“Pagsunod ni Jesus diha sa Thailand,” Higala, Ene. 2024, 6–7.
Pagsunod ni Jesus diha sa Thailand
Himamata si Panya
Giunsa ni Panya Pagsunod ni Jesus
Si Panya nagdapit sa iyang ig-agaw nga moadto sa simbahan uban niya. Kon siya mosimba, motabang si Panya niya nga mobati nga giabi-abi. Siya motabang niya nga mahimamat ang uban pa nga mga bata sa Primary ug makighigala.
Sa balay, si Panya motabang pinaagi sa paglimpyo sa iyang lunchbox ug sa iyang sapatos. “Malingaw ko kon ako motabang,” miingon si Panya. Nagpuyo siya uban sa iyang iyaan ug iyang lola, ug ganahan siya nga motabang nila. Iya usab nga piloon ang iyang habol matag buntag.
Ang mama ni Panya namatay dili pa lang dugay. Kon si Panya mingawon sa iyang mama, ang iyang iyaan motabang niya nga mag-ampo sa Langitnong Amahan. Bation niya nga gihigugma human mag-ampo. “Kon mag-ampo ko, bation nako nga mora og kauban nako si Jesus,” miingon siya.
Si Panya uban ang iyang lola ug iyaan.
Bahin ni Panya
Edad: 7
Gikan sa: Nonthaburi, Thailand
Pinulongan: Thai
Tumong: Mahimo nga interior designer og magdayandayan sa mga lawak diha sa mga balay ug mga gambalay
Mga Kalingawan: Magsayaw, magsakay sa iyang bisikleta, magkat-on og pyano, maglangoy, magbasa, ug taekwondo
Pamilya: Panya, iyaan, ug lola
Mga Paborito ni Panya
Istorya ni Jesus: Sa dihang Siya gibunyagan (tan-awa sa Mateo 3:13–17)
Holiday o tradisyon sa pamilya: Pasko ug mga biyahe sa pamilya
Prutas ug utanon: Berde nga ubas ug mga pipino
Kolor: Tapol [Purple]
Kanta sa Primary: “Gusto Ko nga Makita ang Templo” (Songbook sa mga Bata, 72)