Mu Pag ni Ngan Fal’eg ea Re Na’un Ney ni Fan ko Fithingag
Machane, ba gaa’ fan fapi m’ag ni yima thapeg ma ku arrogon ko fapi gaming ni fan ni nge bi’ech nge flont gumircha’daed ma ku ni ngan chibiy nga lang fak Got.
Lane fare rangrane nib thothup ni ke yaen 200 ea duw, me guy Joseph Smith Got, ni Chitimangiy ni dabi M’ay, ra noned Nge Fak’, Yesus Kristus. Lungrow, ea Joseph Smith ea fil riy mornga’agen rogon fare Godhead ma ku mornga’agen ea yi’iy ni ka be yib ni nap’an ea re changar ney nu tharmiy ea ke yib nag fapi rran nib tomur ko “ngiyal’ ni bay gubin riy.”1
Gonpon ea dalip ea duw ni ke yaen ko ngiyal’ nem, ni be ful’weg ea meybil nib yul’yul’ ko September 21, 1823 ni balayal’, me sug ko tamilang ea senggil rok’ Joseph nge mada’ ni ke “gel ea tamilang ko misiw’.”2 M’ug bee’ nga charen ea bet rok’, me pining fithingan fare pagal me yoeg ni “ir ea tamulwol ni ke yib u p’owchen Got… me fithingan Moroni.” I fil ngak’ Joseph morngaʼagen fare wub ni bayi tay fare ke Babyor ku Mormon.
Me aram ea yoed ea thin ni yib ko fare babyor ko Malaki ni bay u lan ea M’ag nib Kakrom, ni be thil ea thin riy ni yib yoloey u lane ea rogon ni King James: “Musap, bay gu pii’ ngom fare Priesthood, u dakean paa’ Elijah ni fare profet, nu m’on fare wub ko fare rran nib yargael mab gaa’ fan rok’ fare Somoel…
Musap gaed, gura piiʼ Elijah ni fare profet nge yib ngomed u mʼon ni nge yib fare rran rokʼ Somoel nib gaaʼ mab gel e digow riy;
Ma bayi pii’ ko gum’ir’cha’en ea fak fare michmich ni tay ngak’ fapi chitamangiy, ma bayi chel pi gum’ir’cha’en ea fak ko chitamangraed. Fa’anra gathi arrogon, ma ra paer ea fayleng ni dariy fan.”4
Ba gaa’ fan, ni wel ko Moroni ni yaen ngak’ Joseph Smith ni mornga’agen ea muruwel ku Elijah ea tabab nag muruwel ko gidii’ nib kakrom nge temple ni nap’an ea tin tomur ea rran me par ni binem ea bang nib th’abi gaa’ fan ko sulyarmen “gubin, ni Got ea yoeg u lungun ea profet rok’ nib thothup ni gubin ko ngiyal’ ni tabab ea fayleng iyib nga chiney.”5
Gu be meybil nag ni nge ayuwegneg fare Kan ni Thothup u nap’an ni gadaed be fil mornga’agen fapi m’ag, gam’ing, nge towa’awth ni rayog ngodaed u lan fapi templs ko Fare Galasia ku Yesus Kristus nifan ko Gidii’en Got ko Tin Tomur ea Rran.
Sul ni Tay Elijah
Ngu tabab ni gu be fith ea duwer nib gaa’ fan: Mang fan nib gaa’ fan ea sul ni tay Elijah?
“Gamed be fil ko yi’iy ko tin tomur ea rran ni bay rok’ Elijah gelngin ea sealing ko fare Melchizedek Priesthood”6 me ir ea cha’an tomur ni arrogon ni paer u m’on ea ngiyal’ ku Kristus.”7
Fare Profet i Jospeh Smith ea weliy, “fare ya’al, gelngin, nge muruwel ku Elijah, ea paer ni fan ni ngan kol fare kiy ko fare… Melchizedek Priesthood ni polo’ … ; ngan… thapeg … gubin ea gam’ing ni bay ko fare gil’ilungun Got, ni ngan chel gum’ircha’en ea chitimangiy ko pifak, nge ku fapi gum’ircha’en fapi fak ko fapi chitimangiy, ni pi’in ni bay u tharmiy.”7
Re mat’awon ney ko sealing nib thothup ea ba t’uf ni fan ni “faren’en ni ngan m’ag u dakean ea fayleng ma bayi paer ni m’ag u tharmiy; ma faren’en ni ngan pithig u fayleng, ma bay ni pithig u tharmiy.”8
Joseph ea ku weliy ni, “Uwrogon ni ra yib Got nge ayuweg e re mfen ney? Bayi l’oeg Elijah ni fare profet… Bayi pii’ Elijah fapi m’ag ni ngan ma’ag fapi gum’ircha;en fapi chitimangy ko fapi fak, ng ku fapi fak ko fapi chitimangiy.”9
M’ug Elijah ni ’un Moses ngak’ ni yow baey u dakean fare malang ko transfiguration ra pii’ew re mat’awon ney ku Pter, James, nge John. Ki m’ug Elijah ni ra un’ew ngak’ Moses nge Elias ko April 3, 1836, u lan fare temple nu Kirtland ra pii’ed fapi kiys ko priesthood ko Joseph Smith nge Oliver Cowdery.11
Fare Sulyarmen ea mat’awon ni ngan m’ag ni tay Elijah ko 1836 !!!!
Thil, Chel, nge bi’ech ko gum’ir’cha’
Fare thine gum’ir’cha’ ea yima yoeg ni boech ko 1,000 ea yay u lane ea pi scriptures. Re thin ney nib moem mab gaa’ fan ea be yip fan ko fapi thamtham nib t’aer ku bee’. Gum’ir’cha’daed - Urngin ea athap, t’uf, lem ni ngad rin’ed, athamgil, nge rogon ea lem rodaed - ma dugliy rogdaed ma dugliy rogdaed nga tomur. Rogon Somoel ea be thilyeg be cheleg, be bi’ech nag gum’ir’cha’daed u dakean ea pi m’ag ko fare gospel ma ku arrogon ko pi gam’ing ko fare priesthood.
Dadad fal’eged dared nga langin ea temple ni kemus ni ngan ’un ko ngongol ni dabni pagtalin Machane, ba gaa’ fan fapi m’ag ni yima thapeg ma ku arrogon ko fapi gaming ni fan ni nge bi’ech nge flont gumircha’daed ma ku ni ngan chibiy nga lang fak Got.
Rayog ni ngad un’ed ko muruwel ni nge towa’ath nag ea gidii’ ni be par u ruw raba’ ko fare veil ni nap’an gadaed be tay ea michmich nga gumircha’en pifak ni kan michmicheg ko fapi chitimangiy - ni arrogon ko Abraham, Issac nge Jacob - ni gadaed be cheleg gumircha’en pifak iyaen ko chitimangraed, ngaed rin’ed ea mafil ko chipin ea tibinaw, ngad rin’ed ea gam’ing ko fare temple. Nap’an ni gadaed be ’un ko muruwel ney nib thothup, ma gadaed be fol ko fapi motochiyel ni thingar da t’ufeged ngad pigpig gaed ngak’ Got nge gidii’.12 Ma pigpig ni arrogon ni ni gathi fan daed ea ma aywuegdaed ni ngad “Runguyed!”13 ngad baed iyib ngak’ fare Tabiyul.14
Yigo’ langin ea temple ni Na’un rok’ Got ea rayog ni ngan thapeg ea Tin th’abi thothup ea m’ag nge gam’ing riy. Be gaa’ fan nag gubin ni yima fil ngan rin’ u lane temple fare thothup rok’ Yesus Kristus nge liw rok’ u lane tunom nib gaa’ ko falflaen’ ku Chitimangiy nu Tharmiy.
Be yib u lane yi yaen nga wuru’
Ke weliy PRsident Ezra Taft Benson ba rogon nib gaa’fan ni ma fanay Tabiyul ni nap’an ni be yib nag “ea thap nge yafos ni manimus ko gidii’.”15 Yoeg ni, “Ma muruwel Somoel iyib u lan i yaen nga wuru’. Ma muruwwl fayleng iyib u wuru’ iyaen nga langin. Nge fek feyleng ea gidii’ ko gafgow. Ma fek Kristus ea gafgow ko gidii’, ma arame yad ma fekraed ko gafgow. Ma thilyeg fayleng rogon ea paer ko gidii’. Ma thilyeg Kristus ea gidii’, me thilyeg gidii’ rogon ea paer roraed. Ma thilyeg fayleng ea ngongol ko gidii’, machane ma thilyeg Kristus rogon ea gidii’.”16
Ma paer m’ag nge gam’ing ni kengin ea ngongol ni be rin’ ni gargel ko ya’al nge thil; Tinem ea rogon ni ma muruwel Somoel rodaed u langin nga waen’. M’ag ni ngan fol riy, dabni pagtalin, ngan yoloey “ ko fare Kan Thothup ko Got nib fos… u lane gumircha”17 ea ma pii’ fan nge nangaen ko towa’ath u lan faylen nge tharmiy. Gam’ing ni yibe thapeg nib mat’aw ngan lem nag ea ma bing wo’en ea tharmiy ni rayog ni nge yib riy gelngin Got nga langin ea yafos rodaed.
Dadad baed ko fare temple ni ngad miith gaed ngad chuw gaed ko togan nu fayleng. Machane, ngaed baed nga fare temple ngaed gel gaed ko fayleng nib togan. Nap’an ni ngaed pininged nga yaqfos rodaed fare “gelngin tin ku Got”18 ngan thapeged ea gam’ing ngan fal’eg ea m’ag ngan fol riy, ma ra yib ea towa’ath ngodaed ko gelngiy nib gel ngodaed19 ni ngan gel ko umel nge tin mo’mow` ko fayleng ngan rin’ ngan mang mangil.
Rir ko Re Na’un Ney ea Nge Wer
Kan fal’eg bin som’on ea temple ko re dispensation ney u lan ea Kirtland, Ohio ma ke thothup nag ko March 27, 1836.
Lan e yi’iy nni pii’ ngak’ Jospeh Smith ni ke yaen reb a wik nap’an u tomurean ea dedication, me ga’ar Somoel,
“Nge falflaen’ ea gumircha’en ea gidii’ rog, ni, dakean gelingraed, ma fal’eg ea re na’un ney nga fithingag.
“Arrogonn gumircha’en ea bo’or ea ra falflaen’ nib gel ni bachane ea towa’ath ni bayni pu’og, nge ku arrogon ko endowment ni kan endow nag ea tamuruwel rog u lane na’un ney.
“Ma rir ko na’un ney ea bayni wereg nga palog; ma biney ea tabolngin ea towa’ath ni bay ni pu’og nga dakean lolugen ea gidii’ rog.”20
Musap gaed ko fapi thin ni, gumircha’en ea bo’or ea bayi falflaen’, nge ku fare riri ko na’un ney ea bayni wereg nga palog. Rib mangil ea pithin ney u lane April 1836 ni nap’an ni buch’uw ea gidii’ ni chongin ea Galasia ma yigo’ reb ea temple ni bay.
Daba’; ni 2020, ma bay ea 168 temple ni mab rodaed. Ku Aningeg i ragag nge mereb ea yibe fal’eg fa kanoeg ni ngan fal’eg. Yibe fal’eg ea na’un ku Somoel u “donguch nu maday”21 nge ku lan ea nam nge gin ni be lemnag ea bo’or ni sana’ dabni rin’.
Fare gam’ing ko endowment ea yibe rin’ ko 88 thin nu nam ma bayni rim’ ko kuboech ea thin u nap’an ni yira fal’eg ea temples ni nge towa’ath nag kuboech ea btir ku Got. Nap’an ea 15 ea duw ni nge yib, ma thin nibay ko gam’ing ko temple ea ra double.
Biney ea duw ma yira tabab i fal’eg ea 18 ea temple. Yugamrogon, 150 ea duw nap’an ni ke fal’eg ea tin som’on ea temples ni 18 urngin, ni tabab ko fare yarmen ea galasia ko 1820 nge mada’ ko dedication ko fare temple nu Tokyo Japan ni ke tay PRsident Spencer W. Kimball u lan ea 1980.
Mu lem niged nibe papay ea muruwel ko temple ni kan rin’ nap’an nibe fos President Russel M. Nelson Fa’ani gargel President Nelson ko September 9 1924, ma nel’ urngin ea temples ni mab.
Fa’ani gapgep nag ni’ir ea apostle ko April 7 1984, ni 60 duw ni ke yaen, ma 26 urngin ea temples ni mab, ni binem ea ku 20 ea temples u nap’an ea 60 ea duw.
Fa’ani gapgep nag President Nelson ni’ir ea President ko Galasia, ma 159 urngin ea galasia ni mab, ni ku 133 temples u nap’an ea 34 ea duw ni ke pigpig ni’ir chongin ea Ulung ko Ragag nge L’agruw.
Ngiyal’ ni mang ea President ko fare Galasia ko January 14, 2018, ma President Nelson ea ke yoeg ea 35 ea temple nib bi’ech.
Mereb i Ragag nge nel’ ea pacent ko temple ni bay ea chiney ea kan thothup nag raed u nap’an ni be fos President Nelson; Meruk i ragag nge aningeg ea pacent ea kan thothup nag ke mada’ ko ngiyal’ ni kan gapgep nag ni’ir ea Apostle.
Mu Lem Nag ea Tin Th’abi Gaa’ Fan Ban’en
Gadaed ea gidii’en ea galasia ku Got ni kan sulyarmen, ma gadaed be sakiy ni be falflaen ko muruwel Rok’ nibe papay be papay u lan ea tin tomur ea rran. Ma kuboech ea temples ea nge yib.
Ke prophesy nag Brigham Young ni “Ngan muguliy ea muruwel ney, ma ba t’uf ni gathi kemus ni reb e temple ni bay, machane biyu’, nge ku biyu’ nge ragag i biyu’ ea pum’on nge ppin ni nge yaen nga langing ea pi temples nem ngar ngongol gaed ni fan ko gidii’ ni paer ni b kakrom nge nap’an ea ngiyal’ ni nge yi’iy nag Somoel ”22
Ngan nang, ma thin ni yoeg morna’agen urngin ea temple nib bi’ech ea be paer ni reb ea gin ni yib ea falflaen’ riy nge ku fan ni nganoeg ea magar ngak’ Somoel. Machane, thingari paer ea lem rodaed u dakean ea m’ag nge gam’ing ni rayog ni nge thilyeg ea gumircha’daed nge t’aer nag ea mich rodaed ku Somoel ma gathi yigo’ dakean ea gil’ ni tay nge ya’an nib fel’ ea na’un.
Tin nib gaa’ fan ea muruwel ni paer rodaed ni gadaed ea gidii’ ko galasia ku Somoel ni kan Sulyarmen ea (1) ni ngan “Runguy Ir!”23 nge paer ea gumircha’daed ni ke thil ni bachane m’ag nge gam’ing, ma (2) ngan mugu’uliy ea muruwel nu tharmiy ko falflaen’ ni ngan og ea towa’ath ko temple ko gubin ea gidii’ ni be par ko l’agruw ea raba’ ko fare veil. Bay ea thin nge ayuw Rok’ , ma arrogon ni bay da mugu’uliy ea pi muruwel ney.
Ngan Fal’eg ea Zion
Fare Profet i Joseph Smith
“Zion ni yibe fal’eg ea reb ea fan ni ba mangil ko gidii’en Got u nap’an ea gubin ea mfen; binem ea lem ni lemnag ea ni paer tafnaey ko pi profet, priest nge pilung ko falflaen; ra sap gaed nga m’on ni yaed be soen mab falflaen’rad ko rran ni gadaed be paer riy; me sug ko falflaen’ nu tharmiy mar tang gaed ra yoeled ra prophesy niged ea rran rodaed; machane ra m’aed ni dariy ea changer roraed; … kan pag ngodaed ngad guyed, ngad ’uned, ngad ayweged ni ngan yaen nga m’on ea rir ko Tin tomur e Rran.”25
Priesthood nu tharmiy ea bayi ’unko faylen, ni ngan yib nag ea pi fan nem nib gaa’; … ba muruwel ni Got nge Angel ea ra lemnagrad ko falflaen’ ni ke yaen bo’or’ ea mfen; ni suguy ea ya’al ko chitimangiy nge profet ni kakrom; ba muruwel ni ba fan ni ngan yibnag ea gathay ko gelngin ea togan, thil ko fayleng, rir ku Got, nge thap ko gidii’.”26
Gu be micheg ni m’ug Chitimangiy nge Fak ngak’ Joseph Smith, me sulweg Elijah fare mat’awon ko m’ag. Rayog ni nge gelnagdaed nge bi’ech nag ea gumircha’daed ea m’ag nge gam’ing nib thothup u nap’an ni gadaed be “Runguy!”25 ngad thapeged ea gelngin tin ku Got nga lan ea yafos rodaed. Gube micheg ni ra gathay re muruwel nu tin tomur earran ney gelngin ea togan nge yib nag ea thap ko gubin ea gidii’. Gu be micheg e ren’ey u dakan fithngan Somoel nib Thothup Yesus Kristus, amen.