Nuh sin Mwet Kawuck ac Mwet Sirape luhn Alu
Fin kom oruh ma enenuh in fwackyuck, ahkpuhsisaclye kom, riti, pruhe, ac auliyak, inkuhsrao fah ikacklah ac kom fah etuh lah Jisus pa Kraist
Ke sie ekuh in Fracte, Septempuh 16, 1988, ke acn in toeni se ke Vicente López Ward fin acn Buenos, Argentina, nga pacptaislac ekihn sie mempucr ke Alu luhn Jisus Kraist luhn Mwet Luhlahlfongi lal ke Lwen-sahflah. Sie kawuck na wowo, Alin Spannaus, pacptaisiyuclac ke lwen sac, ac nga puhla engan, puhla se ma oacna in toasr luhk itucklac likiyuc, ac silahklahk in etwacack ke ma puhkantwen.
Mihsenge, nga luhngse akacsruhi kuhtuh mwe lutlut nga lotwelah ke inkacnek in sramsram luhk—mwe luti suc nga finsrak in fah kahsruh elos suc ma lohng suc soenna mempucr luhn Alu uh. Nga pruhe tuh kuhiyacn puhla ac nuhnak fah kahsrweyuck sin Nguhn, in oacna ke insiyuck kuh nguhnihk puhlakihn.
Ma se met, Toeni nuh sin Misineri
Efuh kuh sie mwet el tiac engankihn srihkasrak, ma yohk srihpac, kuh engan in siyuck in ohsun nuh sin misineri ac lohng mwe luti lalos? Koacl, ke ma nga oasr kac sifacna ma ke luhngse—luhngse nuh sin sie tuhlihk muhtwacn, tuhlihk muhtwacn se suc inel pa Renee. Nga luhngse na pwacye el, ac nga kena pahyuckyak sel. El siena liki na atacn tuhlihk muhtwacn fuhsr puhs ma nga etuh. Tuhsruhktuh nga arulacna luhngse el ac siyuck sel in pahyuck—ac el fahk moh!
Nga fohswack. Nga nuhnkuh muh mwet uh ac liyeyuc kena in pahyuck sihk! Nga oaskuh, yac 24, ac sahflah ke college ac oasr orekma wo se la. Tuhlihk muhtwacn sac fahk ke finsrak lal—in pahyuckyak sin mwet se ma nwacsnwacs ac fal in usacl nuh ke tempuhl, in oasr sucu ma pahtpaht—ac el tiac na lwelah siyuckyuck se luhk nuh sel ah. Nga kena in muhtwacwacack ke kuhpahsr lasr, oruh nga insese in luhng sin misineri. Yac pa inge sie ohiyac wo in ohsun nuh sin misineri? Koacl, yohk na pwacye kalmeyac sihk.
Ke pacl se emet nga ohsun nuh sin misineri, nga tiacna arulacna kahlwem ke ma elos fahk, ac in fahk ma pwacye nuh sum, sahp nga tiacna lohacng nuh selos. Nga tiacna pwacrkihn in luti ke sie alu sasuc. Nga kena muhkwena in ahkkahlwemye lah misineri elos suhtuhuh ac in eis pacl yohk in kwacfe Renee el an pahyuckyak sihk pacna.
Mihsenge tuhlihk nuhtihk elos kuhlwacnsap ac kahsruh misin, ac nga etuh ke kihsac suc ma tuhlihk mukul fuhsr ac muhtwacn fuhsr oruh in luti ke wosasuc luhn Jisus Kraist. Ingena nga finsrak nga in eislah pacl yohk in lohacng nuh sin Elder Richardson, Elder Farrell, and Elder Hyland, misineri wowo suc lutiyuc ah.
Na, ke mwe luti se met luhk, nga fahk nuh sin kawuck lom ac mwet sirape ke Alu: pacl se kom ohsun nuh sin misineri, nuhnak muhnahs lohacng nuh selos in pwacye; eltahl sang yac puhs yohk in moul lalos kena srihpom.
Ahkluo, Som wi Alu
Pacl se emet ma nga wi sie toeni luhn Alu, nga lohng kain in kahs nga tiacna kahlwem kac. Suc Beehives? Mac Aaronic Pristut? Rilif Sosaiti?
Fin pa inge pacl se emet lom in wi Alu ac kom puhlah fohswack ke kuhtuh ma kom tiac kahlwem kac, nimet elyah! Nga tiac etuh pac kac. Tuh nga esam atac se, sie puhla in mihs ac engan. Nga tiacna etuh kac na, tuh Nguhn Muhtahl el mahmah nuh insrwek ac nuh ke art luhk, “Ma se inge pwacye.”
Oruh lwelah nga in ahkfototoyelah mwe luti se inge nuh ke sie sacntacns: fin kom fohswack, nimet elyah—esam puhla se kom puhlakihn; ma ingacn tuhkuh yurin God.
Ahktolu, Riti Puk luhn Mormon
Tukun kuhtuh toeni yurin misineri, nga tiacna arlac kihluckyak. Nga puhla nga tiacna eis ahkkweyeyuck se ke ma pwacye luhn wosasuc.
Sie lwen ah, Renee el siyuck sihk, “Kom riti Puk luhn Mormon?”
Nga topuk, “Moh.” Nga luhng na sin misineri—kuh tiacna fal?
Sronin muhta ke muhtahl, Renee el fahkwack luhlahlfongi nuh sihk muh el etuh Puk luhn Mormon el pwacye ac ahkuhtweyac lah fin nga kena in etuh lah pwacye, innek se fanna pa—nuhnkuh lah mac se—in riti kac! Ac na siyuck!
Riti, nuhnkuh ke insiyowos, ac “siyuck sin God, Pahpah Ma Pahtpaht, ke inen Kraist, … ke inse pwacye, kena in etuh na pwacye” (Moroni 10:4) fin Puk luhn Mormon el pwacye, fin Alu se inge pwacye.
Na, mwe luti ahk tolu, ahkuhtweyac ke soko sacntacns: ke pacl kowos eis ma inge—Puk luhn Mormon—kowos kwacfeyuck in riti ac siyuck sin God fin ma ingacn pwacye, oruh kac ingena!
Ma Sahflah, Auliyak
Ohiyac sahflah se nga luhngse akacsruhi kac ma ke auliyak. Tukun nga tari ke eisyacn mwe luti luhn misineri, nga srwack tiac etuh na pwacye lah nga enenuh in ekuhlah oacna sie ma in moul luhk. Pa Elder Cutler, sie mukul fuhsr, misineri luhlahlfongi se ma srihk etuh la ke kahs Spanish, suc fahk ke sie lwen ah, “Joaquin, kuht tuhkweni riti Alma 42, ac kuht fah sang inem nuh kac ke kuht riti.”
Nga nuhnkuh muh wacngihn srihpac, tuhsruhk nga oruh oacna Elder Cutler el siyuck ac riti ke fuhs 1: “Ac inge, wen nuhtihk, [Joaquin], nga nuhnkuh tuh oasr kuhtuh pac ma suc wakre nuhnak lom an, ma kom tiac na kahlwem kac.” Oh! Puk se inge sramsram nuh sihk.
Ac kuht riti ke fuhs 2 : “Inge liye, wen nuhtihk [Joaquin], nga fah ahkuhtweyac ma inge nuh sum,” ac Oreklac ac Ikori lal Adam ahkuhtweyucki.
Ac na in fuhs 4: “Ac ohinge kuht liye, tuh oasr sie pacl ituckyang nuh [sum Joaquin] in auliyak.”
Kuht muhtwacwacack in kahkahsrihk rit, fuhs nuh ke fuhs, ne ke na kuht sun fuhs tolu sahflah ah. Na nga moklweyuckyak ke sie puhla kuhlwacna. Puk sac sramsram suwohs nuh sihk, ac nga muhtwacwacack in tuhng ke nga riti, “Ac inge, [Joaquin,] wen nuhtihk, nga kena tuh kom in lwelah ma inge in tiac sifil ahkfohsye kom, ac lwelah tuh ma koluk lom muhkwena in ahkfohsye kom, tuh mwe ahkfohs ingacn fah iskowi nuh ten nuh ke auliyak” (fuhs 29).
Nga nuhnkwacack ingena lah nga enenuh in eis ke fwackyuck inge ke tiacna orwaclah orekma enenuh kac. Ne ke pacl sac nga tiac na sramsram na pwacye sin God, ac nuhnak se in sramsram nuh sin sie mwet suc ma tiacna oasr oacna in wacngihn kalmac. Nga enenuh in ahkpuhsisaclyeyuc ac oruh ma siyuckyuck nga in oruh finne, ke ma nga nuhnkuh insifuck, oacna in tiac na wo.
Lwen se ingacn nga ikacslah insiyuck nuh ke Nguhn, kena in auliyak, ac kena in pacptaislac! Met liki pacl sacn, tuh kihtin pacl ah nga etwaclah ke sie atac sasuc—nga lotwelah oacna ke kuhtuh ma wo ke kuhtanglah ma upac.
Elder Cutler el oasr inge mihsenge, ac nga kena fahk kuloh nuh sel ke el kahsrweyuc in etwaclah. Kais sie sulwaclah ma nga orwaclah in moul luhk ke pacl sac kahsrweyuck ke pacl se nga ahkpuhsisaclyeyuc, pruhe ke nuhnak muhnahs, ac Iwaclah luhn Jisus Kraist el tuhkuh weacng ip luhn moul luhk.
Na mwe luti sahflah, in sie pohloh kahs: puhlakihn auliyak; wacngihn ma ac ahkfototoye kom nuh yurin Leum Jisus Kraist ne ke kena se in eklac.
Mwet sirape sacohk luhk, kawuck luhn Alu, fin kom lohng mihsenge, kom apkuhran in sun engan yohk. Kom apkuhran!
Lwelah ngan suli kowos, ke kuhiyacn insiyuck nohfohn, ac ke loaliyacn nguhnihk: som ac pacptaislac! Pa ma se wo emet kom fah orwaclah. Ac fah tiac ekuhlah muhkwena moul lom ac oacyacpac moul luhn tuhlihk nuhtum ac tuhlihk nuhtin tuhlihk nuhtum.
Leum el ahkinsewowoyeyuc ke sie sucu. Nga pahyuckyak sel Renee, ac oasr tuhlihk kahto ahkosr nahtuhsr. Ac ke srihpen pacptais luhk, nga kuh, oacna mwet pahluh mahtuh Lehi, pahnglolos in ipeis ke fukun sahk ke sahk luhn moul, pa sie akucl ke luhngse luhn God (liye 1 Nephi 8:15; 11:25). Nga kuh in kahsrwelos in tuhkuh nuh yurin Kraist.
Oruh nuhnak muhnahs nuhnkuh ke ohiyac luhk, ac (1) lohacng nuh sin misineri in pwacye, (2) som nuh ke Alu ac esam puhla luhn nguhn, (3) riti Puk luhn Mormon ac siyuck sin Leum fin pwacye, ac (4) puhlakihn auliyak ac pacptaislac.
Nga fahkwack ma inge nuh sum lah fin kom oruh ma enenuh in fwackyuck, ahkpuhsisaclye kom, riti, pruhe, ac auliyak, inkuhsrao fah ikacklah ac kom fah etuh, oacna nga etuh, lah Jisus pa Kraist, suc El pa Mwet Lahngo luhk ac kom. Ke inen Jisus Kraist Amen.