Au sa Dua na Tisaipeli i Jisu Karisito.,” Me iSakisaki ni iTabagone, Janu. 2024.
iToko ni iTabagone2024
Au sa Dua na Tisaipeli i Jisu Karisito
E rawa nio muria na iVakabula ka vakatetea na Nona vosa vei ira na tani.
O sa bau vakasamataka mada na vuna, ni oti na nodra vakabulai na tamata, a tukuna o Jisu vei ira eso me ra kakua ni tukuna vua e dua (raica na Marika 7:36)? E dua na vuna sa ikoya na mataqali tamata e gadreva o Koya me ra muri Koya. O na nanuma beka ni kevaka era veitalanoataka na tamata na nodra vakabulai oya e sa na dua na sala vinaka me na dreti ira mai kina na tamata o Jisu. Ia, a sega walega ni gadrevi ira na daumuri o Jisu. A gadreva na tisaipelio Koya.
A kaya o Jisu vei Pita kei Adriu, “Muri au” (Maciu 4:19). E na iVakadewa nei Josefa Simici,“Sai au era sa vola kina na parofita; muri au” (iVakadewa nei Josefa Simici, Maciu 4:18 [ena Maciu 4:19, ivakamacala e botona a]). Na veisureti o ya e sega ni kena ibalebale me ra tiko kei Koya vakalailai ga. E vinakata o Koya mera Nona tisaipeli tawamudu.
E sega walega ni vinakati ira mera raici Koya ni vakavulici ira na tamata, lomani ira na tamata, ka vakayacora na cakamana. E vinakata o Koya mera vakayacora vakakina. E vinakata o Koya me yaco na Nona cakacaka me nodra cakacaka. Na digitaki Karisito e kena ibalebale nira na vulica me ra veiqaravi me vakataki Koya ka vakasama me vaka na Nona vakasama. Era na vakatovotovotaka na bula me vaka a bulataka o Koya, ka na vakavulici ira o Koya ka solia vei ira na veivuke era gadreva me ra vakataki Koya vakalevu cake.
Na vosa va-Kiriki baleti ira na tisaipeli sa ikoya na mathetes. E kena ibalebale ni sega wale ga ni dauvakamumuri se gonevuli. E dau vakadewataki vakawasoma me vuli-tara. Ena gauna i Karisito, era dau digitaka na tisaipeli na turaga era na vinakata me ra vuli mai kina ka na vakanamata kina vakasama ni dua na siga era na yaco me ra na turaga vakai ira. A sega ni muria o Karisito na ivakarau e a dau vakayacori tu. A vukica vakanadaku ka vakasaqarai ira na Nona tisaipeli. Nikua, sa kacivi keda o Karisito me da lako yani Vua. E kacivi keda o Koya me da Nona tisaipeli ka cauraka na Nona vosa vei ira na Nona tamata me rawa ni ra rawata kina na bula tawamudu (raica na 3 Nifai 5:13).
E dua na goneyalewa mai Haiti ena Caribbean e a vakaraitaka na nona gagadre me tisaipeli i Karisito ena nona sureti nona itokani ka sega ni lewe ni Lotu me lako vata kei koya ki na dua na koniferedi ni MST. Taumada a sega ni vinakata o tamai nona itokani me solia na veivakadonui vei luvena yalewa me lako. Era a qai vakamacalataka na iliuliu ni Lotu me baleta na veika vinaka ena sotavi kei ira na daunivakasala totoka era na qarauni koya tiko. A mani solia na nona veivakadonui o tama me lako o luvena yalewa, ni sa raica na duidui a yaco ena nona bula, a solia talega vua na veivakadonui me lako ki lotu ka—ono na vula i muri—me papitaiso.
E dua na cauravou mai Argentina e Sauca Amerika a vakaraitaka na nona gagadre me tisaipeli i Karisito ena nona wasea eso na mena loli ki vua na nona itokani ni rau vodo basi ki koronivuli. Ni sa yacova mai e dua na tiki kamica ni kofi, a vakaraitaka ni se bera vakadua ni taleitaka na igunugunu ni kofi baleta ni sega ni dua ena nona matavuvale e gunu kofi. A tekivu sara kina e dua na veitalanoame me baleta na Lotu, ka vakavuna na veisureti ni gole kina soqoni, ka qai yaco sara me sa lai leweni ni Lotu o nona itokani ka kaulotu sara ki Chile.
E sega nio ira taucoko o tukuna kina me baleta na Lotu se mo sureta ira ki na dua na itaviqaravi ni Lotu era na via lewena. Sa daumaka oya. E sega nio ira taucoko a veitalanoa kaya o Karisito ena gauna ni Nona cakacaka vakalotu e vuravura era a sema mai. Ia, nida sa digitaka me da tisaipeli i Jisu Karisito ka cavuta na Nona vosa, ena solia vei keda o Koya na yaloqaqa kei na veivuke vakalou. Eda na vulica na sala me da vakataki Koya vakalevu cake, oqori na ka era dau vakayacora na tisaipeli.