Christ Bóhólníihii Díijį́ Náádiidzáh

Ááshinée’ shik’is dóó shiláh, nihe’áshiiké t’ahdii ádaałts’íisígo, da’iidóołhwosh biká hane’ ła’ bee bił hashníh, éí éiyá. “Christ “Bóhólníihii Díijį́ Náádiidzáh.”¹ łáhda saad sodíszingo náhashnił: K’ad da’óołháásh—dáhodiiyíł. T’áá hooshch’į’ nihe’áshiiké da’ íiłhwosh, éí doodágo da’íilghaazh nízingo yee’, ndi’déesh’áłígíí bił béé dahózin.

Saad—jó shizaadii—doo shidiisná’ii baa hojólne’ áshiiláo Naat’áanii Russell M. Nelson bila’ yee shíla’ yiyííłtsood, bił hinishnáii Susan shíigháh sizį́įgo, dóó díí Bóhólníihii baa hasti’jį’ shíizhi’ígíí eíí shiyól ne’kódzaa dóó kojį’ dikwiishįį yiską́ shinák’eeshto’ ńdadigóhgo.

Díí Christ Damóogo náhii’na’, shił hózhǫ́ǫ deesh’ááł, “Alleluia.” Sin nihiYisda’iinííł ayóó’ó’óní yee niná’idlá² aha’díist’ą́ yee da’ahótą’ígíí (eíí Diyin God yidanhółtą’ dóó da’ahótą’) dóó Jesus Christ be’iina’ yee niná’ídláago (eíí hastįį dóó asdzání bits’íís yiká adóolwoł dóó Diyin Ii’sizíi kot’éego nínii yee hiná³).

T’áa’áłah, nihi aha’díist’ą́ dóó Yisdáá’iinííł be’iina’ yee niná’ídlá bee haa yilyééh dóó bee yá’áhoot’ééh. T’áa’áłah, yee nihíká íilwo’go yiníitą’ dóó bidiichi’. T’áa’áłah, bee álkán, bee aa’áhayą́, bee hodíyiih, bee áni’iyééh.

Adííniid Bá Yáłti’í Joseph Smith: “Ła’ shį́į́ ayóó’át’éii yee nda’nítin danízin, éí baa yádeilti’go—bee ádziil nihokáa’gi dóó yá’ąąshdi bee ná’iizóóh dóó ahídaaltł’o’. Ákot’ée ndi, t’áá nléidę́ę́’ ne’ bikáa’gi, haa’íshį́į́ hoolzhíshgo Bóhólníihii bibee ádziil yiníkáá góne’é bila’áshdla’íi ła’ yił ííshją í’iił’įįho, éí doodáo hastói dikwíishį́įgo, díí bibee ádziil t’áa áko baa yilyééh.”⁴

Dóó dííjį́ ákoy’é. aha’díist’ą́ dóó bee áda’ool’į́įł baa dahasti’íí, doo háadi dah dahólǫ́ǫ da, yee’ 159 Bóhólníihii bighan sinil 43 kédaayahgóó biyi’ góne’é t’éiyé haa dit’ááh. Ak’ihozhdoodlííł bee ha’óozi’ę́ę bibee ąą ńdaditįhí, bibee ńda’nitin, dóó bibee ódahólníí, nihe’oodlą’ ak’eh hóniil’į́ bee bik’ízdilid, dóó k’ad háánoot’ąnii BiDiyingo Ii’sizíi yich’į’ yee ádeehahaasdzíí, ne’gi dóó ahwiyiis’áo.

Ááshinée’ shik’is dóó shiláh, kédaayah, haojéé, dóó yáłti’jí, nihokáá’ nihiSodizin bá hooghan danínilgóó, ahéhee’ t’áá ndahídołtááł oodlą’, chánah, dóó ’aa’ áhayą́ bee hinóhná. Ahéhee’ hane’ yá’át’éeh ninályáo bee dáotsą́ dóó bii’ hadoohkáii bee shódeisółte’.

Ááshinée’ shik’is dóó shiláh, bee t’áała’í daniidlį́. Nihí “t’áała’íi biká ádeit’į́ dóó ayóó ’ó’ó’ní bee nihi’distł’ǫ”⁵ t’áá ałtsoní dóó t’áá ałtsogóó.⁶  Bóhólníihii Jesus Christ woshdę́ę́’ nihił nín gi’át’áo, háádi shį́į́ neidáh, haashį́į yit’éego nihił haz’ą́, t’áa shǫǫdí “diináál dóó yiiłtsééh.”⁷

Dííjį́ shigáál hojobá’í íishłáago yiniłdziljį’ yéego biníshtah,⁸bee ánisht’éii éí doodágo dooléełjį’, shiYisda’íinííłii dóó bił iiná ásh’íinii Susan bich’į’, dóó sha’áłchíní, shik’iské bich’į’, dóó t’áała’í noozínígo, ááshinée’ shik’is dóó shiláh.

T’áá ałtsoní daask’ązii dóó ahooláaoígíí yee’ Diyin God hinánii dabináhjį’, nihiAzhé’é Hool’áo ayóó’ánho’ni dóó biYe’, Jesus Christ, dóó Be’iina’ yee niná’ídláii, Diyin Ii’sizíi binájį’ iiltsééh.⁹ Díí Damóogo náhii’na’. t’áá ánii yiiłtsą́ dóó t’áá aaníí Christ hiná dishní—Bí éí náádiilyá, łééh yiltį́, dóó táá’ yiską́ǫ náádiidzá, dóó yá’ąąshgóó anáádzá.”¹⁰ Bí áłtsé dóó akéedi nilį́¹¹—hodeeyáadi nihił hólǫ́, nihoníyáadi nihił hólǫ́ǫdoo.

Bá yádaałti’í íiłkáahjį’ dahólǫ́ dishní, nléí Bá Yáłti’í Joseph Smith naagháádóó nihiNaat’áanii Russell M. Nelson dah neezdáajį’, éí baa nihił dahózhǫ́ǫ bá yadadíilnii’. Niha’Áłchíní yázhi sin yee dahataałí gi’át’áo, ahóóti’ bił bééhózin,”¹² shí eíí ádishní, saa diyinígíí biyi’ áhodoonííł níngi’át’áo, Mormon Binaaltsoos t’áá bóótą’go: Ałdó Jesus Christ bi’aha’deet’ą́ át’é, “Bóhólníihii bí haz’ą́ lá ne’ bikáá’ ninínaanalyá, Messiah nináá nadáhii biba’hast’edii’nééh”¹³ Jesus Christ bizhi’ diyinii dóó baa hasti’íi bináhjį’, áámen.