Qasenivuli Veivakavulici ena iVakarau ni iVakabula

Chad Strang: Me vaka niu dua na tama, au kila ni dua na itavi bibi meu vakavulica ira noqu itabagone me ra kila na dina ni vakavuvuli e kune ena ivolanikalou koya semati ira kina nodra bula kei nodra ituvaki yadua. E dua na lesoni bibi au mai vulica tiko—meu yadrava na Yalotabu ka meu sema vei ira mera yadrava na gagadre, ka bibi duadua, na vukei ni nodra taleitaka na ivolanikalou ka kila matata na ivakavuvuli e sema vakadodonu kina nodra dui bula.

Roberta Luz Pavanelo [Subtitles]: Au qasenivuli ni semineri mai Brazil. Noqu a tekivu qasenivuli ni semineri, au a vinakata meu dua na qasenivuli vinaka, kau vinakata saraga mera vulica na veikakece au vakavulica tiko. Au vakasamataka sara e vica na gaunisala ni veivakavulici: vakavosa, eso na vidio, kei na qito. Qai dua na gauna a masu e dua na gonevuli, ka kerea me vakila na Yalotabu ena loma ni kalasi. Au kila ni dau yaco vakawasoma. Eda rogoca ena veigauna, ia na gauna oqo na masu oya e veisautaka na yaloqu, au qai nanuma, “O koya saraga oqo na veika era gadreva na gonevuli. Era tiko eke mera vakila na Yalotabu.”

Tyler Harris: Au qasenivuli ni Lalai. E kalevu sara na noqu kalasi. Eso na gonevuli era gadreva na veivuke vakatabakidua,e vakavulici keimami vakavinaka na peresitedi ni Lalai, e vakavulici keimami ni sega ni tautauvata na sala nodra vuli na gone ka so e gadrevi mera vuli tara se cakava na ka. Eso na tamata era gadreva dina na vulici ni veika era raica tiko. Keitou dau saga na turaga lewe tolu me masulaki ka vakasamataki na gaunisala ni nodra tuberi na gone mai na ituvaki era tiko kina oqo na kaba e deladra tale eso na gone, se na kaba e katubaleka, kina dua na ituvaki mera vulica vakaidina na iVakabula kei na veika ena vukei ira mera vakaitavi ka veivuke ena loma ni kalasi. Ka vuqa sara na veigauna vinaka kei ira na gone mera vakaitavi vinaka ena veilesoni.

Kaion Constantino [Subtitles]: Au mai Brazil, kau qasenivuli ni inisitute. Dua na siga keimami kalasi tiko ena inisitute ena gauna ni matedewa, a vakayacori na kalasi ena monalivaliva. Au sureti ira taucoko na lewenikalasi, a qai dua ga a basika mai. Ka vuqa sara na nona taro na gonevuli oqo baleta ni lewenilotu vou. Ena siga oya, ena noqu vakarogoca na veivakayarayarataki ni Yalotabu, a vakatara meu sauma kina e vuqa na nona vakatataro. Au marau vakalevu baleta ni sa vakavakarau tiko nikua me laki kaulotu.

Sina Khoza: Au a kerei waletikoga oqo meu vosa me baleta e dua na gauna butobuto ni noqu bula, a dua na gauna au sotava kina na rarawa. Na noqu raica na itavi oqo e taura na vakanamata ki na nona ivakaraitaki na iVakabula. Au raica lesu e vuqa na gauna vutugu e lakocuruma na iVakabula kei na sala e walia kina o Koya. Au liaca ni, noqu vakanamata ki Vua kei na sala e walia kina na Nona ituvaki, na veika kece au lakocuruma e vakavinakataka na noqu bula. Au qai kila kina ni tiki ni nona loloma na Tamada vakalomalagi, koya e lomani keda kece vakavinaka, se mani cava na ituvaki ni veika eda lakocuruma.

Lori Newbold: Ena noqu veitavulici, au tini meu kerea na kena wasei vakalevu na ivakaraitaki yadua. Au raica na veisemati ni keimami veivosakitaka na ivakavuvuli, au na kerei ira na goneyalewa mera vakasaqara na kedra isema. E dua na ivakaraitaki e dua na goneyalewa au a taroga, me kena ivakaraitaki, “O raica vakacava na iVakabula ena sakaramede?” Keimami se qai veivosakitaka ga na sakaramede, ka qai—boko na cina e kaya cake mai—ni da raica yani na teveli ni sakaramede, eda sa raica tiko na Yagona! E vaka e dua na gauna me vakila kina, dina ga ni seqai yabaki 17, e se sega vakadua ni sema na iVakabula ekea. Baleta na veika oya, vei au madaga, na vakavakarau ena sala oya, au qai tekivu meu raici Koya vakalevu, ka taladrodro mai e yaloqu.

Pandu Prasetyo: Noqu a se kaulotu voli, au vulica meu dau tuvakarau ka rogoca na veidusimaki ni Yalotabu. Niu sasaga meu vakarogoca na domo ni Yalotabu, e vukea meu kilai ira era vakadikeva tiko na lotu ka vukea na noqu veivakavulici ena Yalotabu.

Tania M Diaz De Recio [Subtitles]:

Me vaka e dua na marama dauveiqaravi, niu masulaki ira yadua na marama au lesi kina meu veiqaravi, au vakila ni vakalevutaki na noqu lomani ira. Kau vakila talega na loloma e tiko vua na iVakabula.

Alex Munoz [Subtitles]: Eda na saga tiko ga me da vakanamata vei Jisu Karisito, kau raica talega ni da maqusataka na kena vakatabakiduataki na kalasi ki vei Jisu Karisito, Nona ivakatakilakila, — kei na iyaloyalo eda raica ena ivolanikalou koya e matataki Koya, e vakavuna mera rai na gonevuli kivei Jisu Karisito ena ivolatabu kei na kena vakaqaqacotaka na nodra bula.

Nuria Munoz: E rua na luvei keirau goneyalewa erau vakaitavi vakalevu ena neitou vulica vata na Lako Mai, Mo Muri Au, ia na ikatolu ni luvei keirau yalewa edau madua ka sega ni veiwasei vakalevu. Au raica toka ena loma ni macawa ni a droinitaka na veika keitou veiwaseitaka, kau nanuma ni dua na ivakarau totoka me vukei koya me vakila ni sa cau tiko. Au sureti koya sara me wasea vatakei keitou na nona droini, ena veimacawa e dau tiko na droini vou ni veika kece e veiwaseitaki. Sa tekivu sara me wasea na nona ivakadinadina vatakei ira na droini ka dau vola talega. Ka dua na gaunisala totoka me vukea na nona vakila tiko ni yaga ka cau tiko ena veika e veiwaseitaki ka vukei keitou kece ena vakatorocaketaki ni vakadinadina.

Paola Segastume de Orellana [Subtitles]: E vakavulici keda na iVakabula me da lomani ira kece sara na noda gonevuli. Au taleitaka kina meu maleleta na nodra dui taledi, kei na itaviqaravi ena taudaku ni Lotu. Au taleitaka talega meu maleleta na nodra siga ni sucu, meu vulica vinaka kina na yacadra, meu tauva na vosa matau vua e dua na tamata uasivi. Ni da gone uasivi ni Tamada Vakalomalagi, au nanumi ira. Kevaka e dua vei ira e sega ni tiko ena kalasi, au na laki vaqarai ira, kau dau nanumi ira vakayadua.

Woodly LaFord: Me vaka e dua na bisopi, au cakacaka vakalevu kei ira na itabagone, kau vakabauta na sala vinaka duadua mera vukei kina oya na nodra vakatabakidua vei Jisu Karisito. Au vakayacora oqo ena noqu vakayagataka na porokaramu ni veivakatorocaketaki yadua e moici me baleti ira kece na itabagone. E dua na cauravou e sega ni lako tiko ena semineri, kau nanuma ni kevaka au vukei koya me kila na bibi me vakataka na iVakabula ena vukei koya. Keitou vakarautaka e dua na itaviqaravi ni veivakatorocaketaki ni bula yadua. Ni oti na itaviqaravi oya, sa laki tiko ena semineri ena veigauna. Au sa kila kina kevaka eda vinakata me tubu vakayalo ka vakayago o ira na itabagone, eda rawa ni vukei ira me ra vakanamata me vakataki Jisu.

Edwin Ramirez Guzman [Subtitles]: Bula. Au qasenivuli ni Lalai. Au vakavulici ira na na gone. O i au mai Guatemala. Era duidui kece, ka eso vei ira edau vosalevu sara.

Au rawa ni vakila ni vinakata o Jisu Karisito mera vakatavulica yadua ena sala e vakatabakidua vei ira. Au vakasamataka e dua na gauna ni sa yavavala vakalevu e dua na gone. Dua na gone tagane lailai ka dau vosalevu, au sureti koya me vukei au ena kalasi. Au taura sara na madigi ni igu oya meu vakavulici ira kina na gone. Ena sala oya au kila ni tiko kina kei keda yadua o Jisu Karisito; e vakavulici keda o Koya ena sala vakatabakidua me da rawa ni vuli. Au vakadinadinataka nio Jisu Karisito kei na Tamada Vakalomalagi e lomani keda vakayadua. E rawa nida vakila nida wasea na Nona kosipeli.