Sodízin Bíghan Bá Áánaniná

Hodíína’dą́ą́’ asdzání ła’, éí Molly bee yideeshííł, náalnishdę́ę́’ nadzáo bighan hóyah haz’ą́ądi tó naaki yisht’ish bííghahgo aneel’ą́.  Ts’ída ákogo eíí bitsíiji hooghanii, tó ałts’ą́ą́dę́ę́’ ałhidiilį́, akó lą’í da’ázgisgo dóó ta’ádadeesgizgo eíí biniinaa tó t’ą́ą́’ bił yah anáana’.

Bik’is ła’ yich’į’ hóolne’ii baa niyá dóó biká eelwód, t’áa’áłah tó hayiikááh dóó ye’ájoł. Ts’ída ákohgo dáádilkáł diists’ą́ą́’. Bik’is yee hádoolháázh, “hooghangi na’nítin át’į́ nóo!”

Molly yaa ch’ídeeldlo’. “Éí lá dííjį́ nídizííd,” níílá, “ndi DOO nashinítin at’į́į da nísin.”

Bikéé’ ádinó, bitáajį’éé’ ditłée’go, bítsii’ t’óó déigo be’éstł’ǫǫ, dóó jeehdíhazii ayóó naashcháa’go yii’ déesnii’go, Molly dáádilkáłjį’ haayá. Ndi bik’eedeesyiz baa ni’ázii bídoo’ yik’eedeesyiz bidáahdę́ę́’ sizį́įgo.

“Éí hooghangi nashinítiníí ÁT’ÍI lá! Náasdi índa yee shił hóone’. “Nida haghan bii’ tó nilį́nii da’diltsi’go bee íílį́ yiléehii bee naa’áshidziil gáálgi át’é! Ndi áádoo, haalá deeshnííł lá yiists’ǫsish éí doodáo t’áa’áłah daats’í bee hát’oodí baa nishnííł, kóshiłní, ‘Oh Molly, yááh. Ni náanish hólǫ́ǫ lá. Doo nidíniiltł’á da, akó háhgo dah náádiit’ash.’ Dóó íí’aazh.”

“Hái niyá?” bik’is nléí hoyáhdę́ę́’ hadoolháazh.

Bee hadeezdzíh niizį́į́’, ‘Doo éí Nephi dine’é tált’éego da,’” Molly yee ádeehaadzíí’, “ndi ádiis-tsóód dóó baa honzą́ǫ haasdzíí, ‘Éí haghangi náhonitiih ni’áázh, ndi díí áhoot’éhígíí bąą t’áh índa hane’ bee nił hwódiilní.’”¹

Shik’iské, nihí t’óó hónishghánjį’ bee’ádziil bináanish eíí biyi’ baa hóone’ “Sodízin Bighanjí áłtsé yiká i’doolwółígíí” diné t’áała’í nízį́noo dóó dahooghngóó.² Nidishchíí’ yee’ dahéeshch’-íizgo náaltsoos ályáo saad bik’iníí’nil dóó alkéé’ nináána’nil. Dimííl yázhidí bidanóoł’ą́ ałkéé’ bee ha’íísdzíí’. Ts’ída dóó Freudian travel agency haa’ída ałkéé’ niidooníł da dikwiidí shį́į́ baa yinííł adínoozíiłgo baa yááti’. Yę́ęni’ t’áhdii ch’ééh ádeiil’į́ Bóhólníihii bibee haz’ą́ kót’éego áda’ół’ǫ́ǫ “Sodízinjí bik’idadínoh’į́į́”³ bee’ádziil binahjį’ hooghangóó nda’nóhtin.

Łahdóó baa náhonitł’aaígíí éiyá Sodízin bighanjí łáhgo hanáahadzóh. Íhidiikaii k’ad nihokáá’góó 30,000go Damǫǫ yah ájijáh, 188 áł’ąą dine’é dabikéyahgóó dóó ła’ bił hadahwiisdzóh, t’áá’ íiyisíí nihik’is dóó nihiláh dabiníghangóó baa diidálę́ę ayóó nanitł’á silį́į́’ t’óó Sodízin bighan ályaadą́ą́’ hatsį́į́góó bighanígíí bił yah ájigáahgo nazhnítįįh íídą́ą́’ “ła’ tsin sitą́ǫ nida’áhíntin.”

Náá’ ałdó’, Sodízin bikin ninílgóó, ákwii bibee’ádziil dah dayóléhii áłch’íídigo aghangóó nida’nítin, bá bídahoneedzánii 18dóó nléi 20jį’ hooghan nahaz’ą́ągóó tádadikááh—éí doodáo yíwohgo—yaa ádahalyą́. Dóó nizáadi áłhéninádaakáh, ayóó’ílį́ dóó chidi bąąh nidahákááh, dóó jį́įgo dóó doo na’ánishgóó t’áá nidáalnish. Dóó ła’ díidi yíiyá ha’nínii łahgóó doo hooghan táh nidáakai da—ákogo, ayóó nanítł’aaígíí déiiltsą́.

Shik’iské, ałtso kédaayah biyi’ dóó bóhonee’ą́nii ádoolnííł, t’áá ninadízi’ biyi’ hooghangi na’nítin Sodízin bíghandóó ts’ída yá’at’ééh ní. Ndi adah hwiis’áágóó doo bóhónee’ą́ą da dóó áádi hastóí t’áadoo be’ííshłáa da danízin t’áash bóhónee’ą́ǫ ádoolnííł, Áłtsé Naat’áaniidóó Sodízin Bíghanjí bee’ádziil yá naazį́į yich’į’ áda’iilaa Yas Niłt’éés biyi’ 2001 diyinjí, bił ch’ét’ą́: “Sodízin Bíghanjí ła’ bił nahaz’ą́ǫ,” ńdayiizóh, “ákwii … hooghangi na’nítin nínadizi’ biyi’ doo bóhonee’ą́ą dago biniinaaígíí yee’ doo lą’í bee’ádziil dah dayóléłíí hólǫ́ǫ da dóó ákwii łáhgo át’áo nitséhakees. Áájí alááh yiléehgo, ánaazį́į ts’ída hait’áo doole’é choodóoł’į́į́łígíí chodáyooł’į́ yídahwiidóół’ááł binahjį’ ídahidiikáí yaa’ádahalyą́ dóó bítse’go ádayóhsin.”⁴

Shik’iské, shí Damǫǫgo yáh anáshdáahgi díigi át’áo bił haz’ą́ǫ, ashkii Aaronic bee’ádziil bee hólǫ́nii dóó shí Áłtsé Naat’áanii daanínée be’deeshłííł (k’ad yee’ náaltsoos biyi’) ákot’áo: Áłtsé, t’áá náhidizííd haashį́į́ níłtsogo baa diit’ásh, nihí diyingo saad be’iiníiłgo “íhidiikaíí bighan bitáh hadidiit’ásh,”⁵ nahat’á íílyaayę́ę bik’éhgo eíí dahooghangóó bitah háádiit’ásh doolééł nihá bóhonee’ą́ągo. Íílníiłgo, nihí ts’ída yéego bich’į’ ándahaz’i’ígíí t’áá’ aghą́ą́h baa néiit’ash doolééł—nashidi’nóotį́į́ł nínii na’nítiní ńdabinítin, ánii íhidiikaíí, ká nidaakaíí, ídahasááh, doo áłahjį’ nídaakáhii, t’áa sáhí áłchiní hooghangóó deiniseíí, dóó náás.

Nihí nahat’á yiilyáii binahjį’ hooghan bítah yiit’ásh, dikwii shį́į́ nideezídgo índa ałtso doo, nihí yee’ náána łahgo át’áo t’áa sáhí dabighan dóó ła’ dahooghan bitah yá’adahoot’éhii Bóhólníihii díishjį́ nihokáá’ bee ahił dahane’íí choodiil’į́į́ł. Ts’ída Damǫǫgo ńdaníitiníí hadiníit’į́į’ doo dóó, saad diyiníí aní, akǫ́ǫ́ “biyi’sizį́į bítah haa óot’éhíí yee ałch’į’ yádaalti’.”⁶ bóolt’ą’, nihí bich’į’ béésh bee hwiilne’, saad bich’į’ íil’į́, saad bich’į’ baa ák’e’íilchí, azhą́ náaltsoos bikáá’ ak’e’éshchį́įgo dikwii shį́į́ ał’ąą ádaat’éii bee. Bich’į’ ánidaházt’i’ígíí bił na’ánishgi, saad diyingo ályáii baa diigééł éí doodáo ntsáo áłah ázlį́į’di bee ha’óodzíí’ dah éí doodáo LDS.org. biyi’ ádaal-yaaígíí ła’. Áłtsé Naat’áaniijí yádaałti’íí, nihí nihił ákohoot’éhígíí binahjį’ choodiil’į́į́ł doo bídin hóyée’ da.

Shik’iské, díí tł’éé’ baa nánihóoshką́ąhígíí yee’ dabighangóó nidanóhtin wóołtsééh dóó ániidóó, yá’ádaat’éhii bee Bóhóníihii ba’áłchiní ákǫ́ǫ́ bá doogááł. Eíí íiłnínii t’áa’ ákǫ́ǫ́ niníniił t’áadoo baa tsį́į́łninízinóo, Moses áyiiláagi-át’áo, iizííd oo’áałdi baa tsííłnohsingo Sodízin Bíghandóó saad ła’ áyiiláii eíí ńdanóhtinígíí t’áa’ íidą́ą́’ dayííłta’. Nihí nihá baa laanáa, dániidzin, nihí eíí łahgo ánoh-t’ée doo, diyin k’ehjí íhidiikaíí baa áhwołyą́, yidin danilį́į dóó yee ádaa’ádahalyą́ bee baa nisóh-kees, ii’sizį́į́jí dóó ats’íísjí yidin nízin bínóoł’ą́ąjį’ bee aká ahi’dínóołchééł.

Ha’íí “nizhǫ́nóo” hoo-ghangi na’néestą́ą́’ wolyé, ałtso “bee” áká iinílwodíí, akó baa náholne’! ts’ída, baa náhodiilníhígíí eíí hait’áo nanítiníí bik’ijisóhdli’ dóó baa’áwółyą́ą ńt’ę́ę́’ ágháago, doo dikwíígóó yóoł-káałgo dóó haibíghangi. Ha’íí biniiyéii éiyá dine’é ayóó’iini’ní dóó beehaz’áanii be’ííniláá “áłahjį’ Sodízin Bíghan bik’idíni’į́į́’.”⁷

T’ą́ą́tsoh  30 biyi’ hóhoot’éedą́ą́’, shik’is Tory Russell chidi ninálbąs biyi’dę́ę́’ hazhóó’igo t’ą́ą́’ bił yigááł Deseret Industries doole’é yeidoo níł biniiyé. Chidi bíkee’ ákeedę́’ígíí ha’íshį́į́ yitsís yiwód. T’íshį́į́ chidi bii’ halts’idgo niizį́į́’, íí’hááyáo biye’ nahasht’éí binááhaíí bił ayóó’at’éii ákǫ́ǫ́ sitį́, Austen, yáago tsénadleehé yikáá’. Dazhdílwósh, bee’ádziil bee ák’itsóhodoozin, tíjiit’į́į́ yindáal-nishí, dóó azee’íił’į́ní danlį́į, díigi. Austen dahódiile’.

Doo ájiiłháash da éí doodáo hóózyeel, Troy ch’ééh nidajóóką́ą́h. Ayóó shik’édidlį́ níigo dóó náás doo shá biigháh da nísin. Ndi eíí ha’át’áo lá biyi’dę́ę́’ táá’ bee tsín’dikéés ałhííkai.

Áłtsé éí nihiZhe’é Diyiníí be’ ayóó’o’o’ní dóó be’ ii’sizį́į beeha’jólní, Diyin Ii’sizį́į eíí Troy hólǫ́nii yee yił hóolne’ yee chanáh silį́į́’, ayóó’abó’nóo nibinítin dóó Diyin God eíí ałtso bił bééhózin akǫ́ǫ́ aYe’ nizhǫ́nii dóó ayóó’ át’áo baa náádiilyá. Naaki éí be’ásdzáá, Deedra, éí Troy bigaan yee ałch’į’ yótą́’ dóó ayóó’áyo’ní dóó yenáyiiłníhígíí eíí bídó’ eíí biyáazhgo náádiilyá dóó doo shá hastįį ádin dooléeł da nízin ałdó’. Táá’ éí díí hane’ biyi’ John Manning, haghangi náá’nítíih ayóó aa’ áhayą́.

Doo shił bééhózin da hait’áo John dóó ashkii yił nát’ashígíí nahaz’ą́ǫ Russell yighangi nát’ash, éí doodáo ha’íí hane’ yee yił náhalní ńt’ę́ę́’, éí doodáo hait’áo hane’ néini’ą́. Shił bééhózinígíí eíí hóhoot’éedę́ę́ daango shik’is Manning yiká yaa dah diilnii’ dóó Troy Russell néiidiiłtį́ ayóó’áhoodzaa biyi’dóó t’áá ashkii yázhi Austin chidi bikáá’ ninálbįsdóó néiidiiłtį́ nahálingo. T’áá ághangi na’ńitin éí doodáo ha’ásídí éí doodáo hane’ yá’at’éehii bii’ ak’is nilį́į ádooníił gi’ádzaa, John t’áa bí bee’ádziil k’ehgo aa’áhayą́ dóó Troy Russell ha’ólní ayóhsin. Bí díí yee háádzih, “Troy, Austen íiniziníí éiyá hazhó’ó néiidiidzį́į́ł—t’áa bił jooł bee naníné—akó t’áá abínóo 5:15go tł’óó’dę́ę́’ séziidóó. Hasht’e’ ádiinilzindóó áko doo yáh adéesháałgo nánidideesh-t’éeł da—dóó shił bééhózingo Deedra doo bił yá’at’éeh dadoo.”

“Shí doo ákǫ́ǫ́ déyáa da,” Troy náasdi índa shił ch’ííni’ą́, “shí éí abínígo Austen t’áa’ áko bił dah iish’ásh dóó shí bénináshnihgo ayóó neezgéih doo. Ndi John yee niiltéé’, áko ákwǫ́ǫ niyá. Eíí áłtsé áádą́ą́’ nániit’áazhgo, yéiiti’—éí doodáo shí yéiiłti’—dóó John t’óó síists’ą́ą́’. Shí nléí sodízin bá hooghanjį’ yáashtíhgo nihił ílwod. Łáhda chidi ninalbąsgi nihił ázį́įgo yéiilyi’ léh dóó Las Vegas niil’į́įgo nihee ha’a’ááh. T’óó áłtségóó nanitł’áh, ndi náás hoolzhishgo baa ákoniizíí’ shi Sodízin bá hooghandi jooł tłéhgo yee neenáhí éí bee shitse’ nísisdli’ígíí, ts’ída doo dah naniljį́į́h daaígíí, ndi éí ayóó’asho’ní dóó t’áá shíishts’ą́ą’go she’íina’ bik’ih háa’oot’ą́.”⁸

Bibee’ádziil biyi’ shik’is, nihí hághangi na’nítin baa yéiilti’go éí doodáo baa’áhayą́ éí doodáo jizíi bee’ádziil bee joolnish éí doodáo Da’óodlání akéé’ sizį́į ídlį́—ha’íí bee yinóhshí—nihí díí baa yádeiilti’. Nihí ághangi na’nóhtingo Diyin God bá áádináah’aash Bí Sodízin Bíghanjí íhidiikáii nihídei-niikeed, nihídine’é ayóó’adeinóh’ní, dóó baa ádahółyą́ dóó bá sodadółzin, nihí ákodei’nííł. Nihí Diyin God bilį́į́’ bik’i dadínóh’íí’ dóó bítse’ ádaalééh t’áa bídanéeł’ą́ąjį’, bee sodíszin, Yá’at’éehii Na’niłkáadíí bízhi’ bínahjį’, azhą́ Bóhólníihii Jesus Christ, áamen.