Unsay Anaa sa Inyong Hunahuna?

Minahal nga Reaching,

Ayaw kabalaka: Kon kabahin sa paghimo ug pagkalimot sa mga tumong, wala ka mag-inusara. Mao kini ang usa ka butang nga kasagaran nanglimbasog ang daghang mga tawo. Kitang tanan maayo mohimo og mga tumong. Sa pagkatinuod ang pagkab-ot niadto nga mga tumong—mao kana ang lisod nga bahin. Ania ang pipila ka ideya nga makatabang!

Inubanan sa gugma,

Higala

1. Pagdamgo og dako pero pagsugod og gamay. Nindot kaayo nga hagiton ang imong kaugalingon. Apan hinumdomi nga ang gagmay nga mga tumong mahinungdanon usab. “Pinaagi sa gagmay ug yano nga mga butang ang mga dagko nga butang ipahinabo” (Alma 37:6).

2. Himoa kining detalyado. “Motabang ako sa panimalay.” Kini usa ka OK nga tumong, apan dili kaayo klaro. “Motabang ko sa balay pinaagi sa paghipos sa akong mga butang matag adlaw.” Usa kini ka maayo nga tumong. Klaro kini. Usa kini ka plano.

3. Ipakigbahin ang imong tumong. Isulti ang mahitungod sa imong tumong uban ang usa ka ginikanan, magtutudlo, o higala. Hangyoa sila nga suportahan ka. Usahay ang pagka-adunay usa ka tawo nga mangumusta nimo ug modasig nimo mao lang ang imong gikinahanglan.

4. Paghimo og mga pahinumdom. Kon gusto nimo mahinumdoman ang imong mga tumong, isulat kini. Pagbutang og kopya sa imong mga tumong sa dapit nga makita nimo kini matag adlaw. Pagmabulukon ug pagmamugnaon!

5. Pagbaton og hugot nga pagtuo. “Kinahanglan nga magbaton kita og hugot nga pagtuo sa Dios,” miingon si Presidente M. Russell Ballard. “Kinahanglan nga magbaton kita og hugot nga pagtuo ni Ginoong Jesukristo. Ug oh, pagkadako sa atong panginahanglan nga makabaton og hugot nga pagtuo sa atong kaugalingon.”^* Makahimo ikaw niini! Ang Dios motabang.

Imahe

Alt text

Paghulagway pinaagi ni Shawna J. C. Tenney