreeo n̄an jipan̄ armej ro bōk aolep menin letok eo an Jemedwōj Ilan̄ eļap tata, karōk in m̧ōņōņō eo an eaiboojoj—im m̧ōņōņō, eo iaar loe, eaar juon men eo aolep raar make wōt kōņaan, eaar jab wōt ilo Kūrijm̧ōj, ak aolep iien.

Jet iiō ālkin mijen eo aō, iaar lo aō make ioon juon apan̄ kāāl. Iaar būrom̧ōj, m̧ōk, im ajimakeke. Jet allōn̄ m̧oktaļo̧k, kōrā eo ippa ilowaan wōt ruo iiō ko eaar mej ilo juon itaak in wa, mootļo̧k jen n̄a im leddik eo nejum̧ 7 allōn̄ ruttoon,

Iaar juon rijikuuļ in university, ekkatak, jerbal, im kakkōt n̄an katak ekōjkan erom juon jemān eo ejjeļo̧k rejtan. Kūrijm̧ōj eaar epaaktok, im ke ro jet rej ro̧o̧l n̄an kapijuknen ko aer n̄an pād ippān baam̧le im ro rejitōn bōro ilo iien holiday ko, kōn kallim̧ur ko ilo jikin jerbal, iaar aikuj pād wōt ilo jikuuļ. Iaar en̄jake aō ajimakeke im lukkuun būrom̧ōj. Kūrijm̧ōj eaar itok im ilo̧k, im iien eaar wōnm̧aanļo̧k wōt.

Enan̄in juon iiō tokālik, ke Kūrijm̧ōj ekar bar epaaktok, iaar lo bwe eaar ejjeļo̧k wōt rejta. Kiiō, jeje ko rekwojarjar rej ba ejjab em̧m̧an an juon em̧m̧aan eo make iaan (lale Jenesis 2:18), im iaar errā. Ij aikuji juon m̧ōtta, im nin̄nin̄ leddik eo neju eaikuji juon jinen.

Iaar ba, “Imaron̄ jab lukkuun juon eo eļōkatu, bōtaab ta juon kōrā eban kōņaan juon m̧ool in m̧ōm̧m̧an ke, juon leddik nin̄nin̄ emour n̄an Kūrijm̧ōj? Ejjab baj to̧ļe—ak m̧ool in?” Im kam̧m̧oolol, eļan̄n̄e juon ekōņaan nin̄nin̄ eo, ekwe, ij aikuj in m̧ōttanļo̧k jekjek eo.

Meja eaar tōt ippān juon jiron̄ em̧m̧an ded ilo kūlaaj in biology eo aō kar etan Nancy, ak eaar epaake an jem̧ļo̧k jemejta eo bōtaab eaar jab wōr aō peran ebwe n̄an kōnono ippān. Lan̄ eaar pād ilo turejet eo aō kōnke juon raan, bwe kōn jide, kom̧ro eaar ioon doon ilo jikin diwōjļo̧k eo ilo ejja iien eo wōt. Menin ekar aō iien em̧m̧an. Eaar jiktok juon pepe, innām iaar kūrļo̧k Nancy bon̄on eo im kar kajjitōk bwe in bwebwenato. Kom̧ro eaar etal ilo juon iien bwebwenato innām bar juon, innām bar juon. Ijoke, iaar jeļā bwe Kūrijm̧ōj eaar epaaktok, im Nancy enaaj ro̧o̧l n̄an kapijuknen eo an. Ta eo imaron̄ kar kōm̧m̧an n̄an dāpij wōt jekjek in im kōļapļo̧k ta eo ejkab tōn kar ijjino n̄an kōļapļo̧k ikōtaam̧ro?

Iaar itok kōn juon ļōmņak. Kōn jipan̄ eo an sister eo an Nancy im ļaddik eo jeraņ, iaar aikuj in leļo̧k n̄an Nancy juon menin leļo̧k enojak ilo kajjojo raan ko 12 m̧oktak jān Kūrijm̧ōj.

Ļōmņak eo aō eaar jerbal. Nancy eaar bōk menin letok ko, ak ejjeļo̧k an jeļā n̄an jidik ia ro raar itok jān e. Eaar alikar ke aolepān baam̧le eo an raar kajjieon̄ in etale. Sister eo an Nancy im ļaddik eo jeran raar kallim̧ur ke reban kwaļo̧k raar bōk koņaer. Eaar lukkuun in ittiņo̧ an koba in jilu—juon wōt kōn un ko rem̧m̧an.

Ijoke, juon bon̄ baam̧le eo raar jeļā jidik. Peel in kōjem eo eaar jan̄, raar ettōrļo̧k n̄an kōjem eo, im raar lo an wa eo ettōrļo̧k. Raar bōk license plate nōm̧ba eo, im raan eo juon raar kūrļo̧k driver license bureau eo im lale waan wōn wa eo. Raar lo ke waan juon uwaan baam̧le eo an ļaddik eo jeraņ sister eo aer. Kuuj eo eaar diwōj jān bāāk eo. Sister eo an Nancy im ļaddik eo jeran raar itok im kwaļo̧k ke raar bōk koņaer ilo kōttōbalbal eo aō. Ilo ittino, iaar m̧ōņōņō bwe raar jelā ke n̄a eo, kōnke Nancy im n̄a kar maron̄ joļo̧k iien ippān doon ilo raan in Kūrijm̧ōj eo, im jān iien eo eaar wōnm̧aanļo̧k jem̧jerā eo am̧.

Im āinwōt aō kar kōjatdikdik, Nancy eaar kōņaan juon m̧ool in nin̄nin̄ leddik emour n̄an Kūrijm̧ōj. Eaar iakwe leddik eo neju āinwōt n̄e eaar nejin make. Im jeraam̧m̧an, iaar m̧ōttan wōt jekjek eo. Kom̧ro eaar m̧are ilo jōm̧ar eo tok juon. Eaar juon iaan menin letok ko ijjan̄in kar būki.

Iaar en̄jake karōk in m̧ōņōņō eo eļap an Jemed Ilan̄. Ewōr juon aō baam̧le indeeo, im kōm kar liāp ippān doon n̄an indeeo. Menin letok eo an m̧are indeeo im baam̧le ej juon menin letok me aolep ro retiljek renaaj bōke, emaron̄ ilo mour in ak ilo eo tok juon. Ta menin letok eo eļaptata emaron̄ pād ijōņ?

Ilo aō kejōkļo̧kjeņ likļo̧k ilo raan in ajimakeke ko im būruom̧ōj ko aō, iaar kile bwe Jisōs Kraist ilo kar juon iien en̄jake jojoļāār im make iaan barāinwōt. E, ilōn̄in jabdewōt men, eaar jeļā aō metak. Em̧ool ilo tōreein aō ajimakeke eļap, iaar jab en̄jake jojoļāār jān E. Eaar jab aō wōt Rilo̧mo̧o̧r; Eaar jeiū ļaddik im juon m̧ōtta em̧m̧an.

Baam̧le eo am eaar jino eddōkļo̧k, im jet iiō tokālik iaar bar ioon en̄taan eļap. Ke Kūrijm̧ōj eaar epaaktok, Nancy im n̄a kar kalimjōk doon im kile eaar jab bwe jāān ippam̧ro n̄an wiaiki menin leļo̧k ko an Kūrijm̧ōj n̄an ajri ro nejim reddik ilo iiō jab eo.

Ejkab m̧ōj aō kar kadiwōjļo̧k jān kaļōj, im kōm̧ eaar kajjieon̄ in jutakļo̧k kōn neem̧. Men̄e eaar em̧m̧an jerbal eo aō, ak tokālik eaar jino ļap wōnāān jokwe jān jon̄an bajet eo am. Men eo de eo em̧m̧an n̄an kōm eaar bwe kōm kar rikōļļā juon m̧ōttan jon̄oul. Men̄e ejjeļo̧k juon eaar jeļā am aikuj, Jemedwōj Ilan̄ im Rilo̧mo̧o̧r eo raar jelā, im Raar jino jilkintok jidik kabwilōn̄lōn̄ ko ilo Kūrijm̧ōj.

Juon raan peel in kōjem eo eaar jan̄. Eaar juon ro riturum eaar jibwe juon bo̧o̧k in kein ikkure. Eaar ba, “kōm kar karreoiki m̧weeo im̧ōm̧, im kōm ar loi kein ikkure kein me ajri ro nejum̧ rejjab bar kōņaan. Kōm kar ļōmņak eļan̄n̄e ajri ro nejim remaron̄ bōlen kōņaan.” Renaaj ke kar?

Raan eo juon peeļ in kōjem eo eaar bar jan̄. Tōre in eaar jet membōr jān ward eo. Raar jutak ijo kōn juon waan leddik baijikōļ jidikdik. Raar ba, “Kōmij jab bar aikuji baijikōļ im kōm kar baj ļōmņak kōn baam̧le eo ami. Kwoj ļōmņak leddik eo nejūm̧ emaron̄ kōjerbale menin? Kōm kar jim̧or kar lukkuun m̧ōņōņō!

Jet wiik m̧oktaļo̧k ļaddik eo nejim eaar deļo̧n̄e juon jiāe kōļar ilo juon im̧ōn wia. Kōm kar bōk juon talboon kūr juon kōn ennaan eo ekam̧ōņōņō ke eaar wini jiāe eo. Eaar wini juon pija eo ebun̄bun̄ ippān ajri ro. Kōm kar bwilōn̄!

Aolep menin kabwilōn̄lōn̄ kein reddik—eaar wōr jet menin leļo̧k ilo Kūrijm̧ōj n̄an ajri ro nejim ālkin men otemjej. Kōm kar kōllāik juon m̧ōttan jon̄oul eo am, im Jemedwōj Ilan̄ im Rilo̧mo̧o̧r eo raar kōppeļļo̧k wūntō ko ilan̄ im lutōkleplep kōjeram̧m̧an ko Aer—laļtak ilo chimney eo.

Iaar keememej bwe Kraist ajri eo eaar ļotak ilo jekjek ko rettā, aaet ro jet raar lo E im kar leļo̧k menin leļo̧k ko rem̧m̧an. Āinwōt juon baba ioon laļ in, iaar lukkuun kōņaan leļo̧k n̄an ajri ro neju aolep men imaron̄e.

Jemedwōj Ilan̄ ej en̄jake ejja wāween in wōt. Aaet An iakwe eweppān, An kōņaan letok n̄an kōj aolep men ewōr Ippān. Ej juon menin letok eo epen keidi.

Ro jeiū im jatū, kōj kajjojo ilo juon iien ak eo juon jaar ak jenaaj en̄jake ajimakeke, nan̄inmej, būrom̧ōj, jeram̧ōļ, ak ettoļo̧k jān kapijuknen. Kam̧m̧oolol, ewōr ippād juon Jemed Indeeo im juon Rilo̧mo̧o̧r ro rejeļā kajjieed. Ilo ad jibadōkļo̧k Er, Renaaj bōk ilo peiid im jipan̄ kōj ilo aolep apan̄.

Im ro jeiū im jatū, ilo juon iien ak eo juon jenaaj aolep jeļā juon eo ej ajimakeke, nan̄inmej, būrom̧ōj, jeram̧ōļ, ak ettoļo̧k jān kapijuknen. Jemed im Rilo̧mo̧o̧r eo remaron̄ tōl kōj n̄an jipan̄ ro jet, im enaaj ad iien em̧m̧an n̄an āindein.

Āinwōt juon ajri, iaar ļōmņak Kūrijm̧ōj ej kōm̧m̧an juon raan ilo juon iiō. Āinwōt juon rūtto, kiiō ij kile Kūrijm̧ōj ej kajjojo raan. Kōn jouj im iakwe eo an Jemed Ilan̄ im Rio̧mo̧o̧r jitōnbōro, Jisōs Kraist, jej ro rej bōk menin letok ko an lan̄ rej wōnm̧aanļo̧k wōt ilo jiōbtok—aolep raan. Menin Letok ko an Lan̄ rellōn̄ n̄an bwini.

Aō kam̧m̧oolol n̄an Jemed im Nejin ej lukkuun ļap im lukkuun make wōt bwe, āinwōt Ammōn eo etto, “Ijjab maron̄ ba m̧ōttan eo edik [me] ij en̄jake” (Alma 26:16).

Aaet, ej raan in ļotak eo an Jisōs Kraist me jej kemeeme kajjojo iien Kūrijm̧ōj, ak kōn em̧m̧an eo an Jemen im Nejin, jej būki wōt aolep menin leļo̧k ko. Kōn menin ij kam̧ool ilo etan Jisōs Kraist, amen.