M̧ae Iien Jej Bar Koba

Ro jeiū im jatū, ej juon kweilo̧k eo eaiboojoj jaar kōm̧m̧ane. Ijeļā kom̧ naaj errā ippa bwe ennaan ko raar im̧we. Būruwōd eaar un̄ur, im naan in kam̧ool ko ad kōn jerbal in ekwojarjar emōj aer kajoorļo̧k ilo ad kar en̄jake Jetōb eo an Irooj. I kōjatdikdik bwe jenaaj kememej ta eo jaar ron̄ ilo raan ko ruo remootļo̧k. Ij libūjōrjōr kom̧ n̄an ekkatak kōn ennaan ko eļapļo̧k n̄e rej print ilo Ensignim Liahona mākjiin ko.

Kōmij kwaļo̧k am kam̧oolol n̄an kajjojo ro raar kōnono n̄an kōj, barāinwōt n̄an ro raar kōm̧m̧ani jar ko. Ilo kakobaba, al ko raar kōbōkkakak im im̧we. Jej iakwe Tabernacle Choir eo em̧m̧an im kam̧oolol aolep ro jet me raar letok al ko barāinwōt.

Jej koba ippān doon ilo kwaļo̧k ad kam̧oolol n̄an būreejtōnji ko im board eo an Doulul eo Eļap an Jiron̄ Ro me kar kōtļo̧k er inne. Jerbal in jipan̄ eo aer eaar tōr jān jon̄an im kijejeto eo aer eļap.

Jaar rejetak, kōn kotak peid, būratōr im sister ro me raar kūr n̄an jerbal ko rekāāl ilo kweilo̧k in eļap. Jekōņaan ba n̄an er bwe ren jeļā bwe jej reim̧aanļo̧k n̄an jerbal ippāer ilo jerbal in an M̧aajta eo.

Jej juon Kabun̄ epād laļ in, ro jeiū im jatū. Oran eo ad ej lo aolepān laļ in. Ij kakkōļ kom̧ n̄an erom armej in jikin ro rem̧m̧an an laļ ko me kom̧ij jokwe ie im ro rūturier ilo jukjuk in pād ko ami, pukōt ļo̧k ro me jān tōmak ko jet barāinwōt ro ad make. Kōm̧m̧an bwe jān kijenmej kōņ, barāinwōt jouj im iakwe n̄an, ro me rejjab ļoor tōmak ko ad im jon̄an ko ad. Rilo̧mo̧o̧r eo eaar bōktok n̄an laļ in juon ennaan in iakwe im em̧m̧an n̄an aolep em̧m̧aan im kōrā. Kōm̧m̧an bwe jān indeeo ļoor waanjon̄ak ko An.

Ij jar bwe jān maron̄ ekkōl kōn aikuj ko an ro ipeļaakiid. Ewōr jet, eļaptata ilubwilijin jodikdik ro, me ekabūrom̧ōjm̧ōj aer kobaļo̧k ilo uno ko rekkajoor, mour ettoon, pija nana, im ko jet. Ewōr ro me rajimakeke, ekoba ro emej ļōm̧aro pāleer, im lim̧aro pāleer, me rej ikdelel kōn m̧ōttā im n̄urbōktak kōn ro jet. Kōm̧m̧an bwe jān indeeo pojak n̄an leļo̧k n̄an er juon pein jipan̄ im bōro iakwe.

Jej mour ilo juon tōre ilo bwebwenato an laļ in me elōn̄ apan̄ ko reppen bōtaab barāinwōt iien ko reļļap im un ko n̄an lan̄lōn̄. Ewōr, aaet, iien ko n̄e jej en̄jake inepata ko, rup bōro ko, im em̧ool jorrāān ko ilo mour ko ad. Mekarta, eļan̄n̄e jenaaj likūt ad lōke ilo Irooj, Enaaj jipan̄ kōj ilo apan̄ ko ad, jekdo̧o̧ņ ta remaron̄ in. Rijeje same o eaar letok lōke in: “Bōlen jan̄ enaaj pād wōt ilo bon̄, a lan̄lōn̄ enaaj itok n̄e e jibbon̄.” ¹

Ro jeiū im jatū, ikōņaan bwe kom̧j jeļā ewi jon̄an aō kam̧oolol kōn ko̧jpeļ eo an Jisōs Kraist, kar kōjepļaaktok ilo raan kein āliktata kōn Rikanaan Joseph Smith. Ej aorōk eo n̄an m̧ōņōņō eo ad. Kōm̧m̧an bwe jān ettā im jar, ewōr tōmak bwe Jemedwōj Ilan̄ emaron̄ tōl im kōjeram̧m̧an mour ko ad.

Ij kwaļo̧k kam̧ool eo aō im naan in kam̧ool n̄an kom̧ bwe Anij emour, bwe Ej ron̄jake jar ko an bōro ko rettā. Nejin, ad Rilo̧mo̧o̧r im Ripinmuur, ej ekōnono n̄an kōj kajjojo: “Lo, Ij jutak im̧aan kōjām im kaļļaļļaļ, Eļan̄n̄e jabdewōt armej enaaj ron̄ ainikiō imn kapeļļok kōjām eo, Inaaj deļo̧n̄ļo̧k n̄an e.”² Kōm̧m̧an bwe jān tōmak naan kein im bōk n̄an kōjeram̧m̧an in.

Ilo an kweilo̧k in kiiō kilōk, ij likūt kōjeram̧m̧an ko an lan̄ ioomi kajjojo. Kōm̧m̧an bwe kapijuknen ko ami ren obrak kōn aenōm̧m̧an, jokkuun wōt juon, meanwōd, im iakwe. Kōm̧m̧an bwe ren obrak kōn Jetōb eo an Irooj. Kōm̧m̧an bwe kom̧ij kōketak im najdik naan in kam̧ool ko ami kōn ko̧jpeļ eo, bwe renaaj erom kattōrak n̄an kom̧ ņae kapo ko an Satan.

M̧ae iien jej bar koba ilo jiljino allōn̄, Ij jar bwe Irooj enaaj kōjeram̧m̧an im kōjparok kom̧, ro jeiū im jatū. Kōm̧m̧an bwe aenōm̧m̧an eo An kar kallim̧ur kake en pād ippāmi kiiō im iien otemjej. Kom̧ em̧ool kōn jar ko ami ilo eta im ilo etan aolep Ritōl Riutiej. Eļap am̧ kam̧oolol kōn kom̧. ilo etan ad Rilo̧mo̧o̧r im Ripinmuur, eo jej jerbal n̄an e, amen.