“Bula Vakatisaipeli: Na Cava kei na Kena Caka Vakacava,” Me iSakisaki ni iTabagone, Janu. 2024.

Bula Vakatisaipeli: Na Cava kei na Kena Caka Vakacava

Mai vei David A. Edwards

Mekasini ni Lotu

Mo kila se o cei dina o iko kei na itutu o rawa ni yacova, mo ciqoma ruarua na cava kei na kena caka vakacava na ivakarau ni tisaipeli i Jisu Karisito.

O cei o au?

Oqo e dua na taro e levu vei ira na itabagone era vakasaqara tiko na kena isau. Ni ko tubu ka vuli ka torocake ena sala duidui eso, o na lomatarotarotaka se na cava o kilai kina, na cava e solia vei iko na ka o kilai kina. A solia o Peresitedi Russell M. Nelson eso na veidusimaki yaga sara ena taro oqo:

“O cei o iko? Taumada ka bibi duadua, o iko o sa dua na luve ni Kalou, e dua na luve ni veiyalayalati, ka tisaipeli i Jisu Karisito. Nio ciqoma na dina oqo, ena vukei iko na Tamada Vakalomalagi mo rawata na nomu takete cecere ni bula tawamudu ena Nona iserau tabu” (“(Digidigi ni Veigauna Tawamudu” [lotu ni vuravura raraba ni itabagone qase cake, 15 ni Me, 2022], broadcasts.ChurchofjesusChrist.org).

E vakatavulica o Peresitedi Nelson ni sega tale ni dua na ivakatakilakila e dodonu me bibi cake vei iko mai na tolu na itutu kilai oqo: (1) luve ni Kalou, (2) gone ni veiyalayalati, ka (3) tisaipeli i Jisu Karisito.

Na iVakatakilakila ni Dua na Tisaipeli

Meda veitalanoataka mada vakalailai na kena ikatolu, tisaipeli i Jisu Karisito. O na ciqoma dina vakacava na ivakatakilakila oqo ka yaco mo tisaipeli?

Muria na iVakabula ka Nona tisaipeli, sa dodonu mo vakanamata kina veika e rua oya na cava ka mo cakava vakacava mo rawata kina.

Me ivakaraitaki, e vinakata na iVakabula me da soli-ka vei ira na tani ka qaravi ira, ia e sureti keda o Koya me da vakayacora ena yalorawarawa kei na yalomarau ka sega ena voraki. Nida vinakata me da soli-ka ka veiqaravi, eda na ciqoma na isau cecere duadua ni tisaipeli dina. (Raica na 2 Korinica 9:7; Moronai 7:8.)

Ia, me da raica mada na cava era dau cakava na tisaipeli ka ra kitaka vakacava.

Na cava e Kitaka e Dua na Tisaipeli

Oqo e vica walega na ka e rawa ni vakayacora e dua na tisaipeli i Karisito mai na vuqa sara na ka e rawa ni cakava me muria kina na iVakabula.

Cakacakataka na vakabauta ena sala era cakacakataka kina na tisaipeli na vakabauta.
Veiqaravi ena sala era veiqaravi kina na tisaipeli.
Masu ena sala era masu kina na tisaipeli.
Vuli ena sala era vuli kina na tisaipeli.
Veivutuni ena sala era veivutuni kina na tisaipeli.
Vakasama ena sala era vakasama kina na tisaipeli.
Lomana na Kalou ena sala era lomana kina na Kalou na tisaipeli.
Lomani ira na tani ena sala era lomani ira kina na tani na tisaipeli.
Veivakavulici ena sala era vakavulici kina na tisaipeli.
Vosota ena sala era vosota kina na tisaipeli.

Na ka e Vakayacora e dua na Tisaipeli

Oqo eso na ivakamacala ni sala e rawa ni vakayacora kina na veika oqo e dua na tisaipeli. E vuqa na ivakamacala oqo e rawa ni vakayagataki ena vica na ka oqo. Eso vei ira ena rawa ni vakaibalebale vei ira taucoko.

Ena yalo kei na vakasama e yavutaki vei Jisu Karisito
Yalorawarawa
Yalomalumalumu
Yalololoma
Gugumatua
Veigauna
Vakataucoko
Cuqena
Lomadina
Sega na lewa cala se veivakaduiduitaki
Vosota vakadede
Doudou
Yaloqaqa
Vakanamata kina nodra gagadre na tani
Vakanamata kina ivolanikalou
Sega ni Veivukiyaki
iValavala Savasava
Sinai ena vakanuinui
Ena gagadre meda vakataka na Tamada Vakalomalagi kei Jisu Karisito
Sega ni veivagolei tani

Ena yaga vei iko mo vakasamataka ruarua na cava o sa vakayacora tiko mo muria kina na iVakabula sa vakacava na nomu cakava. Kevaka o vakila ni dodonu mo vakayacora eso na veisau bibi ena dua na iwasewase, e totoka sara oqori. E rawa ni vakauqeti iko na Yalo mo tisaipeli vinaka cake sara.

E Dua na iVakatakilakila me Ciqomi ka Vakamareqeti

Me vaka e tukuna o Peresitedi Nelson, na nomu tisaipeli i Jisu Karisito e sa tiki bibi ni nomu kilai. Ni o ciqoma ka vakamareqeta na ivakatakilakila oqo, ena vukei iko na Tamamu Vakalomalagi mo yacova na itutu e kila o Koya nio na rawa ni yacova—na tamata o gadreva tu, mai na yalomu taucoko, mona vakakina.